Connect with us

Инфо +

Газдите треба да исплатат К-15 оваа година, еве колку ќе изнесува

Published

on

Остануваат уште само три месеци рок до исплата на К-15 за вработените. Најниската сума која што треба да им се исплати на вработените од страна на компаниите се искачи на 10.700 денари. Овој раст се должи на зголемувањето на просечната нето плата во Македонија.

Оваа сума според Колективниот договор за стопанството од приватниот сектор на сметките на работниците кои во иста компанија работеле најмалку шест месеци во текот на оваа календарска година треба да легне најдоцна до 31 декември. Фирмите кои нема да го исплатат регресот ризикуваат да бидат казнети.

Инаку, денеска премиерот на државата Зоран Заев истакна дека и оние компании кои што покажуваат загуба предизвикана од здравствената криза доколку имаат можност да исплатат К-15.

Ние сме Влада за работниците и уште еднаш апелираме секоја компанија која што има можност, дури и оние коишто покажуваат загуба да исплатат регрес за годишен одмор односно познатото К-15 заради тоа што дефинитивно работниците се трајното добро и за компаниите, но и за државата.

Македонија

ШЕСТ ГОДИНИ ОД ЗАМИНУВАЊЕТО НА ГОРАН СТЕФАНОВСКИ

Published

on

Денес се навршуваат 6 години од смртта на Горан Стефановски, еден од најголемите писатели и драматурзи во историјата на македонската литература. Роден на 27 април 1952 година во Битола, неговото име и дело се тесно поврзани со еволуцијата на театарот и литературата не само во Македонија, туку и во цела Европа. Неговиот живот беше посветен на создавање на дела кои се инспирација и предизвик за многу генерации читатели и уметници.

Стефановски ја обликуваше македонската драматургија со своите познати дела како „Диво месо“, „Лет во место“, „Конзервирани импресии“ и „Тетовирани души“, „Чернодрински се враќа дома“, „Гоце“, „Сараево“ и многу други  во кои длабоко го истражуваше идентитетот, културната историја и политиката. Неговите претстави беа изведувани на најголемите сцени во светот, а неговото влијание се чувствува и денес. Како професор на Факултетот за драмски уметности во Скопје и на универзитетите во Велика Британија и Шведска, Стефановски ги воспитуваше новите генерации на драматурзи и театарски работници.

Тој беше не само признат драматург, туку и длабоко чувствителен автор чија писмена реч допира до најдлабоките емоции на човечката душа. Неговите дела често беа претстави за болката, постоењето и минливоста на човековиот живот, а неговите зборови и денес ја одѕвонуваат во мислите на сите нас.

Цитати од неговите дела кои оставаат силен впечаток се:

„Чекам веќе десет часа, а неа ја нема. Да знам дека ќе дојде, воопшто не би ја чекал.“ (Конзервирани импресии)

„Иднината никако да дојде, минатото никако да си отиде, а ние овде глумиме сегашност.“ (Тетовирани души)

„Ќе има војна… Ќе има војна… – Доста беше и ваков мир.“ (Диво месо)

„Денес сè се купува и продава. Дури и она кое луѓето мислат нема цена. Тоа обично е и најевтино.“ (Диво Месо)

Горан Стефановски беше дете на театарот. Неговите родители, Мирко и Нада, беа активно поврзани со Народниот театар во Битола, што му овозможило на Горан да расте во театарска атмосфера, исполнета со уметност и креативност. 

Сеќавањето на Горан Стефановски денес, на годишнината од неговата смрт, нè потсетува на неговото непроценливо наследство во македонската и светската литература. Неговите дела не само што го истражуваат човечкиот дух, туку и го поставуваат прашањето за иднината, за идентитетот и постоењето во свет кој сè повеќе се менува. Тоа што го остави зад себе ќе продолжи да живее, инспирирајќи нови генерации писатели, драматурзи и љубители на уметноста.

Денес, иако не е меѓу нас, Горан Стефановски продолжува да биде значаен дел од македонската културна историја, а неговото дело ќе остане живо во театарските претстави и во срцата на сите оние кои ја ценат моќта на уметноста и литературата.

Continue Reading

Македонија

Новоизбраниот Централен одбор на СДСМ вечерва ќе одржи седница

Published

on

Новоизбраниот Централен одбор на СДСМ, вечерва ќе ја одржи првата седница.

„Ве информираме дека денеска 27.11.2024 година (среда), со почеток од 19.00 часот во седиштето на СДСМ ќе се одржи 1-та седница на новоизбраниот Централен одбор на партијата.

Потсетуваме дека седниците на Централниот одбор се работни.

Continue Reading

Инфо +

ИЗВЕСТУВАЊЕ: Утре без струја неколку села во Тетовско

Published

on

Утре, четврток, 28 ноември 2024 година, неколку села во Тетовско ќе останат без снабдување со електрична енергија поради планирани технички интервенции на електродистрибутивната мрежа. Од надлежните служби информираат дека прекинот е неопходен за подобрување на мрежата и апелираат до жителите да ги планираат своите обврски соодветно.

СИРИЧИНО, дел од с.Жилче, ШЕМШЕВО прекин од 08:00 до 14:30

ТЕНОВО, СТЕНЧЕ, ВОЛКОВИЈА

Краток прекин: 08:30

Краток прекин: 15:00

Continue Reading
Advertisement
Advertisement

Трендинг

Copyright © 2024 Булевар.мк