Пред Домот на културата во Кратово на 27 јуни се одржа промоција на првата книга „Лузни што зборуваат“ од проф. Радица Таскова, професор по македонски јазик и литература.
Станува збор за поетска збирка инспирирана од темата на семејното насилство, со цел да се подигне јавната свест и да им се даде глас на жртвите кои долго време молчеле.
Авторката истакнува дека делото претставува личен и општествено ангажиран уметнички израз, насочен кон поттикнување на дебата и поголема чувствителност за оваа појава.
Особена тежина на книгата даваат рецензиите на проф. д-р Венко Андоновски и проф. и лектор Марија Лозановска, кои, како што наведува авторката, претставуваат значајна поддршка за нејзиното прво авторско дело.
Настанот беше проследен од љубители на литературата, колеги и поддржувачи на авторката, а беа претставени и фотографии од книгата и од самата промоција.
