Жителите на делови од скопските општини Бутел и Центар денеска ќе се соочат со прекини во снабдувањето со електрична енергија поради најавени технички зафати на дистрибутивната мрежа, информираат од ЕВН Македонија.
Во општина Бутел, без струја од 08:30 до 11:30 часот ќе останат корисниците од делови на улиците „Мара Маждуречка“ и „Ферид Бајрами“, каде се планирани активности за одржување на електроенергетскиот систем.
Прекин на електричната енергија е предвиден и во Центар. Во периодот од 09:00 до 15:00 часот, без напојување ќе бидат дел од објектите на улицата „Самоилова“, како и просторот околу Музејот на современа уметност.
Од ЕВН апелираат граѓаните навремено да ги приспособат своите дневни активности и потенцираат дека прекините се временски и во функција на подобрување на стабилноста на мрежата.
…
