Изминатиот период Универзитетски институт – Клиничка биохемија презема низа активности за реорганизирање и подигнување на степенот на здравствена услуга за пациентите и евидентно е променета сликата во оваа јавна здравствена установа.

„Покрај обезбедување најсовремена апаратура од неколку различни реномирани произведувачи, Клиничка биохемија иницираше и воведе современ дигитален систем за нумериран редослед за прием на пациенти и поставени се монитори за повик на пациенти и информации. Исто така, набавени се бар-код читачи  за скенирање на упатите со што се забрзува процесот на регистрирање и прием на пациентите на шалтерите“, вели д-р Николина Гроздановска, директор на УИ Клиничка биохемија.

Д-р Гроздановска вели дека тимската работа е клучна и само заеднички може да се придонесе за унапредување на работата на здравствената установа.

„Изразувам посебна благодарност за сите здравствени работници кои даваат свој придонес за позитивните промени кои ги реализираме во интерес на пациентите. Наша заедничка цел е подигнување на квалитетот на здравствената услуга и подостоинствен третман за нашите пациенти, вели таа. За потсетување, во оваа установа набавена е најсовремена апаратура, реализирани се обуки за вработени со што скратено е времето за добивање здравствена услуга и прием на пациентот. Со новите иницијативи, новата организација и тимска работа, како и новата обезбедена апаратура од реномирани реномирани производители резултатот е видлив од самиот почеток при влезот на овој Универзитетски институт до добивањето на здравствената услуга, а бенефитот за пациентите е забрзување на процесот за прием, кој претходно беше просечно околу два часа, а со новата опрема овој временски период е максимум 15 минути“, вели таа.

Во вечерашниот поткаст „ВМРО-ДПМНЕ Зборува“ гостуваше пратеничката Дафина Стојаноска, која дискутираше за теми поврзани со ефикасноста на Собранието, направи компарација на состојбите во минатото и денес, зборуваше за тоа какви се нејзините визии и размислувања за во иднина, односно за нејзините согледувања, за тоа каква е координацијата меѓу пратениците, притоа ставајќи акцент на однесувањето на пратениците од опозицијата за време на седниците во Собранието.

Пратеничката Стојаноска образложи какво е работењето во Собранието, кои се позитивните промени кои настапиле со новиот мандат, наведе дека сега е јасно дефинирано кога почнува одредена пленарна седница за разлика од претходно, таа исто така посочи дека сега се знае и за кога е закажана секоја наредна седница, односно дека има поголем степен на предвидливост и планирање на времето, и сето тоа оди во нагорна линија со забележителна разлика помеѓу претходните два мандати и сегашниот.

„Огромна е разликата меѓу претходните седници на пратенички прашања и овие, прво во односот на премиерот и на министрите кон пратениците, а да не зборувам за содржината на поставените прашања, ако се сеќавате не така далеку првата седница на пратенички прашања онаа којашто трае според деловник седум часа со еден час пауза, значи шест, мислам дека тука премиерот Христијан Мицкоски сто нула ја изводи таа седница, бидејќи генерално мислам преку деведесет проценти беа поставувани прашањата кон него а не помалку се и сега поставувани, во следните две или три седници за пратенички прашања, значи сосема смирено, сосема со почит, со аргументи ги дава одговорите со еден коректен однос без разлика за кој да се работи пратеник“, вели Стојаноска.

Во поткастот пратеничката наведе дека однесувањето на пратениците од Левица, на седниците за пратенички прашања е бесмислено и дека тие се тотално некоординирани и неподготвени за поставување на прашања, па сето тоа сакаат да го затскријат со барање на паузи. Таа истакна дека Левица како опозиција не прифаќа институционална одговорност, туку само прави обиди да привлече внимание во јавноста со нивното ниско ниво на однесување и култура.

