Македонија

Николоски: Очекувам да заживее источниот дел на земјата со експресниот пат Страцин – Крива Паланка

Published

3 days ago

January 4, 2025

Нема поубав начин да започне Новата година како овој, со отварање на ваков капитален проект што ќе остане со децении, векови после нас. И затоа честитки за сите, за цела држава, за сите кои ќе го користат овој пат затоа што ќе го забрза протокот и комуникацијата меѓу вас и главниот град, Скопје, со Истокот на Македонија, изјави денеска на свеченото пуштање во употреба на експресниот пат Страцин – Крива Паланка, вицепремиерот и министер за транспорт Александар Николоски.

Тој истакна дека ова ќе претставува витална артерија за поврзување со источниот сосед, како и за развој на индустриски капацитети од левата и од десна страна на патот.

-Ќе претставува витална артерија за поврзување со Бугарија и секако очекувам да се развие економијата на левата и на десната страна од овој скспресен пат, да се развиваат нови индустриски капацитети, да се отвараат нови, фабрики и целосно да го заживееме источниот дел на Македонија, истакна Николоски, кој изрази благодарност за посветеност на сите и на премиерот кои успеаја да го завршат овој проект.

-Кога беше избрана Владата се соочивме со многу проблеми, застанати проекти, проекти кои ниту имаа јасно финансирање, ниту јасен план како ќе бидат завршени, ниту извесност за завршување. Благодарение на посветеноста на Владата, морам да ја потенцирам и личната посветеност на премиерот Христијан Мицкоски, успеавме да го завршиме овој проект, за што сум многу благодарен, рече Николоски во своето обраќање.

Македонија

Тетовскиот универзитет останува без еден од најдобрите професори?

Published

3 hours ago

January 7, 2025

Арлингтон

Тетовскиот универзитет ја започна законската процедура за разрешување на професорот Артан Груби, кој е доцент на Правниот факултет, отсек новинарство, јавува Алсат.

Според деканот на Правниот факултет, Сафет Емрули, отказот на работното место следува по неколкудневното отсуство на професорот без да даде појаснување.

– Од минатата недела не се појавил на работното место, што значи дека не ги исполнил обврските од Законот за работни односи и Законот за високо образование. Случајот го процесуиравме согласно законските одредби и започнавме постапка за соодветни мерки согласно законот. Многу брзо ќе бидете известени за одлуката што ќе ја донесеме како универзитет – изјави Сафет Емрули.

Адвокатот Сахит Зилбехари вели дека според Законот за работни односи ангажманот мора да се прекине доколку има тужба против вработениот.

Според него, прекинот треба да биде привремен до објавување на конечната одлука на судот. Работникот може да замине и на неоправдано отсуство.

Македонија

Пожар во куќа во Скопје

Published

4 hours ago

January 7, 2025

Арлингтон

Излезено било на местото на настанот од полициски службеници од СВР Скопје.

На 06.01.2025 во 20 часот во СВР Скопје било пријавено дека на подрачјето на Гази Баба настанал пожар во куќа, при што била опожарена соба и дел од кровот.

Пожарот бил изгаснат од Бригадата за противпожарна заштита-Скопје. Повредени лица нема.

Излезено било на местото на настанот од полициски службеници од СВР Скопје.

Македонија

АПСЕЊЕ ВО УГОСТИТЕЛСКИ ОБЈЕКТ ВО ТЕТОВО

Published

4 hours ago

January 7, 2025

Арлингтон

Странските државјанки биле задржани во полициска станица за понатамошна постапка.

Девет странски државјанки биле приведени при контрола на угостителски објект на регионалниот пат Тетово – Желино, информираа попладнево од Министерството за внатрешни работи.

– Поради злоупотреба на туристичкиот престој, односно престојување спротивно на целта, биле приведени девет странски државјанки, од 21 до 38-годишна возраст, од Франција, Србија, Украина, Колумбија и од Бразил, се појаснува во соопштението на МВР.

Странските државјанки биле задржани во полициска станица за понатамошна постапка.