Со големо задоволство, советникот во општина Тетово, Ангел Карапетров, ја објави веста за почетокот на реконструкцијата на фасадата на основното училиште „А. С. Ќиќиш“. Оваа иницијатива е дел од заложбите на општината за подобрување на условите за образование и создавање посовремени и функционални јавни објекти.

„Оваа реконструкција ќе опфати замена на оштетените делови од фасадата, подобрување на изолацијата за енергетска ефикасност и естетско освежување, со што училиштето ќе добие модерен и привлечен изглед,“ изјави Карапетров.

Според него, проектот не само што ќе придонесе за визуелната трансформација на објектот, туку ќе има и значајно влијание врз намалувањето на трошоците за енергија. Подобрената изолација ќе овозможи поефикасно греење и ладење, што ќе значи помали финансиски оптоварувања за училиштето.

„Ветувањата дадени на тетовчани мора да се реализираат, а оваа реконструкција е доказ за нашата посветеност кон подобрувањето на квалитетот на живот и образовните услови во општината,“ додаде Карапетров.

Реконструкцијата на фасадата е дел од пошироката стратегија на општина Тетово за инвестирање во јавната инфраструктура и подобрување на локалната заедница. Жителите на Тетово со нетрпение го очекуваат завршувањето на овој проект, кој ќе внесе нов дух и функционалност во училиштето „А. С. Ќиќиш“.

Суспендираниот шеф на Вишото обвинителство, Скопје, Мустафа Хајрулахи, во Претрес го објасни и случајот со нарачани текстови против него, објавени во Доказ на Марјан Стаменковски.

„Пишувањата против мене со лични дискредитации со напади во Доказ почнаа во времето на мојот реизбор. Марјан Стаменковски побара иземање на обвинителот Сашо Рајчев бидејќи тој му доставувал материјали“, рече Хајрулахи.

Од одземените телефони од Стаменковски рече се виде дека нарачките за објавени гнасотии биле од Рајчев.

Лицето И.Ш.беше сведок во Обвинителството, објаснува Хајрулахи, а обвинителот Рајчев ги извлекол податоците и ги ставил на своја нова сим картичка. Тој си ѕвонел и сам на себе, што е регистрирано на базна станица и потоа на Марјан Стаменковски.

„Поднесов кривична пријава за да може да се определи друго месно надлежно обвинителство. ЈОРМ Јовески по 6 месеци ја препраќа во обвинителството во Битола. Треба да пазиме на роковите за да не застарат. Марјан Стаменковски материјалите ги добивал преку Сашо Рајчев и Фатиме Фетаи која ги давала преку своја пријателка. Фрапиран сум од обвинителите. Сашо Рајчев сакаше да клекне на колена и ме молеше да му простам“, рече Хајрулахи.

Коцевски, посочи, го викнал обвинителот кој постапувал по предметот и му се заканувал да не добие Хајрулахи својство на оштетен.

Државниот обвинител Коцевски, рече во Претрес со Ландов, суспендираниот шеф на Вишото обвинителство Скопје, Мустафа Хајрулахи е октроиран од неколку обвинители на сега згаснатото СЈО.

Обвинителството до сега функционираше како тајно друштво од кое не можеше да излезе никаква информација во јавноста, рече Хајрулахи.

„Од редовното обвинителство нема групариња, тоа е само кај обвинители од поранешното СЈО. Преку такви групировки сакаат да се спасат поради работата во СЈО. Проблемот настана поради случајот со бонусите на СЈО.Јавниот обвинител Коцевски е октроиран од обвинители од поранешното СЈО. Тој е под директна контрола на неколку обвинители од бившото СЈО“, рече Хајрулахи.

Тој смета дека е потребно целосно испитување на случајот со бонусите, а постапката била скандалозна.

https://www.youtube.com/live/DW7uAGwwXZ8?si=gvP8_X986206uVXp