Здравје

Пановски: Нонсенс е држам онлајн настава на студенти кои навечер одат во ДИСКО

Published

3 years ago

November 14, 2021

ога ќе се наполнат болниците веќе е доцна за мерки, смета професорот Никола Пановски. Тој не се согласува со ставот на Комисијата за заразни болести која вчера не препорача ништо за да се ублажи ширењето на вирусот и покрај зголемениот број на заразени и хоспитализирани, особено што и понатаму во земјава имаме доста висока смртност.

-Кога имате висока смртност од неразјаснети сеуште причини, најефикасно е да спречите нови случаи, тоа е релативно лесна мерка која требаше да ја донесат вчера, бидејќи пикот кога ќе се достигне самата болест стивнува, да се носат маски треба во затворено. Мене како професор ми е непријатно што после една година држам он лајн часови, а во исто време работат ноќните клубови, каде истите деца ќе одат во клубови, а нема да посетуваат настава со физичко присуство, тоа е нон сенс, изјави за Сител професорот по микробиологија Никола Пановски.

Професорот Пановски е категоричен дека политичарите треба да бидат пример за носење маски во затворено иако се вакцинирани. Како новоизбран советник во Градот Скопје вели дека ќе направи се што може за да се иницираат мерки за заштита од Ковид на локално ниво посебно да се зголеми контролата во јавниот превоз како потенцијално жариште и да се вклучат повеќе автобуси барем во ударните термини.

-Се што може ќе препорачам, контролата мора да се зајакне особено во јавното сообраќајно претпријатие со редарски служби, камери…Дури и при самото одржување на седниците јавно ќе настапам ако се случува она што се случи за време на изборите со прославите и она што се случи во Ист Гејт, јавно ќе реагирам ќе викнам медиуми, категоричен е професорот Пановски.

Инаку речиси цела Европа и регионот ги засилуваат мерките по најавата за новиот 5 бран на Ковид. Некои држави меѓу кои Холандија и Словенија, и покрај високиот процент на вакцинација, регистрираат по 10 пати повеќе новозаразени дневно, а имаат сличен број починати како кај нас и ги враќаат мерките. Македонската комисија за заразни болести вчера одлучи да видат дали во европските држави рестрикциите ќе дадат резултат, па ќе препорачаат мерки.

Сител ТВ

Здравје

ЗДРАВСТВЕНИ БЕНЕФИТИ ОД ТИКВАТА: ПРИРОДЕН ИЗВОР НА ВИТАМИНИ И АНТИОКСИДАНСИ

Published

1 week ago

November 16, 2024

Арлингтон

Тиквата е многу здрава храна, богата со витамини А и Ц, антиоксиданси и влакна. Таа помага за подобро варење, го зајакнува имунитетот, го штити срцето и го подобрува здравјето на кожата. Поради ниската калоричност и високата содржина на хранливи материи, е одличен избор за здрава исхрана. Еве некои од најважните придобивки од тиквата:

Богата со витамини: Тиквата е одличен извор на витамин А, кој е важен за здравјето на очите, кожата и имунолошкиот систем. Исто така содржи витамин Ц, кој помага во подобрување на имунитетот и брзо заздравување на рани.
Ниска калоричност: Тиквата е нискокалорична храна со висока содржина на вода, што ја прави идеална за луѓе кои сакаат да одржуваат здрава тежина.
Антиоксиданси: Тиквата содржи антиоксиданси како бета-каротен, кои помагаат во заштита на телото од слободни радикали и го намалуваат ризикот од хронични заболувања, вклучително срцеви болести и рак.
Добар извор на влакна: Со високата содржина на влакна, тиквата придонесува за подобро варење, регулирање на нивото на шеќер во крвта и поддршка на здравјето на цревата.
Подобрување на здравјето на срцето: Калиумот кој се наоѓа во тиквата е важен за одржување на здрав крвен притисок и заштита на срцевото здравје.
Подобрување на кожата: Витаминот А и антиоксидансите од тиквата можат да помогнат во намалување на знаците на стареење и заштита на кожата од оштетување предизвикано од сонцето.

Тиквата може да се користи во различни рецепти, како супи, пире, печива и десерти, и е многу флексибилна храна.

Здравје

Ако сакате да се вратите во друштвото на непушачи, ова е бројот на кој од ДЕНЕС може да се јавите за помош

Published

2 weeks ago

November 11, 2024

Арлингтон

Од денеска се отвора телефонската линија на Институтот за јавно здравје (ИЈЗ) за одвикнување од цигари.

Телефонската линија ќе биде достапна секој понеделник и среда од 11 до 13 часот на телефонскиот број 078 285 873.

Македонија е меѓу земјите во светот со најмногу активни пушачи. Според истражувања на Институтот за јавно здравје, бројот на активни пушачи кај нас изнесува 45.4 отсто, со многу низок процент на луѓе – пет проценти, кои успешно се обиделе и откажале од пушење во последните години.

Здравје

Дали е опасно месото да се замрзнува два пати

Published

3 weeks ago

November 7, 2024

Арлингтон

Сите знаеме дека месото може да се замрзне без никакви проблеми. Сепак, сигурно сте слушнале дека месото кое е неколку пати замрзнато во никој случај не е добро за употреба. Сепак, се поставува прашањето, дали е тоа навистина така?

Во суштина, не постои строго правило кое налага месото да не се замрзнува и одмрзнува неколку пати, но многу е важно тоа да го правите правилно, односно месото да го одмрзнете во фрижидер, на температура до 5 степени Целзиусови.

Откако ќе го направите ова, можете повторно да го замрзнете месото доколку е потребно. Она што може да се случи е месото да стане водено поради пукање на клетките, но сигурно нема да се расипе.

Зошто ја замрзнуваме храната?

Да се забави растот на бактериите, односно да се спречи расипување на храната.

Во суштина, на температура од -18°C (што е стандард за замрзнувачите), можеме да складираме храна со години.

На температура од 2° до 8°C, односно во фрижидер, храната може да трае кратко, а, пак, на собна температура многу брзо ќе се расипува.