Бизнис
КАТАСТРОФАЛНАТА СОСТОЈБА Е САМО ДЕЛ ОД ПРЕДИЗВИКОТ- Божиновска на терен во РЕК Осломеј
Министерката за енергетика, рударство и минерални суровини, Сања Божиновска, ја посети термоелектраната Осломеј кај Кичево, еден од клучните енергетски капацитети во земјата. Посетата е дел од заложбите на министерката редовно да ги посетува енергетските објекти со цел директно да се увери во состојбите на терен и да ја забрза транзицијата која ќе донесе енергетска стабилност и независност.
„Состојбата што ја затекнавме е лоша и тоа нема да го криеме. Но, она што можам да кажам е дека се вложуваат максимални напори, а понекогаш и невозможното, за да ги стабилизираме капацитетите. Со ангажман на нашите стручни лица и новиот менаџмент, веќе гледаме позитивни резултати.“ изјави министерката Божиновска.
Министерката ја дочекаа претставници на раководниот тим на ЕСМ и директорите на РЕК Осломеј, кои детално ја информираа за моменталните состојби, како и за затекнатите состојби во комбинатот по смената на раководствата. Божиновска направи обиколка низ електраната, вклучувајќи ја машинската зграда, турбината, и локацијата на котелот и блок-командата.
„Машини кои се борат со товарот на времето, јаглен кој е далеку од квалитетот што би го поддржал производството, и техничка опрема која итно бара замена. Ова е само дел од катастрофалната состојба во која е оставен РЕК Осломеј. Но, покрај предизвиците, тука има и нешто друго – посветени луѓе кои одбиваат да се предадат, и планови за трансформација кои ветуваат нова ера.“ истакна Божиновска.
Директорот на РЕК Осломеј, Сашо Вренцоски, информираше дека, иако соочени со исцрпени резерви на јаглен, затекната катастрофална состојба, неизвршен ремонт на термоелектраната, половина од деловите потребни за вклучување во производство нефункционални, сепак РЕК Осломеј успеа речиси половина месец да помогне во обезбедување енергија за електроенергетскиот систем за постабилна грејна сезона за сите граѓани во Македонија.
„Благодарение на заедничките напори на новиот менаџмент и вработените, успеавме според можностите и краткиот период за подготовки да го оспособиме капацитетот, да го вклучиме во електроенергетскиот систем со цел да го зголеми домашното производство на електрична енергија. Доколку имаме дотур на јаглен, се надеваме дека термоелектраната ќе биде во можност да одговори на предизвиците и да помогне во текот на претстојните зимски месеци.“ истакна Вренцоски.
Божиновска изрази желба да разговара дирекно со вработените и од нив да чуе со што се соочуваат. Вработен, со 40 годишно работно искуство токму во оваа централа, со ист елан како и на почетокот на својата кариера, ја информираше министерката дека морале да го користат сето свое искуство и знаење за да го извлечат најдоброто од лошиот јаглен кој им бил донесен претходно, и кој сè уште го користат бидејќи мораат да ги дотрошат залихите како би и заштедиле на државата. Вели заедно со колегите успеале барем да ги ублажат последиците врз дотраените машини, и спречиле нивно неповратно оштетување, но апелираше до министерката да се заложи за строги контроли каков јаглен се набавува.
Божиновска му се заблагодари за 40 годишната посветена работа и ги увери вработените дека времето на расипништво, договори во 4 очи и негрижа за капацитетите витални за граѓаните на целата земја, е завршено и тоа не само што нема повеќе да се дозволи туку и најостро ќе се санкционира.
Министерката ја посети и лабораторијата каде беше информирана дека во таа установа ги имаат најточните резултати за составот на јагленот кој го испитуваат, и ѝ порачаа на министерката да не се сомнева во нивните резултати. „Ние си го знаеме и комбинатот и јагленот и нашите стари машини, а со новата апаратура која неодамна ја добивме сега сме уште попрецизни, а ако добиеме помодерна пак, ќе нема попрецизни од нас“ се пофалија вработените во лабораторијата.
