Македонските археолози направија значајно откритие на археолошкиот локалитет во Корошишта, во близина на Струга, пронаоѓајќи над 100 артефакти кои датираат од архајскиот период. Меѓу највредните откритија се златен надградник, два златни прстени, килибарни и стаклени перли, како и сребрени и бронзени чинии. Овие предмети, кои сведочат за високо развиена аристократска култура во Македонија, ќе бидат конзервирани и изложени во Археолошкиот музеј во Скопје.

Истражувањето открило и две монументални гробници, каде се пронајдени останки на маж и жена од аристократска елита, што ја потврдува значајноста на регионот во историски и културен контекст. Ископувањата, кои траат повеќе од четири години, започнале по случајното откритие на бронзен шлем од страна на локален жител, кој го предал во Заводот и Музејот во Охрид.

Локалитетот е строго обезбеден и заштитен за да се спречат нелегални активности, а археолозите очекуваат дополнителни откритија кои ќе донесат нови сознанија за историјата на македонската аристократија и културното наследство.

Извор: Трн.мк