Вицепремиерот и министер за транспорт и врски, Александар Николоски, денес престојуваше во работна посета на Косово, заедно со заменик-министерката Калтрина Зеколи Шаќири и директорот на Јавното претпријатие за државни патишта, Коце Трајановски.

Посетата се реализираше на покана на косовскиот министер за транспорт, Либурн Алиу, при што македонската делегација се запозна со неколку значајни инфраструктурни проекти што моментално се спроведуваат во Косово.

Во фокусот на разговорите беше подобрувањето на транспортната поврзаност меѓу Македонија и Косово, при што се разговараше за железничкото поврзување Скопје – Приштина, како и за можностите за изградба на патниот правец Тетово – Призрен.

Министерот Николоски потенцираше дека соработката со соседните земји е од клучно значење за економскиот развој на Македонија, нагласувајќи дека подобрата инфраструктурна поврзаност ќе донесе побрз транспорт, зголемена трговска размена и повеќе економски можности за граѓаните на двете држави.

Во договор меѓу Министерството за енергетика, Бирото за јавни набавки и МЕМОнаскоро сите државни институции струја ќе плаќаат по цена што е постигната на Македонската берза за електрична енергија. Цената од ХУПЕКС повеќе не е референтна. Ова е потег за почит и е многу значаен за раст на тргувањето и развој на Македонската берза за електрична енергија. Затоа што Македонската берза станува релевантна, а нејзината цена станува референтна за стотици државни институции кои плаќаат десетици милиони евра годишно за струја

Сите македонски државни институции ќе плаќаат  струја по цени што се формираат на Македонската берза за електрична енергија. Со овој потег Министерството за енергетика, Бирото за јавни набавки и на МЕМО, државната компанија што управува со берзата на струја, создадоа услови цената што се постигнува на тргување на Македонската берза за електрична енергија да стане референтна цена по која ќе плаќаат државните институции. Со овој значаен потег на надлежното министерство во соработка со БЈН и МЕМО завршува ерата во која во Македонија референтна цена беше таа што е постигната на унгарската берза за електрична енергија ХУПЕКС.

Ова енергетско-пазарно решение на Министерството за енергетика во значајна мерка ќе го забрза растот, а со тоа и развојот на Македонската берза за електрична енергија која функционира во рамки на националниот пазарен оператор МЕМО.

Како што најавија Сања Божиновска, министерката за енергетика и Зоран Ѓоргиевски, директор на МЕМО, сега се создаваат услови на стандардизација на техничките спецификации за сите идни јавни набаки кои државните институции ќе ги распишуваат за набавки на струја. Во сите идни јавни набавки цената на струјата што ќе плаќаат државните институции ќе се утврдува врз основа на цената што се постигнува на нашата берза за струја, а не врз основа на цената што се постигнува на унгарската берза за електрична енергија.

Со оваа значајна промена ќе се создадат неколку предуслови за раст и развој на тргувањето со електрична енергија на нашата берза. Најпрвин ќе ја зголеми ликвидноста на нашата берза затоа што цената на струјата на нашата берза станува референта за стотина државни институции кои плаќаат десетици милиони евра годишно за струја.

Тоа ќе го зголеми интересот на сегашните учесници на нашата берза, а ги има повеќе од 30. Воедно оваа промена ќе привлече и други трговци и снабдувачи со струја кои ќе ја препознаат како релевантна нашата берза. Сето ова ќе ја зголеми понудата на Македонската берза за струја, ќе ја зголеми длабочината на пазарот и во крајна линија треба да влијае и врз цените на електрична енергија кои се постигнуваат на берзата.

Зголемувањето на ликвидноста е важен фактор и за идно поврзување на Македонската берза со берзите за електрична енергија во некоја од соседните држави (таканаречен каплинг н.з.) за што секако е предуслов за воведување на еврото како валута за тргување.

Македонската берза за електрична енергија започна со работа на почетокот на мај 2023 година. Во своите речиси 20 месеци работење бележи значаен раст особено од аспект на истргуваните количества електрична енергија и бројот на активни учесници на пазарот за струја.

На нашата берза електричната енергија се тргува ден однапред што значи дека се закупува еден ден пред испораката. При тоа берзата е посредникот што гарантира дека купувачот ќе ја добие електричната енергија што ја платил, а продавачот добива гаранција дека ќе ги добие парите за електричната енергија. И за продавачот и за купувачот важно е дека струјата на продаваат односно купуваат по цената што е постигната на берзата за часовите за кои купувале електрична енергија.

Извор: Faktor.mk

На почетокот на 2025 година вредноста на Биткоин (BTC) е 100.000 долари и тоа не е ништо ново. Она што пред само неколку години изгледаше незамисливо за многумина, денес е нормално, па дури и тривијално. Ова е моделот што го гледаме низ кратката историја на криптовалутите: невозможно вчера, очекувано или дури и разочарувачко денес.

„Една од карактеристиките на моменталниот растечки консензус околу криптовалутите е тоа што освојувањето на целта и постигнување вредност од 100.000 долари, заедно со значајниот напредок на индустријата во 2024 година што го направија тоа можно, беше толку моќно и возбудливо што за некои изгледа како да нема ништо повеќе што треба да се постигне“, според Ричард Тенг извршниот директор на Binance.