Министерката изрази желба, наместо работен состанок со раководството во канцелариите, да им се придружат на вработените во мензата каде освен што минаа повеќе време со вработените, се дискутираше за предизвиците за тековната грејна сезона и долгорочните планови за трансформација на капацитетите. Министерката Божиновска ја истакна важноста на амбициозните инвестиции во чиста енергија
Директорот за развој и инвестиции Владимир Пејоски ги претстави плановите за 2025 година, истакнувајќи дека трансформацијата е во тек. „Градиме нови капацитети за обновлива енергија. Пред неколку дена објавивме оглас за изведувач на изградба на две фотоволтаични централи ФЕЦ Осломеј 2 и ФЕ Битола 1 со вкупна инсталирана моќност од 30 MW. Работиме и на физибилити студии за проекти кои ќе донесат уште поголема енергетска независност.“ рече Пејоски.
„Наша обврска е да се соочиме со реалноста, но и да покажеме дека со работа и визија, можеме да ја смениме таа реалност. Ќе продолжам редовно да ги посетувам енергетските објекти низ Македонија за да добијам директен увид во состојбите и да осигурам дека секој вложен напор носи конкретни резултати. Само со домаќинско работење, професионалност и посветеност ќе ја обезбедиме енергетската стабилност и независност што нашите граѓани ја заслужуваат.“ истакна Божиновска на крајот на посетата.
Мијалков снимен во Монте-Карло сосе луксузниот автомобил – и по затворот, ужива во животот и парите
Приведен осомничен за серија тешки кражби
Европскиот суд за човекови права ја осуди Бугарија
Струмица алармантно загадена, бремените жени и лицата над 60 години да останат дома
Шумски пожар беснее низ луксузниот дел на Лос Анџелес, евакуирани се 30.000 луѓе
Револтиран угостител до Филипче: 15 години сум дел од ова не може да седам на страна без кажан збор!
БОМБА НА МАКЕДОНСКА ДОКТОРКА: Од 10 заболени вчера ревакцинирани со 2 дози се 8
Мехмети: Не прашувајте како изгоре болницата-Таа ја ИЗГОРЕВМЕ СИТЕ!
Затвор ли е Идризово, кафана ли е ? (Видео)
„Спремен сум да влезам во инфективна и со заболените БЕЗ МАСКА да седам 24/7 седум дена„“ – Предизвик до Филипче
(Видеo) Драма во Албанија: Гори 12-катница, 40 лица се заробени во становитe
Мистepиja на гpoбот на Свети Никола: И покрај paзopниот земjoтpec останал целoceн – се останато било yништено (ВИДЕО)
ПАЛЧО СО ИСТАТА БАНДА ВО МАЈ БЕШЕ ФАТЕН СО ПИШТОЛ БЕЗ ДОЗВОЛА како бара злато (ФОТО)
ВО ЖИВО ОД МВР – ФАТЕН Е И УАПСЕН ПАЛЧО (ВИДЕО)
(Видео) Излегов да берам дренки кога пред мене излезе мечката и ме нападна
-
Инфо +5 days agoУбава вест за пензионерите: Следува покачување на пензиите
-
Македонија6 days agoХорор во Блок 70: Татко си го убил сопствениот син
-
Македонија5 days agoСВР Тетово со соопштение за семејната трагедија која го потресе Тетово
-
Инфо +5 days agoОхриѓани останаа без најдобриот доктор: Доц. д-р Сци-Мед Никола Бакрачески започнува со работа во Болница Плодност
-
Македонија7 days agoЗемјотрес почувствуван во Тетово
-
Македонија3 days agoВИДЕО: Во Тетово кучињата го нападнаа и Дедо Мраз
-
Македонија5 days agoПаднаа повеќе дилери: Серија на апсења во Скопје и Струмица
-
Македонија13 hours agoТетовскиот универзитет останува без еден од најдобрите професори?