Македонија2025 информира дека е отворен повик за доделување на 20 стипендии за петтиот по ред Охрид камп за високотехнолошка извонредност, предвиден да се одржи од 13-17 јули 2025 година во Охрид.

Кампот за високо-технолошка извонредност е еднонеделна програма за напредни вештини по роботика и кодирање, кој и овој пат ќе содржи комбининација на традиционална летна забава со можност за учење, заедничко вежбање и споделување на искуства за кодирање и роботика. Преку посветеност и натпревар на идеи, фокус на решавање проблеми, чувство на акција, размислување out-of-the-box и тимска работа ќе ги охрабриме и поттикнеме учесниците да постигнат мотивирачки резултати и да креираат прототип на производ/идеја.

Воден од Академијата за роботика и иновации и STEM Robotika Кочани, во партнерство со Young Engineers Skopje, кампот содржи глобално признати LEGO® Education Technology и STEM програми со израелска лиценца што се користи во над 50 земји. Учесниците ќе се вклучат во практично учење, програмирање на компонентите FABLE предводени од Brainster и справување со предизвиците од реалниот свет инспирирани од Целите за одржлив развој на Обединетите нации (SDGs).

Овогодинешната тема, FIRST® LEGO® League – FIRST® DIVE℠: SUBMERGED℠, се фокусира на истражување на океаните. Тимовите ќе создаваат иновативни решенија за почисти, поздрави океани, истовремено поттикнувајќи лидерство, тимска работа и упорност – подготвувајќи ги да бидат следната генерација на решавачи на проблеми и иноватори.

Убавината на овој проект е дадената можност да се запознаат и соберат млади луѓе со македонско потекло и млади од нашава земја, да воспостават долготрајни пријателства, да ја зајакнат и да ја градат својата родна македонска култура, преку подобрување на нивното познавање на јазикот, истражување на природата и културното наследство и доживување на македонската кујна и специјалитети. Особено сме среќни што изминативе години успавме да имаме учесници од САД, Канада, Словенија, Хрватска, Германија, Катар, Австрија, Данска, Кипар, Шведска, и др, но искрено се надеваме ќе успееме да привлечеме и учесници од другите земји од светот, велат од Македонија 2025.

Интересни информации за проектот: може да се пријават деца кои се на возраст од 11-15 години, заинтересирани за стекнување и надоградување на знаењата и вештините и секако имаат желба и интерес да учат програмирање, кодирање и роботика;  Им даваме предност при учество на пријавените деца врз основа на нивниот социо-економски статус и им доделуваме целосни стипендии;  Нашата еднонеделна авантура е за сите деца од Македонија, како и за деца од дијаспората со македонско потекло; Ќе комуницираме на англиски и македонски јазик со цел да се поттикне комуникацијата и социјализацијата помеѓу учесници од различни држави, учење на различни култури, размена на идеи и градење на интернационални пријателства, ќе ја усовршиме примената и на двата јазика; Новина за оваа година, Академијата за роботика и иновации и СТЕМ Роботика Кочани, наши парнери во проектот, ќе доделат годишна стипендија на национално ниво за нивните програми за учесници од Македонија.

Дополнително, ќе бидат доделени специјални награди за признавање на знаењето и достигнувањата на учесниците на натпреварите во FIRST LEGO League, во чест на нивната посветеност на образованието и иновациите на STEM.

Повеќе за Кампот, начинот на аплицирање и потребна документација: https://macedonia2025.com/open-call-for-scholarships-for-the-ohrid-hi-tech-excellence-camp-2025/

„И Македонија е киднапирана од левичарски невладини организации и УСАИД. 290 милиони долари сега ќе бидат заштедени за Американците“.
Ова на социјалната мрежа X го напиша Крис Павловски, канадски бизнисмен чии родители се од Македонија, и е основач на платформата Rumble, која е дизајнирана како алтернатива на YouTube.

Минатата недела, администрацијата американскиот претседател Доналд Трамп ја суспендираше американската странска помош која оди преку УСАИД, ставајќи за оваа агенцијата за меѓународен развој под директна своја контрола. Трамп се одлучи на ваков чекор со образложение дека дека спроведува ревизија за да се осигура дека помошта од десетици милијарди долари е во согласност со доктрината на надворешната политика на Трамп „Америка на прво место“ и дека не е губење пари на даночните обврзници.

Околу 40 милијарди долари, изнесува годишниот буџет на организацијата. Трамп и републиканците со години го опишуваа како расипничко трошењето за странска помош во администрациите на Барак Обама и Џо Бајден.

Генерално, помошта на САД во Македонија се менаџираше преку проекти на амбасадата и преку агенцијата УСАИД, а сега се прекинаа исплатите за македонскиот невладин сектор за најмалку 90 дена.

Според информацијата што ја посочи Павловски, помошта преку УСАИД за Македонија, за периодот од 2020 до 2024 била 290 милиони долари.

