Македонија

Шилегов удри по Заев и Филипче во 2 по полноќ: СДСМ е заробена партија!

Published

1 day ago

October 25, 2024

Во доцните часови, поранешниот градоначалник на Скопје и висок партиски функционер на социјалемократите, Петре Шилегов, предизвика внимание со објава на социјалната мрежа Фејсбук, во која остро го критикуваше сегашното раководство на СДСМ, посочувајќи го дуото Заев-Филипче. Според него, партијата е „заробена“ уште од 2019 година и управувана од „октроирани лидери“ со интереси кои не се поврзани со членството, туку со лични алијанси.

„Ај да не се лажеме! СДСМ е заробена партија… Тоа не е СДСМ,“ напиша Шилегов, сугерирајќи дека сегашната структура на партијата служи на тесни интересни групи.

Ваквите напади, според експертите, се сметаат за позиционирање пред новата преструктурираност на партијата, која се соочува со историски ниска поддршка. Приврзаниците на Заев и Филипче коментираат дека останува да се види кој е интересот на Шилегов и какви ќе бидат неговите следни чекори во СДСМ.

Македонија

Тетово: Претресот открива неочекувани тајни во домот на 46-годишникот!

Published

36 seconds ago

October 26, 2024

Арлингтон

На 25.10.2024 полициски службеници од СВР Тетово го лишиле од слобода И.Џ.(46) од Тетово, затоа што при претрес во неговиот дом и помошни простории, извршен со судска наредба, биле пронајдени и одземени хероин и непозната супстанца. Тој е задржан во полициска станица и по документирање на случајот против него ќе следува соодветен поднесок.

Македонија

Костадин Костадинов, не само по ЗЕЛС, удри и по својот партиски колега Горан Герасимовски

Published

1 hour ago

October 26, 2024

Арлингтон

Политиката е причина за одлуките на општина Карпош и општина Струмица да го напуштат ЗЕЛС

Градоначалникот на општина Струмица од редовите на СДСМ, Костадин Костадинов удри на социјалните мрежи по неговиот партиски колега од општина Центар, Горан Герасимовски.

Костадинов на Facebook напиша:

Почитуван колега Горан,

Сакам да се осврнам на твојата забелешка кажана во гостување на емисија Стадион на Канал77 во врска со мојата одлука за напуштање на ЗЕЛС. Во ова време на предизвици за СДСМ, од клучно значење е одржувањето на единството и колегијалноста.

Недостатокот на сериозен политички однос и реално поимање на ситуацијата може да доведе до нова дестабилизација во нашите редови. Не се работи за избрзана одлука, туку за решителност да заштитам интересите на моите сограѓани.

Се надевам дека и ти, со истата посветеност, ќе ги штитиш интересите на граѓаните на општина Центар. Во овој момент, верувам дека е поважно да размислуваме за поддршка на одлуките, отколку да констатираме или толкуваме.

Политички СТАВ или партиска кариера се градат исклучиво на постулатот на единството.

Така било, така е, а така и ќе биде.

Само силни и сплотени можеме да биеме битки.

Оваа реакција се должи на гостувањето во емисијата “Стадион” на Канал 77 каде што градоначалникот на општина Центар, Горан Герасимовски истакна дека oдлуката на Струмица и Костадинов за напуштање на ЗЕЛС е избрзана

Македонија

Претрес во Битола, пронајдена дрога, лишени од слобода две лица

Published

3 hours ago

October 26, 2024

Арлингтон

На 25.10.2024 полициски службеници од СВР Битола го лишиле од слобода З.Б.(31) од Битола, затоа што при претрес во неговиот дом и помошни простории, извршен со судска наредба, биле пронајдени и одземени амфетамин и марихуана.

Истиот ден, при лишувањето од слобода на З.Б., тој бил заедно со В.М.(28) од Битола и при претрес на патничко возило „хјундаи” со битолски регистарски ознаки, сопственост на В.М., биле пронајдени прашкаста и растителна материја, по што и В.М. е лишен од слобода. Тие биле задржани во полициска станица и по документирање на случајот ќе следува соодветен поднесок.