Градоначалникот на Општина Кисела Вода, Орце Ѓорѓиевски, соопшти дека годината започнува со силен фокус на подобрување на условите за развој на најмладите жители.

„Инвестициите во најмладите се наша директна инвестиција во иднината. Со гордост можам да кажам дека продолжуваме да вложуваме во раниот детски развој, обезбедувајќи поквалитетни услови во градинките,“ истакна Ѓорѓиевски.

Тој информираше за неколку значајни проекти:

• Обезбедени се нови јаслени креветчиња, постелнини и јоргани за сите објекти на градинките.

• Набавени се нови материјали за работа, кои ќе го подобрат процесот на учење и игра кај децата.

• Кујните се обновени со современа опрема, вклучувајќи машини за перење и сушење, што ќе придонесе за подобра грижа за децата.

• Просториите се опремени со пречистувачи на воздух, како дел од заложбата за здраво опкружување и еколошки навики.

„Секое дете заслужува квалитетно предучилишно образование. Ова не е само наша обврска, туку и желба – да им обезбедиме на децата услови што ќе го поттикнат нивниот развој,“ додаде Ѓорѓиевски.

Градоначалникот увери дека посветеноста на Општина Кисела Вода кон унапредувањето на образованието и благосостојбата на најмладите останува врвен приоритет и во иднина.

Се врти видео на порталите и социјалните мрежи дека Сашо Мијалков со Ферари од 700.000 евра е во Монте Карло… Да видиш, и да не веруваш. Не е познато дали Обвинителството и Судството читаат портали или работат само “по допрен глас“ на “невладините организации“ кога некој противник на СДСМ и ДУИ ќе биде маркиран.

Лицето Сашо Мијалков, поранашен директор на УБК, обвинет за низа кривични дела во моментов е на издржување затворска казна за случајот “Империја“, или перење пари и слично, осуден на три години затвор по признание на вина и со спогодба со Обвинителството. 

Казната затвор почна со издржување во затворот во Струга, а според информации од Струга казната, во суштина, божем во затвор е поминувана надвор од затворот. Основниот кривичен суд Скопје донесе одлука да има 4 месеци условен отпуст активен од 25 декември 2024 година, по жалба, Апелационит суд на 23. Мај 2024 го зголемува условниот отпуст на 11 месеци и можност да излезе од затвор и остатаокот од казната да ја издржува на слобода.

“Осудениот се отпушта од КПД Струга на 25.12.2024 година, а условниот отпуст му се смета до 25.04.2025 година“.

Да резимираме: Скопска Апелација го пушта затвореникот Сашо Мијалков на условен отпуст од затвор (причините не се познати) 11 месеци пред да му истече казната во април 2025 година и – му го враќа пасошот, со што му овозможува казната да ја издржува и во Монте Карло. Каде ќе му се чини за погодно и поудобно. 

Ова е единствената затворска казна за Мијалков. За случаите „Тортура“ и „Трезор“ тој беше ослободен од обвинение, за случајот „Плацеви на Водно“ доби условна казна, а случаите „Таргет“ и „Тврдина 2“ застареа благодарение на измените во Кривичниот законик од страна на СДСМ и ДУИ. Тој е обвинет во случаите: „Титаник 2“, „Таргет-Тврдина“, „Тортура“, „Трезор“, „Империја“ и „Плацевите на Водно“

Условниот отпуст има и свои ограничувања, особено за лица за кои се водат и други постапки. По наше прашање кај струччните лица од Управата за извршување санкции речено ни е дека ваква мерка се определува по исклучоци, многу ретко, во пракса за лица поради тешка болест, самохрани мајки и слично. Што овде не е случај, како што не е случај ни за Зоран Милески Кичеец кој, исто така, на осми март 2024 добил уловен отпуст од затвор, исто така од Струга, по казна затвор од 3 години и четири месеци за две кривични дела. 

Сашо Мијалков добил и пасош да патува по светот во време кога, формално, издржува затворска казна. Сето тоа во време кога власта и во Собранието, и во Владата, и во Обвинителтвото и во Судството ја имаат СДСМ и ДУИ. Малку пред изборите во мај 2024-та, тие решиле Сашо Мијалков да излезе пред време од затвор и да му се врати пасошот. Со тоа власта на СДСМ и ДУИ ги затвориле сите шанси Сашо Мијалков да биде во затвор по промена на власта кога, секако, не би добил условен отпуст, како и секоја шанса новата власт да го гони за корупцијата.

И затоа, сега, ги гледаме Зоран Заев и Венко Филипче како со сомнителни пари дивеат по забави во Дубаи, го гледаме Сашо Мијалков како со сомнителни пари тера забави по Монте Карло во време кога, формално, издржува затворска казна.

Извор: Vecer.mk

Градоначалникот на Битола, Тони Коњановски, ја поздрави успешната реализација на манифестацијата „Зимска приказна“, која оваа зима привлече над 50.000 посетители.

„Ова не беше само празничен настан, туку манифестација која ја потенцира визијата на Битола како културен и економски центар. ‘Зимска приказна’ покажа дека нашиот град може да инспирира, да обединува и да поттикне локален развој,“ истакна Коњановски.

Манифестацијата се реализираше со вкупна вредност од над 6,1 милиони денари, од кои Општина Битола и Културно-информативниот центар Битола (КИЦ) вложија значителни средства. Дополнително, финансиската поддршка од спонзори и локални бизниси обезбеди дополнителни активности, како популарното лизгалиште и возот „Мечо“, кои ги радуваа најмладите.

„‘Зимска приказна’ беше вистински поттик за локалната економија. Угостителите, производителите на храна, и ракотворците имаа можност да ги претстават своите производи, додека туристите го доживеаја магичното лице на Битола,“ додаде Коњановски.

Градоначалникот изрази благодарност до сите учесници, соработници и граѓани кои ја поддржаа манифестацијата, нагласувајќи дека оваа приказна ќе продолжи и во иднина, зацврстувајќи ја Битола како пример за културен туризам и заедничка соработка.

Настаните со детали се објавени на страницата од општина Битола