Романскиот парламент денеска изгласа недоверба на проевропската влада предводена од Илие Боложан, со што официјално заврши мандатот на актуелниот кабинет.
Иницијативата за гласање недоверба беше поднесена од пратениците на Partidul Social Democrat, Alianța pentru Unirea Românilor и Pace – Întâi România. Предлогот доби поддршка од 281 пратеник, додека четворица гласаа против, а три гласа беа прогласени за неважечки.
Како што пренесува Agerpres, предлогот за недоверба бил потпишан од вкупно 254 пратеници и бил насловен како „СТОП на планот на Боложан за уништување на економијата, осиромашување на населението и нелегална продажба на државен имот“.
По гласањето, Боложан веднаш ја напуштил зградата на парламентот, без да даде изјава за медиумите.
Политичката сцена во Романија влегува во нова фаза на неизвесност, додека се очекуваат следните чекори за формирање нова влада.
…
