Храбар 15-годишен битолчанец се најде во центарот на драматичен настан во грчкото летувалиште Олимпијада, каде успеал да помогне во спасувањето на тричлено семејство од Бугарија.
Михаил Николовски, ученик во СОУ „Ѓорги Наумов“ од Битола, без двоумење влегол во разбрануваното Егејско Море откако силните бранови ги одвлекле мајката, таткото и нивното дете подалеку од брегот.
Според сведоштвата на неговото семејство, Михаил прво успеал да ја извлече жената на безбедно, а потоа се вратил во водата за да им помогне и на детето и на таткото. Со неговата храбра реакција, сите тројца биле безбедно извлечени од морето.
Настанот предизвикал големо внимание меѓу присутните на плажата. По успешното спасување, Михаил бил поздравен со силен аплауз од луѓето кои ја следеле драмата.
Храбриот потег на младиот битолчанец покажува дека хуманоста и присебноста можат да бидат пресудни во критични моменти.
…
