Програмата на „Зимска приказна”, денес продолжува со дневна програма во Старата битолска чаршија и кај Офицерскиот дом. За вечерната програма резервирано е Платото пред Офицерскиот дом, каде од 19:00 часот до 20:30 ќе настапат „Баркод” и Николче Зацески, а од 20:30 до 22:30 публиката ќе се забавува со „Ljubojna Brass Fantasy 2″ на нашата позната македонска музичка група „Љубојна”. Во 22:30, музичкиот дел ќе продолжи со забава со групата „Калабалак”.

 Утре, покрај дневната програма која ќе трае до 15:30 часот, вечерната програма за Дочек на Новата 2025, започнува на Платото пред Офицерскиот дом во 20:00 часот со настап на Борче Наумовски – Министерот, по што ќе следува рок бендот „Б-52″.

 Од 22:00 часот започнува настанот наречен „Ноќ на нови почетоци” со кој Битола, ќе ја заокружи 2024 и ќе ја започне 2025 година. Дел од овој настан се музичката група „Фонтана, Дувачкиот оркестар „Блезери” и изведувачите Андријана Јаневска, Зуица Лазова, Сузана Спасовска и Димитар Андоновски.

Сите програмски содржини во деновите до 06 јануари може да ги видите во програмата на линковите bitola.gov.mk и https://www.zimskaprikazna.mk/

Жител на Тетово бил уапсен вчера, откако претходно при расправија се заканувал со огнено оружје. При претрес на неговиот дом, полицајците нашле пиштол „ЦЗ“ и колекционерски кубур, соопшти МВР.

„СВР Тетово поднесе кривична пријава против А.А (51) од Тетово поради постоење основи на сомнение за сторени кривични дела „загрозување со опасно орудие при тепачка или караница“ и „неовластено изработување, држење, посредување и тргување со оружје или распрскувачки материи“. На 25.07.2024, пријавениот упатувал закани со огнено оружје кон едно лице, а при претрес во неговиот дом и други простории, полициски службеници пронашле и одзеле пиштол „Црвена застава“, калибар 7,62, две рамки за огнено оружје и 46 куршуми калибар 7,62 мм и пиштол кубура (колекционерско оружје)“, пишува во полицискиот билтен.

Повторно полициска контрола во угостителски објект во Гостивар. Уапсени се 12 жени.

– На 30.12.2024 во периодот од 00.00 до 01.10 часот, полициски службеници при ОВР Гостивар, во содејство со полициски службеници од СВР Тетово, спровеле акциска контрола во угостителски објект на улица „Илинденска“ во Гостивар, сопственост на Ј.А.(48) од Гостивар. При контролата во објектот биле затекнати 12 женски лица, од кои пет (четири од Република Србија и една од Република Албанија) го злоупотребиле туристичкиот престој. Тие биле приведени и задржани во полициска станица за понатамошна постапка, по што против нив ќе бидат поднесени соодветни поднесоци, соопштија од полицијата.