Од утре почнуваме со нова фаза во работата на Собранието, ќе одиме прво во Гостивар, а идејата е да одиме во сите општини, за видиме како оди процесот на отварање и функционирање на канцелариите за пратениците, најави претседателот на Собранието Африм Гаши.

Продолжува процесот на отварање на пратеничките канцеларии во општините, минатиот месец беа 28, сега се 32, најави денеска претседателот на Собранието Африм Гаши.

– Од утре почнуваме со нова фаза во работата на Собранието, ќе одиме прво во Гостивар, а идејата е да одиме во сите општини. Собранието оди на терен кај градоначалниците, да видиме како оди процесот на отварање и функционирање на канцелариите за пратениците. Онаму каде што се отворени да ги охрабриме гражаните почесто да ги посетуваат, а онаму каде нема, да придонесеме да се отворат – најави Гаши.

Пратенички канцеларии има во општините: Аеродром, Битола, Берово, Виница, Ресен, Валандово, Гостивар , Гевлелија, Гази Баба, Ѓорче Петров, Карпош, Крушево, Кратово, Кочани, Кисела Вода, Кавадарци, Неготино, Охрид, Петровец, Свети Николе, Радовиш, Маврово Ростуше, Чаир, Македонски Брод и Ново Село.

– Досега не функционираа како што треба, ние сакаме да дадеме дополнителен допринос да профункционираат канцелариите. Мислиме дека ако ние одиме таму ќе направиме сензибилизација и граѓаните ќе знаат каде се канцлариите и ќе ги посетуваат пратениците. Секој петок ќе одиме во некоја општина, во зависност од агендата, затоа што и онака петок е ден во Собранието кој е резервиран за средби со граѓаните – рече Гаши.

Во врска дали ова може да се сфати како кампања со оглед дека сме во предизборна година за локалните избори, Гаши рече дека тоа не е случај и дека посетите ќе продолжат и по изборите.

– Мојата функција во Собранието сум ја презел со голема одговорност и посветеност. Јас не мислам на избори. Ова го правам без калкулации, затоа што мислам дека е добро и за Собранието и за граѓаните – рече Гаши.

Тој информираше и дека е отворен е-регистар на кој можат да се регистрират сите здруженија на гражани и невладини организации.

– Така, за секоја дебата што ќе се случува во Собранието ќе добиваат нотификации и ќе можат да учествуваат во дебатата. Со тоа ја зголемуваме транспарентноста и отвреноста на Собранието. Во текот на ноември се организирани три јавни дебати и една дискусија и, според статсистиките, со ова сме ја надминале бројката за целосен мандат. Досега во цели четиригидипни мандати  немало толку дебати и јавни расправи колку што имавме ние за шест месеци – рече Гаши.

Директорот на ЈП за државни патишта, Коце Трајановски, соопшти дека вечерва се завршуваат градежните активности со поставување на финалниот слој асфалт на главната траса од експресниот пат Страцин – Крива Паланка.

Според Трајановски, зголеменото темпо на работа, заедно со ноќното и зимското асфалтирање со специјални адитиви, овозможило целата должина на главната траса да биде асфалтирана во рекордно краток рок.

„Дополнително, со забрзано темпо се изведуваат градежните активности на пристапните патишта, мостовите и клучките долж целата траса,“ изјави Трајановски, истакнувајќи дека завршувањето на овој инфраструктурен проект е приоритет за поврзување и развој на регионот.

Претседателката на Македонија, Гордана Сиљаноска Давкова, изрази искрена благодарност до претседателот на Црна Гора, Јаков Милатовиќ, за топлото гостопримство и отворениот дијалог за време на нејзината официјална посета.

„Со Црна Гора нè обединуваат заеднички визии и стремежи: интеграцијата во Европската Унија, зајакнувањето на регионалната стабилност и создавањето услови за економски и општествен напредок. Верувам дека оваа посета ќе остави длабоки траги во продлабочувањето на нашата соработка,“ истакна претседателката.

Таа нагласи дека пријателските односи меѓу двете држави ќе продолжат да се развиваат, отворајќи нови перспективи на билатерален и меѓународен план. Посетата беше оценета како значаен чекор кон зацврстување на партнерството помеѓу Македонија и Црна Гора, со фокус на заедничкиот напредок во рамките на европските интеграции и регионалната стабилност.