Во очаен обид за политички опстанок, СДСМ одлучи да јава на бранот на албанофобијата, следејќи го патот на ВМРО – ДПМНЕ – велат од политичката партија ДУИ.

Наместо да се соочи со сопствената криза и да ја преземе одговорноста за својот тежок пораз, таа бара спас со тоа што им сервира на Македонците лажен непријател – Албанците.

Но вистината е едноставна: Македонците не ја мразат ДУИ поради некаква измислена корупција – тие ја мразат затоа што ДУИ ги зајакна Албанците и ја смени старата рамнотежа на моќта .

Тие не ја гледаат ДУИ како проблем на криминалот, бидејќи токму македонските партии 30 години ја ограбуваа и уништуваа оваа земја.

Денес, Македонците се манипулирани да веруваат дека Албанците се нивна егзистенцијална закана.

Но кој ја шири оваа идеја?

Денес, македонските партии, предводени од експоненти на ‘српскиот свет’ како Стоилковиќ, го всадуваат кај Македонците стравот дека Албанците им се непријатели.

Но во реалноста, Албанците никогаш не биле и не се егзистенцијална закана за Македонците.

Вистинската закана за нив се оние што им ја негираат црквата, јазикот, идентитетот.

Тие што сакаат Северна Македонија да остане слаба, изолирана и разединета, се истите што ја внесуваат оваа психологија на страв.

Албанофобијата не е спонтано чувство на Македонците – таа е политички проект, поттикнат и финансиран од странски интереси за Северна Македонија да остане заробена во конфликт и несигурност.

И за жал, македонските партии, наместо да го водат својот народ кон заедничка и сигурна иднина, ја користат оваа нарација за краткорочни политички профити.

Но времето на овие игри истекува. Албанците нема да дозволат да бидат жртвувани за пропаднатите политики на СДСМ, ДПМНЕ или за странски агенди кои работат против Македонија.

Оваа земја нема иднина изградена врз омраза и етнички поделби.

Тие што денес сеат раздор, утре ќе останат сами во урнатините на нивната изгорена политика.

Реакцијата на ДУИ следи откако и лидерот на СДСМ во интервју за Независен рече дека јавно се дистанцира од ДУИ и дека тие се корупмирана партија.

Состојбата во правосудството и обвинителството е рак рана на нашето општество во моментов, истакна во Вечерното шоу на Богдан Илиевски, вицепремиерот и министерот за транспорт, Александар Николоски.

-Мислам дека е доволно да се извадат прес конференциите на ВМРО-ДПМНЕ додека беше во опозиција и ќе има работа за правосудниот систем во државава во наредните 20 години. Еве случајот со Артан Груби. Кој е изненаден во државата дека Артан Груби бил бандит? Ние сме го зборувале тоа со години, така што воопшто не е изненадување, како што не е изненадување тоа што го правеше Јован Деспотовски во Фондот за иновации и во ТИРЗ, ниту е било какво изненадување за било кој во Македонија она што се случуваше во Лотарија, во ТЕЦ Неготино, Електрани на Македонија, здравството, образованието, културата и кривичната пријава за екс министерката. Граѓаните го знаат тоа и не го оценуваат како политички прогон, туку напротив велат дека има многу повеќе и има многу повеќе и очекувам правосудната власт да си ја заврши работата, истакна Николоски.

-На прашањето дали наследувајќи го Артан Груби во Министерството за односи меѓу заедниците, (кое претходно беше фузирано она за Политички систем) со дел од просториите кои ги наследи, голчињата и кошот на поранешниот министер и вицепремиер, сегашниот прв човек на ова министерството Иван Стоилковиќ, во „Наткаст“ со Љупчо Цветановски вели дека „на заминување“ е направена вистинска чистка и не е оставено ништо, дури ни филџани и чаши.

-За жал, ни голче, ни кош, ни фудбал, ни баскет, ни филџани, ни чаши, ни кафе, ни апарати за кафе, ни вода, ништо нема, дури ни телефони нема во министерството, чисто да знаат луѓето. Јас како министер немам земска/фиксна линија во кабинетот, затоа што сето тоа кога дојдовме беше растурено. Имало некакви камери поставено во кабинетот, па и тие биле извадени. Попис на инвентар никогаш не е извршен во министерството. Ќе има уште многу кривични пријави. Јас не знам која институција во државата ги прифаќала завршните сметки, бидејќи секогаш кога ја поднесувате мора да поднесете и пописна листа. Ние за првпат правиме попис на финансиски средства и на инвентар. Побаравме ад-хок ревизија и резултатите се толку фрапантни и грозни што ќе мора да одиме на затворена седница на Влада за информацијата за извештајот на ад-хок финансиската ревизија во Министерството за односи меѓу заедниците. Дефинитивно, Министерството било приватна фирма и ревизијата тоа го покажува, вели тој.

Можеби немало попис и ревизија, ги нема и голчињата и кошот, но затоа пак има фрапантни сметки од 20-на илјади евра за две ќебапчилници и неверојатни, секојдневни и огромни сметки за кафани и кафулиња, открива министерот Стоилковиќ.

-Просто да не верувате дека такви нешта може да има. Јас овие месеци немам платено ни една сметка на сметка на министерството, се си плаќам сам. Кафански сметки да ми плаќа министерството, тоа е глупава работа. Тоа порано било „добар ден“. Порано, битно е што секој Божји ден биле правени сметки од по 20, 30, по 40 илјади денари, секојдневно биле правени – ајде да е на десет дена, двапати во месецот ли, ако имате гости на пример, но вистинскиот проблем е кога тоа е секојдневно, а овде било така, потенцира Стоилковиќ.

Министерот во „Наткаст“ обзнани и дека 95 насто од вработените во министерството се Албанци, но потенцира дека работата е што тоа се Албанци од ДУИ, нешто што е проверено и докажано – институцијата се користела како партиско биро за вработување. Во меѓувреме, разрешени се и многу случаи со „вработени“ кои не ни доаѓале на работа, а десетина од нив си живееле и работеле во странство, притоа земајќи редовна плата од министерството на Артан Груби. Се очекува обелоденувањето на извештајот на ад-хок финнсиската ревизија за да се прикаже сиот криминал, аздис и незаконско работење во минатите години.