Connect with us

Скопје

ГРАЃАНИ СЕ ОРГАНИЗИРААТ ПРЕКУ СОЦИЈАЛНИТЕ МРЕЖИ ЗА ПРЕВОЗ ДО РАБОТА Ќе има ли јавен превоз?

Published

on

„Луѓе ова не се трпи, денеска цел ден на работа бев капната. Утрово чекав 2 часа. На крај си платив такси. Си викам, ај за идење ќе дојде. Пак чекав 2 часа и не дојде, сè по таксиња се качивме. Јас во петок одам на протест, вие како сакате!“, напиша една скопјанка на социјалните мрежи.

Граѓаните на социјалните мрежи сами се организираат како утре да стигнат до работа, бидејќи се најавува дека нема да има автобуси во Скопје. Гневни поради тоа што денеска немаше автобуси многумина од нив најавуваат дека ќе се приклучат на големиот протест пред Град Скопје најавен за в петок.

„Жени, прочитав дека нема да има утре автобуси. Јас утре одам накај работа во 6 и 25, тргнувам од Марино кај Злате, возам по автопат, автобуската кај ‘Коце’ и продолжувам по мостот кај Автокоманда, ‘Бриколаж’ и хотел ‘Русија’ и поминувам кај Мајчин дом. Нека се јави некоја ако ѝ треба превоз во тој правец. Максимум можам 3 жени да земам, затоа што имам позади бебе во седиште. Ќе се стуткаме. Пишете ми“, се вели во една објава на социјалните мрежи.

Друга скопјанка напиша:

„Луѓе ова не се трпи, денеска цел ден на работа бев капната. Утрово чекав 2 часа. На крај си платив такси. Си викам, ај за идење ќе дојде. Пак чекав 2 часа и не дојде, сè по таксиња се качивме. Јас во петок одам на протест, вие како сакате!“.

Меѓу коментарите беше и следниот:

„И работодавците треба да дадат поддршка за протестот. Нивниот мотив треба да е ист како и на вработените. Во спротивно протест и кај нив“.

Јавниот превоз во Скопје е пред тотален колапс. Во Скопје попладнево сообраќаа само 25 автобуси.

На протестот кој го организира градоначалникот на општина Шуто Оризари, Курто Дудуш, свое учество најавија и студентите. Универзитетското студенско собрание при Универзитетот „Кирил и Методиј“ во Скопје ѝ постави ултиматум на скопската градоначалничка Данела Арсовска да го реши проблемот. Во писмо до Арсовска и до ЈСП студентите побараа враќање на автобуските линии и воспоставување нови решенија за транспорт.

Недостигот на нафта веќе неколку недели го попречува нормалното функционирање на ЈСП и предизвика сериозен проблем на транспортот на учениците и на вработените во главниот град.

Од ССМ ЈСП Скопје за МИА рекоа дека нема дистрибуција на нафта од „Пуцко Петрол“ за ЈСП „Скопје“ поради голем долг.

Африм Муча, претседател на Независниот синдикат на возачите во ЈСП, вели дека состојбата е многу сериозна, дури и алармантна, бидејќи речиси 70 проценти од возилата се паркирани.

Град Скопје ја префрла топката кон ЈСП, нагласувајќи дека се работи за смислено сценарио од страна на ВМРО-ДПМНЕ со цел пропаѓање на претпријатието.

Скопје

ЈСП има нафта за најмногу уште пет денови

Published

on

Тендерот за набавка на нафта за ЈСП заврши, но неизвесноста продолжува и засега не се знае дали воопшто некој конкурирал на огласот. Од Бирото за јавни набавки за Сител велат: „Имајќи ја предвид проценетата вредност на набавката, извесно е дека постапката ќе дојде во управна контрола во Бирото по сила на закон, но тоа се случува на крајот, откако ЈСП ќе ја донесе одлуката за избор или за поништување на постапката. Дури во тој момент Бирото ќе добие пристап до целокупната документација од спроведената постапка. За сите информации во поглед на постапката, ве упатуваме да се обратите до ЈСП Скопје“.

Од ЈСП молк. Директорот Кушовски не кажува дали тендерот е успешен и дали сметката на претпријатието е одблокирана.

Од синдикатот на возачи во ЈСП велат дека, ако е блокирана сметката, тендерот ќе пропадне.

„Сигурно дека ќе пропадне, ако е блокирана. Како ќе се исплатат долговите, платите и ред други работи? Моментално знам дека се уште е блокирана, ако денеска нешто се случило, немам друга информација“, изјави Африм Муча, претседател на независен синдикат на возачи.

