Василевска укажа дека граѓаните се убедени дека политичките елити имаат директно влијание врз работата на органите на правосудството и нагласи дека во времето на владеењето на СДС и ДУИ имало директно мешање во работата на правосудството.

На денешната панел-дискусија на тема „Негативниот годишен извештај за работата на Судскиот совет и потребата од реформи во правосудниот сектор во Македонија“ присуствуваше пратеничката од ВМРО-ДПМНЕ, Иванка Василевска која се осврна на надлежностите и работата на Судскиот совет и потенцираше дека претставува суштинска спона која ја одразува независноста на судството и затоа истата е загарантирана и со Устав.

Пратеничката посочи дека во изминатиот период јавноста бурно дебатирала поради одредени прашања и дилеми кои директно ја засегнале независноста и нетранспарентноста на Судскиот совет.

„Во изминатиов период јавноста доста дебатираше на темите коишто се поврзани со една од најзначајните судски инстанци во Македонија од причина што се појавија многу дилеми и прашања кои директно засегнаа во прашањето за независноста и нетранспарентноста како од избирањето на членовите на Судскиот совет така и во однос на решавањето на горливите прашања“, рече Василевска.

Василевска објасни дека она што му е потребно на Македонското општество е да почне да се работи по словото на законот и посочи дека 72% од судиите не веруваат дека Судскиот совет успешно ја штити судската независност.

„Она што му е потребно на македонското општество е дека ние треба да почнеме да работиме по словото на Законот. Приближно 72% од судиите не веруваат дека Судскиот совет успешно ја штити судската независност и не веруваат дека унапредувањето на судиите се врши според објективни, мерливи и правични критериуми“, објасни Василевска.

Василевска укажа дека граѓаните се убедени дека политичките елити имаат директно влијание врз работата на органите на правосудството и нагласи дека во времето на владеењето на СДС и ДУИ имало директно мешање во работата на правосудството.

„Граѓаните се силно убедени дека политичките елити имаат директно влијание и се мешаат во работата на судиите и јавните обвинители. Ние во периодот на претходното владеење на СДС и ДУИ видовме дека за изјави во медиуми или за одредени наводи кои протекуваа во јавноста повремено обвинителството имаше директна комуникација со извршната власт и од таму добиваше нарачки“, објасни Василевска.

Почна да се одврзува клопчето околу оддавањето информации на криминалната група Барон/Беланоца. Синот на поранешниот заменик-министер за внатрешни работи Назим Буши од ДУИ, Ќерим Буши, е осомничен дека бил „кртот“ кој им помогнал на припадниците на оваа криминална група.

Ќерим Буши осомничен за оддавање службена тајна

Синот на поранешниот заменик-министер за внатрешни работи Назим Буши од ДУИ, Ќерим Буши, е осомничен дека бил „кртот“ кој им помогнал на припадниците на криминалната група Барон/Беланоца да избегнат апсење. Според информациите на Телма, Буши синоќа бил приведен на распит поради сомневање за кривично дело „Оддавање службена тајна“.

Повеќе детали може да прочитате во продолжение:

Приведен син на поранешен висок функционер на МВР бидејќи оддавал службена тајна

Кој е Назим Буши?

Назим Буши е кадар на ДУИ. Тој е поранешен член на ОНА. Во своите политички почетоци работел како член на обезбедувањето на ПДП, а бил и водник од прва класа во армијата на Македонија. Потоа беше заменик минисстер за внатрешни работи. Во периодот меѓу 31 мај и 20 јуни Назим Буши извршуваше функција министер за внатрешни работи.

Во период кога беше заменик министерот за внатрешни работи, функцијата на Назим Буши ја одбележа скандалот дека платил 20.000 евра за едно ноќевање во лускузен хотел. Тој објави истражување за албански функционери кои се луксузирале во хотели, но меѓу нив се најде и функционерот од македонската влада.

Провалена акција за апсење

Буши е осомничен дека пред десетина дена ја пробил акцијата за апсење на членови на скопското нарко-подземје, информирајќи ги осомничените дека полицијата планира апсење, со што им овозможил да избегаат.

Изјава од МВР

Од Министерството за внатрешни работи дадоа коментар за тековните случувања.

„Лицето за кое прашувате на 28.12.2024 беше приведено, при што во полициска станица беше извршен службен разговор во врска со кривично дело Оддавање службена тајна. Одземен му е мобилен телефон, по што, по насока на ОЈО, лицето е ослободено“.

Истражна постапка

Обвинителството на 16 декември отвори истрага против 18 осомничени припадници на скопското подземје. Осуммина од нив не беа пронајдени, а постои сомнение дека некој од внатрешноста им дојавил да избегнат апсење.

Случајот продолжува да се истражува, а јавноста очекува понатамошни детали од истрагата.

Уапсени четворица од 18 осомничени

Од вкупно 18 осомничени за убиства и рекет, полицијата успеала да уапси само четворица, додека еден осомничен сам се пријавил. Според извештаите, тројца од осомничените се веќе во затвор, двајца се во притвор, двајца се недостапни уште од претходно, а шестмина не биле пронајдени.

Пропуст во акцијата

Министерот за внатрешни работи, Панче Тошковски, го коментираше пропустот во акцијата што се одвиваше на 16 декември оваа година.

Катастрофално е дека човек којшто требаше да биде апсен, 10 минути пред да пристигне полицијата доби информација и сега е недостапен за органите на прогонот. За тоа некој мора да одговара, рече министерот.

Одговорност и истрага

Министерот најави дека ќе биде спроведена внатрешна истрага за да се утврди како информациите стигнале до осомничените и кој е одговорен за ваквиот пропуст. Полицијата продолжува со напорите да ги пронајде и уапси останатите осомничени.

Извор: lider.mk

Петар Денковски, генералниот директор на синџирот маркети на „Веро“, смета дека цените на основните прехранбени производи се намалени во текот на изминатата недела.

– Голема поддршка дадовме на акцијата на Владата. Освен таа поддршка, изминатата недела направивме дополнителна акција на 60 нови производи. Зголемувањето на цените не ни одговара ниту на нас, ниту на потрошувачите, така што продолжуваме со континуирано намалување на цените, рече Денковски како одговор на новинарско прашање за време на настан.

Министерството за економија во текот на изминатите денови најави поголема активност на пазарните инспектори во голем број маркетови и при тоа открија значително зголемување на цените кај основните прехранбени производи кои не се опфатени со т.н. новогодишната кошничка. 

Заменик министерот за економија, Марјан Ристески нагласи дека доколку трговците не ги намалат цените на овие производи до крајот на неделата, ќе бидат принудени да ги преземат дополнителните мерки и одлуки, вклучувајќи и налагање казни.

Во текот на инспекциите, инспекторите открија неусогласености во цените на некои основни производи, кои значително ги надминуваат предвидените граници за зголемување.И премиерот Христијан Мицкоски на прашање кои се последните сознанија и каква е сега состојбата, одговори дека најголемиот дел од трговците ги враќаат цените на производите, на она ниво коешто беа пред да добијат покачување.