„Колегите од Левица коишто се многу гласни или „силни“ исклучиво на социјалните мрежи, немаше ниту еден пријавен за поставување на пратенички прашања, така да нивната немоќ ја камуфлираат еве со паузи со глумење на некое, не знам, сакаат да инсценираат некаков си вид на хаос во Собрание апсолутно далеку од тоа дека Собранието е хаотично или дека некој некому ускратува некое право како што тоа беше случај во минатиот мандат, безидејни се, очајни се, едните не можат да се помират дека се опозиција, другиве пак во опозиција си имаат други поголеми гајлиња, можеби најкомотно им е овој сега период да го поминат во Собрание, а пак третите оние најактивните на социјални мрежи се тука само за почеток на седница“, рече Стојаноска.

За крај на емисијата, пратеничката додаде дека ВМРО-ДПМНЕ е одговорна партија која работи и реализира проекти за разлика од претходната власт, која нема ништо направено. Таа посочи дека со преземањето на власта се работи со максимална посветеност и ангажираност, со успешна реализација на поставените приоритети и донесување на одлуки и мерки кои се важни за граѓаните, притоа напомнувајќи дека токму граѓаните се сведоци на тоа дека се работи на дела со исполнување на ветеното.

„ВМРО-ДПМНЕ од самиот старт кога ја презедовме власта почна со работа, реализираше многу проекти коишто тие ни за седум години не ги реализираа, напротив начекавме руина дури и полошо од она што го очекувавме реално, но полека со многу работа сè ќе се среди а тие ќе останат на нивните лажни обвинувања, на нивните бегања од задна врата, како што кажавте и вие Бети, впрочем јавноста ќе проследи скоро следуваат локални избори, годинава треба да се случат според Законот за избори, така да граѓаните будно следат нема веќе кој да ги лаже, работиме на дела, не на зборови“, истакна Стојаноска.

По назначувањето за координатор на Македонското друштво Илинден-Тирана за областа Голо Брдо, Фатри Фетаху упати благодарност до преседателот и до раководството на Македонското друштво Илинден-Тирана.

Во својата порака наведува „изразувам голема благодарност за повторно искажаната доверба, по втор пат, да бидам преставник на Македонското друштво Илинден-Тирана за нашиот регион Голо Брдо. Чест и задоволство ми е да ја извршувам дејноста како кординатор за Голо Брдо и ветувам дека чесно и достоинствено ќе ги застапувам интересите на нашите сограѓани во секој аспект.

Верувам дека заеднички и сплотени ќе се избориме со сите неправди кои нѝ се извршени. Време е да кажеме: Доста е! На сите оние кои ни наштетувале и се обидуват да ни наштетат. Живееме во демократија, во време кога секој поединец може да го изрази свото чувство за нацијата кон која припаѓа, верата кон која припаѓа.

Во 21 век срамно е некому да му се наметнуваат и насилно да се бара да се изјаснува поединецот онака како што бараат други. Верувам и повикувам сите жители на Голо Брдо, не само да се чуствуваате како горди Македонци туку и слободно да се изјасните како горди Македонци. Тоа нѝ е наследство од нашите предци и иднина за нашите потомци. Секој кој што ќе ве убедува дека тоа не е така, дека ќе има последици или закани ако се изразите за Македонци се плаши од нашата богата и долга македонска историја. Да не подлегуваме и да не дозволиме да ни подметнат фалсификат!!! Вистината била и е една, независно од потребата на многумина кои сакале да ја избришат. Ние сме биле и сме горди Македонци! – стои во изјавата на Фатри Фетаху, дипломиран економист, жител на село Требиште, областа Голо Брдо.

Фатри Фетаху е роден во село Требиште, област Голо Брдо, а од 2015 година е член на Mакедонското друштво Илинден-Тирана, активист на македонското национално малцинство во областа Голо Брдо. Од 2019 до 2021 година бил подпретседател на Mакедонското друштво Илинден-Тирана – Огранок Голо Брдо, и од 2021 до 2024 претседател на Mакедонското друштво Илинден-Тирана“ Огранок Голо Брдо и дописник на Македонскиот весник “Илинден“. За својата ангажираност Фетаху, во 2016 година, беше добитник на благодарница “Илинден“ која традиционално се доделува од Mакедонското друштво Илинден-Тирана.