Саудиска Арабија го претстави планот за пустински облакодер долг 75 милји кој чини 1 трилион долари.

Саудиска Арабија ги претстави плановите за облакодер долг 75 милји наречен Mirror Line, кој ќе се протега низ нејзината пустина, каде ќе бидат сместени до пет милиони луѓе. Се предвидува дека ќе чини неверојатни 1 трилион долари.

Најсовремениот облакодер ќе биде повисок од Емпајер Стејт Билдинг, направен од стакло со огледало и дел од пустинскиот град наречен Неом, кој ќе биде со големина на Масачусетс.

Градот наречен Неом беше најавен во јануари 2021 година од саудискиот престолонаследник Мохамед бин Салман, откако рече дека сака неговата земја да има градежен проект иконски и безвременски како Египетските пирамиди.

Во тоа време, принцот Мухамед рече: „Линијата е проект што е цивилизациска револуција што ги става луѓето на прво место“, тврдејќи дека сака Mirror Line да биде готова до 2030 година, иако инженерите рекоа дека може да потрае педесет години за да се изгради.

Тој понатаму рече дека проектот ќе им овозможи на милион жители да се сретнат на пет минути пешачење и да патуваат од крај до крај за дваесет минути. Исто така, наводно, ќе се напојува со обновлива енергија.

Технолошката компанија „Мета“ ја претстави новата апликација дизајнирана како конкуренција на „Твитер“, што претставува директен предизвик на платформата за социјални медиуми во сопственост на Илон Маск.

Апликацијата за микроблогови наречена „Тредс“ се појави на „Еп стор“ на „Епл“ и веќе има ДЕСЕТ милиони членови за само неколку часа напиша сопственикот на Мета, Марк Цукерберг.

Наведена е како апликација за разговор базирана на текст, поврзана со „Инстаграм“, а описот посочува дека тоа е искуство со микроблогови слично на „Твитер“.

– „Тредс“ е место каде што заедниците се здружуваат за да разговараат за сè, од теми за кои се грижите до она што ќе биде тренд утре – се наведува во соопштението.

Оваа вест дојде по само неколку дена откако извршниот директор Илон Маск објави привремено ограничување на бројот на објави што корисниците можат да ги читаат на страницата на социјалната мрежа.

„Тредс“, која во суштина ќе служи како апликација за текстуален разговор на „Инстаграм“, се очекува да биде бесплатна за користење, што ќе им овозможи на корисниците да ги следат профилите што ги следат на платформата за споделување фотографии и да го задржат истото корисничко име.

Последните најави на Маск за преземање податоци од мрежата без дозвола на раководството на компанијата предизвикаа бурни реакции кај корисниците на „Твитер“, а експертите за реклами рекоа дека тоа ќе ја поткопа позицијата на новата извршна директорка Линда Јакарино, која ја презеде функцијата минатиот месец.

Истата може да се симне на Гугл плеј и на Ап стор.

Сѐ повеќе компании ги суспендираат профилите, престануваат да рекламираат или целосно го напуштаат „Твитер“, платформата која Илон Маск ја презеде кон крајот на минатата година.

Компанијата за бродски крстарења Virgin Voyages лансираше нова кампања за привлекување патници, искористувајќи ја вештачката интелигенција за да создаде дигитална копија на поп-ѕвездата Џенифер Лопез.

Централниот спот на кампањата почнува со сцена во која заводливата Лопез ги кани гледачите на крстарење, меѓутоа тогаш се случува некаква „грешка“ во „матрицата“ – дознаваме дека всушност се работи за дигитален аватар зад чие лице стои маж по име Кајл.

Рекламата потоа добива хумористичен пресврт, така што повеќе луѓе од креативниот тим на Virgin Voyages сакаат да ја испробаат технологијата и да дадат своја интерпретација на популарната Џеј-Ло.