Министерката за енергетика, рударство и минерални суровини, Сања Божиновска, по повод Светскиот ден на детето, учествуваше на специјална седница на Владата под слоганот „Слушнете ја иднината“.

Заедно со премиерот и останатите министри, Божиновска разговараше со децата за клучни теми како климатската и еколошката криза, напредните технологии и демографските предизвици. Таа истакна дека децата се инспирација за сите проекти кои се реализираат, нагласувајќи дека сегашните активности се вложување во нивната иднина.

„Вашите прашања и идеи денес можат да станат решенија за утре,“ порача Божиновска, поттикнувајќи ги децата да размислуваат креативно, да бидат љубопитни и активно да се вклучуваат во науката и технологијата.

Таа ги охрабри младите генерации да сонуваат и да размислуваат за тоа како нивната страст и иновации можат да помогнат во создавање на напредна и одржлива иднина за Македонија. „Среќен Светски ден на детето!“ заврши Божиновска со силна порака за поддршка на младите.

Правилник секој ден ги предупредува вработените во беровски Комуналец дека може да бидат тестирани и ако пиеле алкохол ќе добијат казна или отказ. Ваквата пракса има и во други градови, а вработен во РЕК Битола, кој бегал преку прозорец за да не го тестираат, завршил на суд. Според СЗО, секој возрасен во Северна Макеоднија пие по 4,5 литри алкохол годишно

Упатство за вршење алкотестирање секое утро им посакува добредојде на вработените во комуналното претпријатие во Берово. Истакнато е уште на влезната врата во Јавното претпријатие за комунални работи (ЈПКР) „Услуга“ и од него вработените може да прочитаат дека може да бидат тестирани дали дошле пијани на работа или не и дека може да се соочат со последици.

Берово, градот познат по беровските сирење и ракија кој се наоѓа во источниот дел на државата покрај границата со Бугарија, не е единствениот каде одлучиле алкотестирањето да го воведат како опција, барем на хартија, за да воспостават ред и дисциплина меѓу вработените. Како пракса тоа постои и во јавни претпријатија во други градови, во државни фирми, како и во низа компании од приватниот сектор.

Според извештајот на Светската здравствена организација (СЗО) објавен годинава, во Северна Македонија секој жител над 15 години, пие по 4,6 литри алкохол годишно. Но, во споредба со останатите земји од Западен Балкан, македонските граѓани најмалку конзумираат алкохол.

Целиот текст тука Радиос Слободна Европа

Во Основниот кривичен суд денес беше објавена пресудата против тринаесетте лица од Велес кои беа обвинети за сексуално злоставување на 14-годишно девојче.

Судот ги огласи обвинетите за виновни – сите се на возраст помеѓу 20 и 30 години.

На С.Д. му беше изречена казна затвор од 5 години и 6 месеци, Д.С., и Д.Н. беа осудени на казна затвор од 4 години и 6 месеци, Т.И., С.Н. добија казна затвор од 4 години, А.Ф., Б.Ф., А.З., Т.Л., Р.В., се осудени на казна затвор од 1 години 6 месеци, К.Т., на казна затвор од 1 година и 3 месеци, а на обвинетиот Б.К. изречена му е условна осуда од 2 години затвор која нема да се реализира доколку следните 5 години не стори ново кривично дела како мерка заштитен надзор.

Осудените се задолжуваат и да ги надоместат судските трошоци за постапката како и трошоците за застапување на обвинетата.

Воедно судот на првите пет осудени лица им определи мерка куќен притвор до правосилноста на постапката.

Во јануари годинава, Обвинителството за гонење организиран криминал и корупција го објави случајот, во кој првоосомничениот, 25-годишен велешанец, од крајот на декември 2021 година и во текот на 2022 година, со употреба на закани над детето-жртва, им овозможил на останатите осомничени и на други непознати лица да вршат полови дејствија со жртвата. Овие дејствија вклучувале сексуални активности, сексуална експлоатација и порнографија.

Според обвинителството, првоосомничениот преку апликацијата „Инстаграм“ остварил комуникација со четиринаесетгодишното девојче и ја довел во заблуда дека ќе започнат љубовна врска. На првата средба бил направен порнографски материјал, кој потоа го користел како закана за да ја присили жртвата да доаѓа на други средби.

Забавите се случувале во станови на повеќе локации во Велес, каде присуствувале повеќемина кои прво конзумирале дрога и алкохол, а потоа вршеле полови дејствија врз детето.