„Селска забава“ – вака битолскиот советник од ПОИНАКУ, Иван Чулакоски го нараче настанот, новогодишниот базар кој вчера во рамките на „Зимската приказна“ се одржа во Инфоцентарот на НП „Пелистер“. 

На денешната седница на Совет на опширната дискусија за развој на туризмот во Битола, за „Зимската приказна“ и прашањата како се трошат парите од буџетот на општина Битола за развој на туризмот во градот,  советникот Чулакоски два пати напоменува дека вчерашниот базар на Пелистер бил „селска забава“

 -1,5 милони денари префрламе на НП Пелистер како „амин“ за да ги пуштаме битолчани да влегуваат бесплатно во НП. Секоја година. Како што можите да видите Националниот парк освен селска забава, некни, и оро играње на сред планина – „Аџанак- баџанак“, видовме дека нема друг развој на планината освен селска забава“, рече Чулакоски од светничката говорница. 

Градоначалникот Тони Коњановски во говорот пред советниците побара од Чулакоски да им се извини на жителите кои живеат во селските средини, а кои присуствуваат на настаните на „Зимската приказна“.  

„Во оваа манифестација „селска“ како ја кажувате вие, спонзорите нешто и виделе. И на луѓето коишто живеат во селата треба да им се извините зошто и тие имаат потреба од „Зимска приказна“, рече Коњановски на говорница.  

Извор: Апла.мк

Денеска се исплатени средства за финансиска поддршка кон земјоделците за тековната 2024 година, соопштија од Министерството за земјоделство, шумарство и водостопанство.

Извршена е вкупна исплата на износ од 264.241.663,00 денари субвенции за растително производство од Програмата за финансиска поддршка за земјоделството за 2024 година кон 22.141 земјоделци. За мерката 1.8 Директни плаќања по обработливa земјоделска површина за одржување на постоечки овошни насади се исплатени 118.186.903,00 денари кон 8.729 корисници.

Исто така, денеска се исплатени и средства на износ од 146.054.760,00 денари кон 13.412 корисници за мерка 1.11 Директни плаќања по обработливa земјоделска површина за одржување на постоечки лозови насади.

Како што стои во соопштението, дополнително е извршена исплата на директни плаќања за сточарско производство од Програмата за финансиска поддршка за земјоделството за 2024 година.

„Се исплатија 416.722.200,00 денари субвенции за сточарско производство од Програмата за финансиска поддршка за земјоделството за 2024 година кон 8.680 земјоделци и тоа за: мерка 2.1 Директни плаќања за обележани женски грла говеда постари од 12 месеци. Висината на директните плаќања е 4.000 денари по грло. За оваа мерка исплатени се 201.532.000 денари кон 6.189 корисници. Мерка 2.8 Директни плаќања за обележани женски грла овци постари од 12 месеци. Висината на директните плаќања е 600 денари по грло. За оваа мерка исплатени се 182.692.200 денари кон 2.058 корисници. Мерка 2.10 Директни плаќања за обележани женски грла кози постари од 12 месеци. Висината на директните плаќања е 2.000 денари по грло. За оваа мерка исплатени се 32.498.000 денари кон 433 корисници“, се наведува во соопштението од МЗШВ.

Секторот за внатрешни работи од  Тетово поднесе кривична пријава против 16–годишна малолетничка од с.Мала Речица, тетовско, поради постоење основи на сомнение за сторени кривични дела „одземање на моторно возило“ и „тешка кражба во обид“.

Како што соопшти полицијата, таа на 07 ноември во Тетово, му го одзела патничко возило „рено“ на сопственост  А.С., а ден потоа  со употреба на сила, влегла во патничко возило „цитроен берлинго“, сопственост на Е.С., го стартувала, а по кратко време го оставила и заминала.