Според него, нафта од државните резерви има за уште 3 до најмногу 5 дена. Што ќе биде потоа, не знаат ни вработените. 

Од Владата велат дека ќе го почекаат исходот од тендерот.

„Да видиме какви ќе бидат состојбите, да не давам одговор од аспект на хипотетичка ситуација. Факт е дека не може претпријатието да функционира постојано на ваков начин ако досега. Се надеваме дека ќе се консолидираат и дека ќе размислуваат за доброто на граѓаните, а не за други цели и интереси“, вели Марија Митева, портпаролка на Владата.

Во јавниот превоз од вчера се вклучија и приватните превозници, но не сите, туку само оние кои имаат финансиска можност за тоа, бидејќи, како што велат, ЈСП има неплатен долг кон нив повеќе месеци. Во меѓувреме, тие ја чекаат новата цена по изминат километар која треба да биде пресметана во следните две недели.

Continue Reading

Скопје

Ѓорѓиевски: Кисела Вода е лидер во инклузијата на лицата со попреченост

Published

on

Кисела Вода, 3 декември – По повод Меѓународниот ден на лицата со попреченост, општина Кисела Вода испрати силна порака за посветеност на создавање општество на еднакви можности. Градоначалникот Орце Ѓорѓиевски со гордост ја истакна лидерската позиција на општината во промовирањето и заштитата на правата на лицата со попреченост, најавувајќи два значајни нови проекти – првата инклузивна училница на отворено и сензорна соба во ООУ „Рајко Жинзифов“ во Драчево.

„Нашата посветеност на инклузијата не се ограничува само на еден ден. Секој проект и активност што ги реализираме се доказ за нашата заложба кон создавање инклузивна заедница,“ изјави Ѓорѓиевски.

Сензорната соба овозможува мултисензорно искуство за децата, поттикнувајќи го нивниот когнитивен, емоционален и физички развој. Ѓорѓиевски истакна дека ова е уште една во низата вакви простории кои општината ги отвора во основните училишта.

Од друга страна, инклузивната училница на отворено, прва од ваков вид во општината, е во завршна фаза. Оваа училница е дизајнирана да ги задоволи потребите на сите ученици, особено на децата со посебни образовни потреби, и ќе биде опремена со дидактички материјали кои поттикнуваат креативност и когнитивни способности.

Дополнително, општината потпиша меморандум за соработка со Институтот за специјална едукација и рехабилитација. Со оваа иницијатива ќе се обезбеди стручна пракса за студентите и поддршка за родителите на децата со атипичен развој, со активности во попладневните часови.

Општина Кисела Вода е пионер и во други инклузивни проекти – од отворање на дневни центри за деца со церебрална парализа до обезбедување тактилни патеки, Брајово писмо и рампи за пристапност.

„Кисела Вода е првата општина со целосно инклузивно основно училиште и јавна детска градинка. Со сите овие проекти, ја потврдуваме нашата верба во правото на секое лице за достоинствен живот,“ додаде Ѓорѓиевски.

Градоначалникот увери дека општината останува посветена на создавање средина каде секое дете и жител ќе се чувствуваат прифатени, ценети и рамноправни.

Continue Reading

Скопје

До април 2025-та ќе почнат градежните работи за третата фаза за Старата скопска чаршија

Published

on

До април 2025 година ќе почнат градежните работи за третата фаза за Старата скопска чаршија, најави денеска првиот заменик претседател на Владата и министер за животна средина и просторно планирање, Изет Меџити.

„Старата скопска чаршија е од посебно значење за целата држава. Додека за третата фаза од плоштадот Скендербег има одлука да се изгради подземен паркинг за 400 возила, што ќе го реши главниот проблем за Старата скопска чаршија и ќе го заокружи проектот плоштад Скендербег. Инвестицијата на проектот е околу 20 милиони евра. Битно е дека Чаршијата ќе биде попристапна за граѓаните и за туристите. Тука има 700 дуќани и се важен економски капацитет за државата и економијата“, рече вицепремиерот.

Меџити нагласи дека работат на решавање на проблемот со паркинг места во Старата скопска чаршија.

„Владата донесе одлука да го реши главниот проблем на Старата скопска чаршија, а тоа е паркирањето. Воедно, работиме во две насоки – прво да се ослободи паркингот до хотел Буши каде има паркинг за 100 коли и кој 30 години не функционира бидејќи е претворен во магацин. Заедно со министерот за култура и со директорот работиме тој да се ослободи и да има нови 100 паркинг места“, рече Меџити.

Continue Reading
Advertisement
Advertisement

Трендинг

Copyright © 2024 Булевар.мк