Тетовската Гимназија „Кирил Пејчиновиќ“ со реакција на вчерашното партиско соопштение
Управата на Гимназијата ,,Кирил Пејчиновиќ” – Тетово остро реагира на изнесените информации за функционирањето на училиштето. Системот за електронско аплицирање на учениците во средните училишта работеше беспрекорно и во јунскиот и во августовскиот уписен рок.
Во августовското пријавување во електронскиот систем немаше пријавено ученици кои наставата ќе ја следат на македонски јазик. Од таа причина не се објавени списоци со примени ученици за паралелките со настава на македонски јазик на официјалната веб-страница на училиштето.
Во понеделникот веб-страницата беше хакирана на трите јазици (македонски, албански и англиски јазик). Вчера ИТ тимот на училиштето работеше напорно да го реши проблемот и успеа во тоа. Веб-страницата е вратена во функција и на неа ги има списоците со примени ученици од јунскиот уписен рок. Примените ученици во нашето училиште се известени уште во јуни дека се примени согласно законските прописи. Распределувањето на учениците во пралелки се врши согласно објавениот конкурс за запишување на ученици во Гимназијата од страна на МОН, запишаниот број на ученици и просторните капацитети на двата објекти каде учениците ја следат наставата во претпладневна смена.
Исто како целосна невистина ги отфрламе наводите дека 50 ученици ќе следат настава во една училница. Учениците во гимназијата ќе ги имаат најдобрите услови за учење благодарение на новите инвестиции во училиштето.
Управата на училиштето е посветена на создавање на подобри и поквалитетни услуги и услови за непречен и континуиран квалитет на образовниот процес.
Токму ваквите непроверени информации кои се неосновани и неточни создаваат хаос во образованието.
Ние работиме посветено и доследно!
…
