Вчера во 12.00 часот во ОВР Прилеп, две лица од Прилеп на возраст од 39 и 31 година пријавиле дека во август и септември 2024 година биле измамени од едно лице.

Според пријавеното, преку вибер контактирале со лицето за посредување за работа во Сојузна Република Германија и притоа во повеќе наврати уплатиле пари на сметка на лице од Скопје.

Како што е пријавено, до пријавувањето не добиле работна виза, а од пред една недела лицето престанало да комуницира со нив, по што сфатиле дека се измамени.

Полицијата соопшти дека се преземаат мерки за расчистување на случајот.

Ако користите Gmail, треба да бидете дополнително внимателни овие денови.

Нов вид на измама се појави кога станува збор за Gmail, соопштија од компанијата Check Point, која се занимава со сајбер безбедност.

Тие за британски „Мирор“ објаснија дека се работи за измама од големи размери со која се крадат личните податоци на корисниците, со вметнување на вирусот наречен „Rhadamanthys Stealer“ во нивните уреди.

Измамата функционира така што криминалците создаваат лажни сметки на Gmail, а потоа испраќаат пораки кои се претставуваат како легитимни компании. Така лажно претставени, на луѓето им праќаат пораки дека ги прекршиле наводните авторски права на социјалните мрежи.

Вклучени се и упатства за тоа како да се отстрани содржината со која се „прекршени авторските права“, што е клучниот дел од измамата. Корисниците ќе бидат упатени да преземат датотека, која всушност го содржи споменатиот вирус и од тој момент тој ќе почне да „работи“.

Мејловите се прилагодени на секоја жртва, па затоа е потешко да се препознаат бидејќи не изгледаат генерички. Досега, како што рече Check Point, околу 70% од откриените мејлови беа во индустријата за забава, медиуми и технологија.

Моќниот ладен циклон веќе ја зафаќа Европа, а полека навлегува и на Балканот. Истиот ќе донесе многу дожд и снег, како и позначителна снежна покривка.

До сабота цела Европа, како и цел Балкан ќе биде зафатен од овој многу студен воздух и ќе донесе на повеќе места температури до, па и под -10 степени, додека во Алпскиот регион тој ќе донесе температури и до близу, па и под -20 степени, особено на високите Алпи.

На сателитската снимка можете да го погледнете моќниот циклон како го зафаќа Балканот, и истиот е восклоп со многу ладниот воздух кој се спушта од север.