Скопје

Орце Ѓорѓиевски: Поддршка за лицата со оштетен вид преку донации и инклузивни проекти

Published

3 days ago

January 4, 2025

Градоначалникот на општина Кисела Вода, Орце Ѓорѓиевски, и оваа година ја продолжи традицијата на поддршка за лицата со оштетен вид. По повод Светскиот ден на Брајовото писмо, во училиштето за слепи лица ДУРМДОВ „Димитар Влахов“ беа донирани нови книги напишани на Брајово писмо, кои ќе бидат достапни за учениците веднаш по зимскиот распуст.

Покрај оваа донација, книги на Брајово писмо беа подарени и на библиотеката во Домот на културата во Кисела Вода, овозможувајќи пристап до литература за пошироката заедница. Ѓорѓиевски нагласи дека ваквите книги се исклучително скапи и тешко достапни, но претставуваат важен чекор за поддршка на едукацијата, личниот развој и интеграцијата на лицата со намален вид.

„Од самиот почеток на мојот мандат воспоставивме традиција за збогатување на библиотеката на ДУРМДОВ „Димитар Влахов“ со нови книги на Брајово писмо. Оваа година дониравме популарни литературни дела, кои ќе го збогатат фондот на библиотеката и ќе им овозможат на учениците да уживаат во културното наследство“, изјави Ѓорѓиевски.

Градоначалникот истакна дека општина Кисела Вода е посветена на инклузијата и еднаквите можности за сите. Во таа насока, во општинската зграда и во првото целосно инклузивно основно училиште во Кисела Вода се поставени тактилни патеки и натписи на Брајово писмо за полесна ориентација на лицата со оштетен вид.

„За нас, сите жители се подеднакво важни. Грижата за лицата со намален вид е дел од нашите постојани напори за намалување на маргинализацијата и создавање подобри услови за сите“, заклучи Ѓорѓиевски.

Скопје

Жени се тепале пред продавница во Скопје

Published

3 hours ago

January 7, 2025

Арлингтон

По целосно документирање на случајот ќе следува соодветен поднесок.

На 06.01.2025 во 12 часот во СВР Скопје, било пријавено дека околу 11:40 часот пред продажен објект на подрачјето на Ѓорче Петров, по претходно меѓусебно нетрпение, бил нарушен јавниот ред и мир со физичка преметка помеѓу Џ.Р.(23) и Д.Н.(39), двете од Скопје.

По целосно документирање на случајот ќе следува соодветен поднесок.

Скопје

Земјотрес во Скопско

Published

1 day ago

January 6, 2025

Арлингтон

Сеизмолошката опсерваторија при Природно-математичкиот факултет во Скопје вечерва во 18,44 часот регистрираше земјотрес чиј епицентар се наоѓа 25 километри северозападно од Скопје, со Рихтерова локална магнитуда ML2.5.

Според досегашните податоци со кои располага опсерваторијата, земјотресот е почувствуван во градот Скопје и северозападните делови на Републиката со интензитет од III степени според Европската макросеизмичка скала, се вели во информацијата на Сеизмолошка опсерваторија при Природно-математичкиот факултет во Скопје.

Синоќа во 23,12 часот земјотрес со јачина од 2,8 степени според Рихтеровата скала беше регистриран на 24 километри северозападно од Скопје.

Скопје

Ѓорѓиевски: Да се дарува значи да се помогне од срце и да се сподели радоста на празникот

Published

1 day ago

January 6, 2025

Арлингтон

Градоначалникот на општина Кисела Вода, Орце Ѓорѓиевски, заедно со премиерот Христијан Мицкоски, го одбележа Бадник со хуманитарна акција, помагајќи многу семејства во општината да имаат достојна Божиќна вечера.

„Дарувањето на еден ваков голем и убав христијански празник ги потенцира човечките доблести – солидарноста, хуманоста и грижливоста. Да се дарува значи искрено и од срце да се помогне онаму каде што е најпотребно,“ изјави Ѓорѓиевски, нагласувајќи ја важноста на заедништвото и помошта за оние на кои им е најпотребна.

Тој истакна дека сите граѓани заслужуваат прекрасен Бадник и Божиќ и дека токму ваквите иницијативи ја одразуваат вистинската смисла на празниците – љубовта, грижата и солидарноста.

„Заедно ќе бидеме кога е потребно, заедно ќе успееме во нашите напори Македонија повторно да биде горда земја, во која сите граѓани се среќни да живеат,“ порача Ѓорѓиевски.

Градоначалникот упати честитки до сите православни верници, посакувајќи им здравје, среќа и радост во нивните домови за Божиќните празници.

„Да сте живи и здрави! За многу години!“ – додаде тој.