Connect with us

Бизнис

ИНДУСТРИСКОТО ПРОИЗВОДСТВО ВО СЛОБОДЕН ПАД Во септември е намалено за 7,9%

Published

on

Индустриското производство се намалува од вториот квартал годинава. Раст е забележан само во месеците јануари од 2,8%, февруари од 0, 3% и во јули од 3,8%.

Индустриското производство во септември забележа пад од 7,9% во однос на истиот период лани, покажуваат податоците на  Државниот завод за статистика.

Индустриското производство се намалува од крајот на првиот квартал годината. Раст е забележан само во месеците јануари од 2,8%, февруари од 0, 3% и во јули од 3,8%. Кумулативно од јануари до крајот на септември  годинава споредено со истиот период лани индустриското производство е намалено за 4,2%

Според статистика во септември на годишно ниво производството е намалено во  рударскиот сектор за 7,5 %, додека преработувачка индустрија за 6,6%, а во секторот снабдување со електрична енергија, гас, пареа и климатизација опаѓање за 10 %.

Намалувањето на производството во преработувачката индустрија е забележано во 11 сектори. Најголем пад на производството има во секторот за производство на други неметални минерални производи од 7,8%, а највисок раст на производството од  162% има во индустријата рангирана под „останата производствена индустрија“ и во тутунската индустрија каде што е забележан раст на производството од 114,9%.

Традиционално пад на производството има во текстилната и кожарската  индустрија и производството на мебел, но интересно е што и фармацевтската индустрија бележи пад од  11,8%.

Според главните индустриски групи, производството во септември 2024 година, во однос на септември 2023 година, бележи опаѓање кај Енергија за 14,9 %, Интермедијарни производи, освен енергија за 12,2 %, Трајни производи за широка потрошувачка за 3,8 % и Нетрајни производи за широка потрошувачка за 5,9 %, додека пораст бележи кај Капитални производи од 2,4 %.

Бизнис

Казни и до 20.000 евра за маркетите кои нема да ги почируваат мерките

Published

on

Имплементирањето на новиот Закон за нефер трговски практики ќе го заштити животниот стандард на граѓаните, ќе го намали форсирањето на странските, на штета на домашните производиа, а истовремено ќе стави ред во односите на производителите и добавувачите, со трговците. Со законот до 10% ќе се ограничат надоместоците за складирање, реклама, маркетинг, персонал, наспроти досегашната пракса која била 20, 30 па можеби повеќе отсто, што индиректно ја зголемувало и малопродажната цена на производите.

„Меѓутоа сега се ограничени и остануват да работат и придонесите не ги надминат процентите од 10% во тековната година, што е добро бидејќи на подолг рок со овој Закон нормално ќе имаме поголемо регулирање на цените на производите како краен ефект, односно во интерес на потрошувачите, купувачите, граѓаните, заштита на животниот стандард, а од друга страна оној хаос кој постоел претходно и форсирање на странски производи, во однос на домашните производи, тука ќе имаме изедначување во однос, пред се на маркетите“, изјави заменик министерот за економија, Марјан Ристески.

Дали Законот за нефер трговски практики, се применува главен контролор ќе биде Комисијата за заштита од конкуренција. Таа ќе може да поведе прекршочна постапка доколку се прекрши било која одредба. Во мониторинг периодот кој беше даден до 1јануари регистрирани се 26трговски нефер практики.

„Имаме различни дојави. Има одредени проблеми околу поврат на роба, во маркетингот, некаде дури се имат појавено и два ценовници. Сето тоа треба да го испита КСК и по Законот за нефер трговски практики да постапи„ изјави заменик министерот за економија, Марјан Ристески.

Во зависност од прекршоците ќе се движат и казните. Глоба за најтежок прекршок ќе изнесува и до 20.000евра за голем трговец и од 350 до 500 евра за одговорното лице. Казните за полесните прекршоци ќе зависат од тоа дали прекршокот го сторил правно или физичко лице

Continue Reading

Бизнис

Бугарија ја зголеми значително минималната плата, но го врати и ДДВ-то што беше пред Ковидот

Published

on

Од денеска минималната плата во Бугарија е 1.077 лева или точно 550 евра, но се враќа данокот на додадена вредност кој беше намален како антикризна мерка во Ковидот.

Минималната плата се зголемува за 14,5 отсто. Одлуката беше донесена од Советот на министри минатата година. Се зголемува и прагот на сиромаштија и сега изнесува 326 евра.

Се враќа и стапката на ДДВ од 20 отсто за леб и ресторани, која беше намалена поради пандемијата „Ковид-19“ и остана така неколку години. Неговото враќање предизвика негодување меѓу производителите на леб и сопствениците на ресторани. 

Continue Reading

Бизнис

Првата плата на директорот на најмоќната швајцарска банка му била 360 евра, а сега јавноста плука по него

Published

on

Серхио Ермоти, шеф на најголемата швајцарска банка UBS, не планира да се пензионира и покрај тоа што наскоро ќе наполни 65 години. По турбулентната 2023 година и преземањето на Credit Suisse, Ермоти најавува дека ќе остане на чело на банката до 2027 година. „Иако веќе постигнав многу, морам повторно да се докажам. „Ова е голема одговорност“, рече Ермоти во неодамнешното интервју за швајцарскиот „Мигрос-магазин“. Неговиот работен ден започнува во 5:45 часот, а работното време често се протега и до 14 часа дневно. Тој не пропушта вежбање во теретана двапати неделно, одржувајќи ја дисциплината што го донесе на врвот на групата UBS.

Ермоти го виде своето враќање на чело на УБС по драматичното преземање Креди Свис во март 2023 година како негова должност. „Бев привлечен од можноста да учествувам во пишувањето на едно од најважните поглавја на глобалната финансиска индустрија“, објаснува банкарот кој веќе еднаш успешно го водеше UBS низ кризни времиња, од 2011 до 2020 година.

Неговата годишна плата од околу 15 милиони евра предизвика бурни реакции кај швајцарската јавност. Но, Ермоти, кој се сеќава на своите почетоци и неговата прва плата од 360 евра месечно како практикант во банката Корнер, не гледа проблем, пишува Блик. „Ја знам вредноста на парите и разбирам дека мојата сегашна плата не изгледа нормална за многу луѓе. „Понекогаш се прашувам зошто високите плати во бизнисот привлекуваат толку големо внимание, додека истите износи во спортот и шоуто се без коментар“, вели шефот на UBS.

Во врска со спојувањето на Credit Suisse со UBS, Ермоти посочува дека најголемиот предизвик е поврзувањето на компјутерските системи на двете банки во еден. Новата, обединета банка денес има значително помалку средства отколку пред финансиската криза во 2008 година, што ја прави постабилна и посигурна. Со капитал од речиси 200 милијарди долари за покривање на потенцијалните загуби, Ермоти убедливо тврди дека ризикот за даночните обврзници е минимален: „Дури и ако УБС има проблеми, речиси е невозможно даночните обврзници да изгубат франк“.

Ермоти ги отфрла критиките за прекумерната концентрација на моќ во рацете на УБС, потсетувајќи дека повеќе од 200 домашни и странски банки работат во швајцарскиот банкарски сектор. „Конкуренцијата е жива и здрава“, нагласува тој, додавајќи дека големите банки денес претставуваат фактор на стабилност, а не ризик во време на криза.

Continue Reading
Advertisement
Advertisement

Трендинг

Copyright © 2024 Булевар.мк