Претходното раководство на Пошта сакала од стариот објект кој изгоре во пожар да го претвори во кабаре.

Оваа информација денеска ја објави министерот за транспорт, Александар Николоски одговарајќи на новинарско прашање за последниот извештај на Државниот завод за ревизија.

Вели дека претходното раководство сакало тотално да го уништи претпријатието. 

-Сакам да споделам уште една информација којашто не е позната на јавноста. Знаете дека централниот објект на пошта, за жал, настрада во пожар. Јас заедно со министерот за култура, со поддршка од Европската делегација, формиравме работно тело кое интензивно работи тоа да стане мултимедијален музејски центар. Планот на претходното раководство било да го издаде за ресторан со кабаре.

Николоски побара од ДЗР, но и од ОЈО да го испитаат и работењето на Агенција на пошти, бидејќи според него, лиценци добивале доставувачи кои работат во подрум.

Ревизорскиот извештај вчера пристигнал во Републичкото обвинителство и е доделен на јавен обвинител. Тој, согласно наодите од извештајот, потоа предметот се очекува да му го додели на Обвинителството под чија надлежност евентуалните злоупотреби.

Не треба да се удира по професионалците во МВР, ВМРО-ДПМНЕ врши дискриминација врз полициските службеници кои биле на високи функции за време на претходната власт- поранешниот министер за внатрешни работи Спасовски.

Не треба да се удира по професионалците во МВР, ВМРО-ДПМНЕ врши дискриминација врз полициските службеници кои биле на високи функции за време на претходната власт- поранешниот министер за внатрешни работи Спасовски со осуда за отказите за незаконско издавање на оружје. Според него потегот на неговиот наследник Тошковски е реваншизам и партизирација на министерството, наменски за да го затскриел случајот со бомбата во Керамидница во домот на Раде Трајковски Штекли.

-Апсолутно е недозволено да овие луѓе бидат понижени, иако досега не биле ниту казнувани ниту дисциплински гонети, сите се со Сертификати, некои од нив имаат и НАТО сертификати и сосема совесно, чесно и одговорно ја вршеле својата работа. Недопустливо е на ваков начин да се врши таков притисок и сеење на страв кај сите вработени во МВР преку ваквите случаи,- Оливер Спасовски – поранешен министер за внатрешни работи.

Спасовски го обвини Тошковски и дека воопшто не се справувал со криминалните структури. Вели дека многу често се случуваат престрелки и убиства низ скопските улици, а актуелниот министер не преземал мерки туку го обвинувал него за наследена состојба од минатото.

-Зошто за неколку месеци ни се случуваат 25 вооружени инциденти во коишто имаме ранети, убиени граѓани.. Прашање е зошто овие настани се случуваат и токму овие криминални банди добиваат на значење, на сила, токму во овој временски период?- Оливер Спасовски – поранешен министер за внатрешни работи.

За иницидентот кој вчера рано утрината се случи во домот на Штекли полицијата засега не открива нови детали во интерес на истрагата. Познато е само дека се прибираат видео снимки и други докази за да се пронајде лицето кое ја поставило бомбата во неговиот дом, кадешто од експлозијата Раде Трајковски Штекли беше повреден.

Орце Горѓиевски, првиот човек на ЗЕЛС и градоначалник на КИсела Вода изрази задоволство од соработката со Владата и од сретсвата кои општините ги добија од Унгарскиот кредит: -Ова не се средства кои ќе се користат за расходи во општините, за плати или за возила за градоначалниците, туку за капитални проекти од огромно значење за граѓаните кои ќе се реализираат по општините, изјави Ѓорѓиевски.

Со Владата работиме на измени на Законот за експропријација кој кочи многу капитални проекти, особено во Скопје, изјави првиот човек на ЗЕЛС и градоначалник на Општина Кисела Вода, Орце Ѓорѓиевски по средбата во седиштето со вицепремиерот и министер за транспорт Александар Николоски.

-Ова ќе значи откочување на многу проекти, особено во Скопје, соопшти Ѓорѓиевски кој оцени дека како ретко досега ЗЕЛС и општините имаат одлична соработка со централната власт, на што ги обврзува и потпишаниот меморандум со Владата.

-Изразивме и огромна благодарност за поддршката на Владата за општините која произлегува од Унгарскиот кредит кој ќе се искористи за капитални проекти со кои се решаваат децениски проблеми на граѓаните, посочи првиот човек на ЗЕЛС.

-80 проценти од средствата за општините одат токму преку Министерството за транспорт, изјави министерот Николоски, кој потенцира дека владата со несмалено темпо ќе ги помага општините и во наредните години.

-Ова не се средства кои ќе се користат за расходи во општините, за плати или за возила за градоначалниците, туку за капитални проекти од огромно значење за граѓаните кои ќе се реализираат по општините, изјави градоначалникот на Кисела Вода Ѓорѓиевски.

Министерот и првиот човек на ЗЕЛС изразија задоволство од предлог измените на неколку Закони кои многу им значат на оптините во нивното функционирање, закони кои веќе се имплементирани и минаа во собранието.