Полицијата поднела кривична пријава против три лица од од Гевгелија и Струмица, поради сомнежи дека биле вклучени во организирана шема за набавка и пренос на кокаин.
Според податоците, станува збор за И.Ѓ. (26) од село Ново Конско, гевгелиско, П.Ч. (33) од Гевгелија и В.С. (51) од Струмица. Истражните органи посочуваат дека првоосомничениот И.Ѓ. ја организирал набавката на дрогата, по што, во договор со П.Ч., бил ангажиран транспортот со патничко возило до третоосомничениот В.С.
По преземањето на кокаинот, В.С. наводно го сокрил на необична локација, закопувајќи го во земја во реонот познат како „Топо“, во атарот на селото Босилово.
Од Министерството за внатрешни работи потврдуваат дека наркотичната супстанца е пронајдена и запленета, а случајот е процесуиран согласно законските процедури.
…
