Премиерот Христијан Мицкоски вечерва најави нов предлог проект кој е во фаза на анализа за набавка на 100-120 електрични автобуси кои што нема да бидат распределени само за ЈСП-Скопје.

„Ние сме одговорна Влада и како Влада така и ќе продолжиме да се однесуваме. И набргу од денеска ќе излеземе со еден нов предлог-проект, а тоа е – анализираме се уште каква е расположливата моќ на буџетот за набавка на помеѓу 100 и 120 електрични автобуси заедно со полначи 50-ина, коишто ќе бидат распределени не само во Скопје за ЈСП, туку и за оние општини каде што има организиран јавен градски превоз по пропорцијата 80:40 или можеби ќе биде 70:70 – ќе видиме, се уште размислуваме и ја анализираме оваа ситуација и убеден сум дека набргу од денеска ќе изнајдеме едно вакво решение со кое што драматично ќе го олесниме и јавниот превоз во Скопје, но и во другите општини коишто имаат организиран јавен превоз“, рече Мицкоски.

Тој вели дека од информациите со коишто располага од Бирото за јавни набавки е одговорено позитивно на барањето на ЈСП за спроведување итна постапка за набавка на нафта по пат на преговарање.

Во последното деноноќие делови од Македонија беа зафатени со невреме проследено со силен ветер, што причини штети во неколку региони од државата, најмногу во Битола и Штип.

Според информациите од регионалниот Центар за управување со кризи во Битола, пожарникарите интервенирале на повеќе локации.

Меѓу штетите се паднат кров на две згради на улицата Нико Фундали, каде има настаната штета и на неколку возила.

Кровот се откорнал и од зградата кај печатницата Киро Дандаро, како и од зграда на улицата Хераклеа. Надлежните соопштија дека без дел од кровната конструкција останаа и две куќи на улиците Јанко Палигора и Партизанска.

Ветрот со јачина од 60 километри на час откорна и дрвја, билборди, а на земи завршија и голем број бандери во градот и жици кои предизвикале искрење.

Во Штип, според информациите имало повеќе паднати дрвја, како и откорнати делови од покриви на повеќе локации во градот и околината. Оштетени се електрични столбови, кровни конструкции на објекти, фасада од станбена зграда, олуци и автомобили. Појава на паднати дрвја како последица од вчерашниот силен ветер имаше и во селата Облешево и Истибања.

Ветрот направи проблеми и Охрид, Виница, Тетово. Интервенирано е поради откачен лимен кров, паднато дрво и бандера.

УХМР најави дека и денес ќе дува умерен, долж Повардарието засилен ветер од северен правец над 70 километри на час. Засилен ветер особено долж Повардарието ќе има до крајот на денот.

Во животот, постојат многу двигатели, но љубовта е она што ја носи вистинската сила. За градоначалникот на општина Кисела Вода, Орце Ѓорѓиевски, љубовта кон семејството и народот е најголемиот мотиватор за секојдневната борба за подобра иднина.

„Без мојот тим и без поддршката на мојот народ, ништо од ова немаше да биде возможно. Тимот кој е со мене со децении е клучот на нашиот успех,“ вели Ѓорѓиевски.

Со посветеност која не познава изговори и со јасна цел – работа за доброто на сите, Ѓорѓиевски порачува: „Кога се сака, сѐ се може, кога се работи со и од љубов.“

Тој додава дека предизвиците се секојдневие, но тие се причина повеќе да се радуваш на напредокот. Слободното време можеби е жртвувано, но резултатите зборуваат за себе.

Со силна верба во заедничките напори и посветеност, Ѓорѓиевски ја завршува својата порака со оптимизам: „Најдоброто допрва доаѓа!“

https://www.facebook.com/share/v/1CdV2SJxuV/?mibextid=0r8j9z