Не треба да се удира по професионалците во МВР, ВМРО-ДПМНЕ врши дискриминација врз полициските службеници кои биле на високи функции за време на претходната власт- поранешниот министер за внатрешни работи Спасовски.

Не треба да се удира по професионалците во МВР, ВМРО-ДПМНЕ врши дискриминација врз полициските службеници кои биле на високи функции за време на претходната власт- поранешниот министер за внатрешни работи Спасовски со осуда за отказите за незаконско издавање на оружје. Според него потегот на неговиот наследник Тошковски е реваншизам и партизирација на министерството, наменски за да го затскриел случајот со бомбата во Керамидница во домот на Раде Трајковски Штекли.

-Апсолутно е недозволено да овие луѓе бидат понижени, иако досега не биле ниту казнувани ниту дисциплински гонети, сите се со Сертификати, некои од нив имаат и НАТО сертификати и сосема совесно, чесно и одговорно ја вршеле својата работа. Недопустливо е на ваков начин да се врши таков притисок и сеење на страв кај сите вработени во МВР преку ваквите случаи,- Оливер Спасовски – поранешен министер за внатрешни работи.

Спасовски го обвини Тошковски и дека воопшто не се справувал со криминалните структури. Вели дека многу често се случуваат престрелки и убиства низ скопските улици, а актуелниот министер не преземал мерки туку го обвинувал него за наследена состојба од минатото.

-Зошто за неколку месеци ни се случуваат 25 вооружени инциденти во коишто имаме ранети, убиени граѓани.. Прашање е зошто овие настани се случуваат и токму овие криминални банди добиваат на значење, на сила, токму во овој временски период?- Оливер Спасовски – поранешен министер за внатрешни работи.

За иницидентот кој вчера рано утрината се случи во домот на Штекли полицијата засега не открива нови детали во интерес на истрагата. Познато е само дека се прибираат видео снимки и други докази за да се пронајде лицето кое ја поставило бомбата во неговиот дом, кадешто од експлозијата Раде Трајковски Штекли беше повреден.

Орце Горѓиевски, првиот човек на ЗЕЛС и градоначалник на КИсела Вода изрази задоволство од соработката со Владата и од сретсвата кои општините ги добија од Унгарскиот кредит: -Ова не се средства кои ќе се користат за расходи во општините, за плати или за возила за градоначалниците, туку за капитални проекти од огромно значење за граѓаните кои ќе се реализираат по општините, изјави Ѓорѓиевски.

Со Владата работиме на измени на Законот за експропријација кој кочи многу капитални проекти, особено во Скопје, изјави првиот човек на ЗЕЛС и градоначалник на Општина Кисела Вода, Орце Ѓорѓиевски по средбата во седиштето со вицепремиерот и министер за транспорт Александар Николоски.

-Ова ќе значи откочување на многу проекти, особено во Скопје, соопшти Ѓорѓиевски кој оцени дека како ретко досега ЗЕЛС и општините имаат одлична соработка со централната власт, на што ги обврзува и потпишаниот меморандум со Владата.

-Изразивме и огромна благодарност за поддршката на Владата за општините која произлегува од Унгарскиот кредит кој ќе се искористи за капитални проекти со кои се решаваат децениски проблеми на граѓаните, посочи првиот човек на ЗЕЛС.

-80 проценти од средствата за општините одат токму преку Министерството за транспорт, изјави министерот Николоски, кој потенцира дека владата со несмалено темпо ќе ги помага општините и во наредните години.

-Ова не се средства кои ќе се користат за расходи во општините, за плати или за возила за градоначалниците, туку за капитални проекти од огромно значење за граѓаните кои ќе се реализираат по општините, изјави градоначалникот на Кисела Вода Ѓорѓиевски.

Министерот и првиот човек на ЗЕЛС изразија задоволство од предлог измените на неколку Закони кои многу им значат на оптините во нивното функционирање, закони кои веќе се имплементирани и минаа во собранието.

ДУИ, партијата која две децении го држеше животот на граѓаните како заложник на својата неспособност и корумпираност, денес се осмелува да критикува и лицемерно да се претставува како бранител на животната средина. Оваа партија, која ги управуваше државните институции и ја загрози иднината на нашите граѓани, сега зборува за „итни акции“ и „грижа за здравјето“.
Но прашањето е – каде беа тие изминативе 20 години? Тогаш не беше ли време за итни акции и грижа за здравјето? Тогаш за што беше време? За коцкарници, за трговски центри?

Додека беа власт, Министерството за животна средина неколкупати беше управувано од кадри на ДУИ. Цели 12 години. Што направија? Оставија депонии во Тетово, Кичево, Струга – вистински еколошки бомби кои и денес го загадуваат воздухот, водата и почвата. Ова е нивното наследство – загадување, негрижа и корупција. Оставија депонии низ цела држава. Не решија ниту едно круцијално прашаење за заштита на животната средина.

ДУИ не се грижеа за граѓаните ниту како власт, ниту сега како опозиција. Нивната реакција е ништо повеќе од евтин обид за манипулација и дефокусирање од нивната одговорност. За разлика од нив, Владата и Министерството за животна средина и просторно планирање, под раководство на Изет Меџити, веќе презема конкретни чекори за решавање на долгогодишните проблеми што ги остави ДУИ.

Додека беа на власт ДУИ промовираа смешна зелена агенда. Али Ахмети и Артан Груби да дадат одговор каде се плодовите на нивната зелена агенда. Кој имаше добивка од нивната зелена агенда?
ДУИ владееше со Министерството за животна средина од 2011 година, до 2023 година. Тоа се цели 12 години. Од нивните 12 години резултатие се нула, и не се споредливи со сето она што е превземано во нашите само 5 месеци.

Во време кога болниците се полнат со граѓани кои страдаат од последиците на загадувањето, Владата работи на зајакнување на мониторингот на квалитетот на воздухот и ќе инвестира во чисти енергетски решенија. Додека ДУИ создаваше депонии, денес се работи на чистење и затворање на истите и се работи на проекти за имплементација на модерни системи за управување со отпад.
ДУИ нема легитимитет да зборува за животната средина, бидејќи нивните 20 години власт го докажаа спротивното. Граѓаните знаат кој е одговорен за кризата што ја наследивме, но исто така знаат и кој сега работи на вистински решенија.

Грижата за здравјето на граѓаните е приоритет на оваа Влада, а оние што оставија хаос, депонии и корупција ќе одговараат за своите дела – пред граѓаните и историјата.