Британски лекар кој бил незадоволен од наследството и на партнерот на мајка си му вбризгал отров кој лажно го претставил како вакцина против Ковид-19, денеска е осуден на 31 година затвор.

Д-р Томас Кван се маскирал во медицинска сестра која доаѓа во домашна посета за да му вбризга отров на Патрик О’Хара бидејќи верувал дека постариот човек му застанува на патот еден ден да го наследи домот на неговата мајка.

Кван минатиот месец се изјасни за виновен за обид за убиство пред судот во Њукасл.

О’Хара преживеа откако помина неколку недели на интензивна нега и му беше ампутиран дел од раката за да се спречи ширењето на некротизирачки фасцитис.

Оттогаш, мајката на Кван, Џени Леунг и О’Хара се разделија.

Полицијата користела снимки од надзорните камери за да го пронајде Кван. Откриле дека тој смислил заговор со испраќање лажни писма со логоа на NHS, хиперлинкови, па дури и QR код за да му понуди на О’Хара домашна посета за вакцината.

Кван се преправил во заштитна опрема од глава до пети, со затемнети очила и хируршка маска и дошол со возило на терминот во јануари користејќи лажни регистарски таблички.

Кван, кој е опишан дека има морбидна опсесија со отрови, користел јодометан, супстанца пронајдена во пестицидите за која сметал дека лекарите тешко ќе ја откријат, рече судијата.

При претресот на неговата куќа, полицијата пронашла арсен, течна жива и рицинусово масло, од кои може да се направи хемиското оружје рицин. На својот компјутер имал инструкции како да се направи рицин.

Кван беше вознемирен од можноста да добие помал дел од своето наследство. Тој имал затегнати односи со неговата мајка и дознал дека таа има одредба во тестаментот што ќе му дозволи на О’Хара да остане во нејзиниот дом доколку таа умре пред него.

Ширум Европа се откриени алармантни нивоа на жива во конзервирана туна, покажуваат најновите истражувања.

Истражувачите повикаа на итни, построги регулативи, истакнувајќи дека нивото на жива може да го оштети мозокот, бубрезите и е поврзано со некои видови на рак.

Истрагата во која беа вклучени речиси 150 лименки туна купени во Франција, Италија, Шпанија, Германија и Велика Британија покажа дека сите биле контаминирани со жива.

Живата е токсичен метал и силен невротоксин, кој може негативно да влијае на функцијата на нервните клетки. Изложеноста на овој метал може да ги оштети бубрезите и мозокот, а се поврзува и со поголем ризик од срцеви заболувања и рак.

Дозволена граница на жива во туна
Според сегашните закони на ЕУ и Велика Британија, границата за жива во туната е 1 милиграм по килограм и 0,3 милиграми по килограм за други риби, како што е бакаларот.

Сите 148 тестирани лименки туна содржеле жива – од кои околу 57 отсто ја надминале границата од 0,3 mg/kg жива, покажа истражувањето на невладините „Блум“ и „Фудвоч“ од Париз.

Понатаму, може да се купи во продавница во Париз имаше рекордно ниво на жива од дури 3,9 mg/kg, се вели во извештајот, 13 пати повеќе од границата од 0,3 mg/kg.

Според статистичките податоци, просечниот Европеец троши повеќе од 2,8 килограми туна годишно, што е приближно 25 лименки.

Како живата влегува во туната?
Живата, позната по својата токсичност, главно стигнува до океаните преку атмосферските наслаги, најчесто поради емисиите од електрани на јаглен. Во водата, живата се меша со бактериите и се претвора во токсично соединение познато како метилжива.

Околу четири петтини од живата внесена во атмосферата од природни и човечки причини, како што е согорувањето на јаглен, завршува во океанот каде дел се претвора во метилжива.

Туната е морска риба која е високо на синџирот на исхрана, што значи дека се храни со други помали видови риби кои апсорбираат големи количини жива од океанот. Се смета дека албакор туната содржи три пати повеќе жива од другите видови туна.

Како живата влијае на здравјето на луѓето?
Човечката изложеност на метил жива може да предизвика оштетување на бубрезите, сврзното ткиво и нервите.

Потрошувачката на жива може да предизвика невролошки нарушувања и нарушувања во однесувањето кај луѓето.

Исто така, живата може да предизвика проблеми со видот, а особено загрижува тоа што го зголемува ризикот од кардиоваскуларни болести.

Бремените жени и децата се изложени на најголем ризик
Светската здравствена организација (СЗО) ја рангира живата меѓу десетте хемикалии кои го загрижуваат јавното здравје, а таа, според СЗО, е супстанца што се ослободува во екосистемот со генерации, предизвикувајќи многу сериозни здравствени последици.

Според СЗО, бремените жени и децата се особено чувствителни на високо ниво на метил жива.

Во многу високи дози, студиите покажаа дека некои форми на жива го поттикнале развојот на неколку видови тумори кај стаорци и глувци.

Истражувањето за влијанието на живата врз развојот на ракот кај луѓето засега е ограничено

Полицијата во Велика Британија уапсила 63-годишен маж под сомнение дека во Лондон украл старо сирење чедар во вредност од 300.000 фунти (356.000 евра), пишува американската ТВ Ен-Би-Си.

Повеќе од 24 тони сирење неодамна беа украдени од една од најпознатите британски млечни компании, соопштија властите.

Осомничениот е приведен поради сомнение за измама со „лажно претставување и ракување со украдена стока“.

– Тој беше одведен во полициска станица во јужен Лондон, каде што е испрашуван, а подоцна пуштен со кауција во очекување на истрага, изјави портпаролот на британската полиција.

Чедарот е земен од млекарницата „Нилс Јард Дејри“ на 21 октомври, објави компанијата на Инстаграм.

Измамникот, кој се претставил како дистрибутер на француска компанија, зел 950 ролни занаетчиски подготвен и одлежан чедар завиткан во ткаенина, соопшти компанијата чиј магацин за сирење останал празен.

Компанијата повика „ако некој некому понуди или достави сирење за кое веруваат дека е поврзано со оваа кражба, особено чедар во ткаенина во ролни од 10 или 24 килограми без ознаки на производителот“, да ја известат со цел „да ја поддржат полицијата во истрагата“.