Семејството на аргентинската фудбалска ѕвезда Лионел Меси издаде официјално соопштение во кое информира дека неговиот татко Хорхе Меси се соочува со здравствени проблеми и дека моментално е под постојан медицински надзор.
Во соопштението се наведува дека неговата состојба се следи внимателно и дека има знаци на подобрување, но не се откриваат дополнителни детали за природата на здравствените потешкотии.
Семејството изрази загриженост поради големиот број шпекулации и непроверени информации кои се појавија во јавноста во изминатите часови, нагласувајќи дека станува збор за приватна семејна ситуација.
Тие апелираа до јавноста и медиумите да покажат одговорност и да се воздржат од ширење на неточни информации, истакнувајќи дека само официјалните семејни канали можат да дадат веродостојни податоци.
На крајот, семејството им се заблагодари на сите за поддршката и разбирањето, додавајќи дека сите нови информации ќе бидат соопштени исклучиво доколку има потреба и преку официјални извори.
…