Според Тенг крипто индустријата во 2024 година направи неверојатен напредок за краток период, наспроти претходниот скептицизам за потенцијалот и моќта на блокчејн-технологијата. Една од најштетните последици на овој став е перцепцијата дека е предоцна за да се влезе во крипто.

„Да, BTC со вредност од 100.000 долари е новата нормала, но што следува? 300.000? 500.000? Еден милион? Невозможно!“ – според Тенг тоа е ставот на кој често наидува во разговорите со корисниците, а особено со оние кои сè уште не влегле во крипто просторот.

„За оние кои сè уште не се вклучени, ова создава чувство дека врвот веќе поминал. Зошто да се трудат, ако најдобрите можности се зад нас? Овој начин на размислување обесхрабрува истражување и води кон пропуштени шанси“, според Тенг.

Ова не се однесува само на цените на BTC, во освртот Тенг го зема Биткоин како корисен показател за напредокот на дигиталните средства и прифаќањето на блокчејн-технологијата. Пропуштените можности одат многу подалеку од пазарните добивки. Тие опфаќаат иновации и трансформации кои го менуваат начинот на работење на индустриите и ги подобруваат животите ширум светот.

„Сè уште сме во раните фази. Ако не сте дел од ова движење, сега е вистинското време да се приклучите. Можеби е тешко да се замисли следниот бран на експлозивен раст, но подетален поглед на тоа што се случува на теренот открива дека моментумот на индустријата од 2024 година само се забрзува во 2025 година – во масовното и институционално прифаќање, пазарните иновации и создавањето реална вредност“, истакнува Ричард Тенг.

Последните случувања во крипто индустријата како најавата за национална стратегиска резерва на Биткоин или одекот од создавањето на мемекоините $TRUMP и $MELANIA пред инаугурацијата на Доналд Трамп се доказ за способноста на криптовалутите да влијаат на социјалните, културните, па дури и политичките трендови на начини кои никогаш не сме можеле да ги замислиме.

„Растечкото прифаќање на криптовалутите на Вол Стрит сега оди многу подалеку од спот ETF-ите кои ги доминираа насловите во 2024 година. Производи за животно осигурување деноминирани во BTC, хибридни фондови за крипто и недвижности, како и големи управители на средства како BlackRock кои ги интегрираат Bitcoin ETF-ите во своите фондови фокусирани на приходи, ги вградуваат дигиталните средства сè подлабоко во глобалниот финансиски систем. Потоа, тука е неискористениот потенцијал за усвојување на криптовалутите. Во моментот, околу 700 милиони луѓе ширум светот се занимаваат со крипто – само дел од светската популација. Но, бројот на оние чии животи би можеле да се подобрат со дигиталните средства е во милијарди. Растечката свесност, подобрените кориснички интерфејси и отстранувањето на техничката комплексност го отвораат патот за поголемо прифаќање“, потенцира Тенг.

Според Тенг идејата дека е предоцна да се влезе во крипто не може да биде попогрешна, затоа што токму раните корисници профитираа од својата визија, но можностите кои претстојат се исто толку значајни. Со оглед на тоа што само мал процент од светската популација е вклучен, постои огромен простор за раст и инклузија.

Binance е посветен токму на олеснување на овој премин за новите корисници. Преку кориснички пријателските интерфејси и финансиските производи дизајнирани да бидат едноставни ги рушат бариерите и осигуруваат секој да може да учествува. Алатките за симулирано тргување на Binance им овозможуваат на корисниците да се запознаат со крипто пазарот без да ризикуваат вистински средства.

„Инклузивноста на криптовалутите оди подалеку од финансискиот пристап. Станува збор за овозможување на индивидуи и заедници да преземат контрола врз своите средства, податоци и онлајн идентитети, поканувајќи ги сите да учествуваат во децентрализираната мрежа на иднината. Со намалување на зависноста од традиционалните финансиски системи и интернет платформи, дигиталните средства создаваат нови патишта за можности и зајакнување.

Зборувајќи за улогата на Binance Ричард Тенг потенцира дека фокусот останува на поттикнување на глобалното прифаќање и создавање алатки кои ќе ја направат криптовалутата подостапна за секого. Од создавање решенија кои лесно се прилагодуваат и прошируваат за финансиска инклузија до градење динамичен екосистем на Web3. Исто така ја нагласи важноста на соработката со носителите на политики за воспоставување регулативи кои овозможуваат напредок или за поддршка на иницијативи на локално ниво кои го покажуваат реалниот импакт на криптовалутите.

„Binance е тука да предводи и да ги поттикне корисниците. Во 2025 година, нашиот фокус ќе остане на поттикнување на глобалното прифаќање и создавање алатки кои ги прават криптовалутите достапни за секого. Нашата цел е да осигуриме дека растот на индустријата ќе биде во корист на што поголем број луѓе. Приказната за криптовалутите штотуку почнува да се пишува. Огромниот потенцијал на дигиталните средства да ги трансформираат животите и да ги преобликуваат индустриите само што почнува да се реализира. Ако досега бевте настрана, сега е вистинското време да истражите што нуди оваа технологија“, заклучи Тенг.