Според информации во медиумите, УСАИД ја финансирала фондацијата Отворено општество на Џорџ Сорос за соборување на власта во Македонија и поддршка на левичарски агенди НГО.

Ова тврдење според кое финансирањето се случувало во времето вториот мандат на Обама до 2016 година го објавува американската истражувачка новинарка и интернет личност Мериса Хансен на социјалната мрежа Х.

„УСАИД даде речиси 15 милиони американски долари на Фондацијата Отворено општество на Џорџ Сорос само во последните четири години на функцијата на Обама, која спроведува обемна работа во регионот на Западниот Брег/Палестина – сепак финансирањето беше првенствено за операциите на Сорос во Албанија и Македонија“.

Хансен која пренесува тврдења според кои Сорос, преку неговите Фондации Отворено општество, влијаел на македонската политика, особено со тврдењата за финансирање насочени кон поддршка на левичарските политички партии или агенди.

„Ова влијание беше искористено за поттикнување политички немири или притисок за промена на режимот, особено за време на политичката криза во Македонија околу 2015-2017 година.
Во март 2017 година, писмо до државниот секретар Рекс В. Тилерсон, шестмина американски сенатори го повикаа секретарот да ги истражи односите меѓу УСАИД и фондациите на Сорос и како американските даночни долари ги користат Стејт департментот и УСАИД за поддршка на левицата – политички групи од центарот кои се обидуваат да наметнат левичарски политики во земји како Македонија и Албанија”, пишува Хансен.

Крис Павловски стана особено познат на македонската јавност последните месеци, прво по летната посета на новата македонска влада, а и по средбата неодамна што во Вашингтон ја имаше со премиерот Христијан Мицкоски.

„Директно од аеродром на состанок… во Вашингтон имав исклучително продуктивен долг состанок со мојот пријател Крис Павловски сопственик на ‘Рамбл“. Капиталот на Павловски од ‘Форбс’ е проценет на 1,2 милијарди долари“, напиша Мицкоски на својот Фејсбук профил.

Денеска, пак, американскиот претседател Доналд Трамп го именуваше Мајкл Елис, кој е правен советник во компанијата Rumble на Павловски, за заменик директор на Централната разузнавачка агенција ЦИА. Елис беше дел од делегацијата предводена од Павловски која ја посети Македонија во јули.

Тодор Кулаков, таткото на Фросина, која минатата недела беше усмртена на „Партизанска“ беше гостин во дневникот на Сител и откри уште многу детали околу несреќниот случај, кои ја шокираат јавноста. 

Тој на почетокот се заблагодари на поддршката од целата јаност и откри дека како последна информација што стасала до нив е дека сега се обидувале Јованов да го сместат во друга институција.

– Ќерката еднаш свирепо е убиена, а сега како што се соочуваме со овој систем, ние ќе умреме уште 10 пати да умреме со неа. Сакаат монструмот да го претстават дека шекнал од болка, веројатно што им ги земаа телефоните, не можат да комуницираат па бараат друга институција да го однесат, дали лудница, каде контролата е помала, за да го бранат. Бараме од надлежните ова веднаш да се спречи. ако бил ненормален имало време кога да се констатира, а не сег. На сите нам ни кажува дека ниту тој ниту родителите немаат зрно каење, рече огорчено таткото.

-Живееме во Дебар Маало и девојчето излезе, како и секоја вечер, и се враќаше сама со кучето. Таа е моден дизајнер, четврта година и оваа недела има некои модни случувања во Париз, и ги правеше последните подготовки. Затоа беше излезена. Слушнавме само брза помош и пискотиници. Сопругата и ѕвони на телефон, не одговара, јас и ѕвонев и не одговара. Погледнавме низ прозор многу луге, полиција, брза помош. Ако детето не ти одговара знаеш дека нешто се случило и веднш истрчавме. Кога стасавме што да видиш. Тој кога ја прегазил ќерка ми, која иронија на судбината, колата со сите запалени жмигавци, ја оставил кај нас пред зграда. Кутрето под кла ама не го видовме, ноќе, рече таткото на Фросина, а за таткото на Васил додаде:

„Атипично е некој да се мота. Луѓе ми приоѓаа, ме прегрнуваа, плачеа со мене, а тој се мота. Кога тој си замина ми кажаа дека тоа бил татко му“.

Тој кажа дека никој од семејството не го контактирал да му изрази сочуство. 

– Затоа бараме правда и одговорност и од родителите. Тука се гледа дека нема човечност и каење. Тука се гледа реалноста со која ние како општесвто се соочуваме, а тоа е вакви луѓе наместо да се соочат со криминалот, одат понатаму, плаќаат телефон на син му. По мене, со адвокатите со кои разговарав, мислам над 20 адвокати не исконтактираа да не бранат, штом ти си купил телефон за да се договараш во врска со убиство, ти си дел од тој процес, ти прикриваш убиство, ти си соучесник. Сакам да одговараат родителите како јасни и чисти соучесници во убиството, бидејќи го прикриваат, рече тој.

Целиот текст на ММС