Цените на становите во Македонија бележат значителен раст во изминатите години, но и покрај тоа, тие сè уште се пониски во споредба со соседните земји. Оваа разлика ги привлекува странските инвеститори и нашинците кои работат во странство да купуваат недвижности токму тука.

Според Народната банка, цените на становите од 2010 година досега се зголемени за 54%. На годишно ниво, цените во третиот квартал од 2024 година се повисоки за 8% во споредба со истиот период лани. Во Скопје, просечната цена на квадратен метар е 1.680 евра, со најниски цени во Петровец (1.090 евра) и највисоки во Центар (1.898 евра).

Во Охрид, цените се приближуваат до оние во Скопје, достигнувајќи до 2.000 евра за квадратен метар. Во други градови, како Прилеп и Кичево, цените се значително пониски, додека во Велес, новоградбите достигнуваат 1.580 евра за квадратен метар.

Во Србија, просечната цена на становите во Белград е 2.160 евра за староградби и 2.453 евра за нови станови. Во региони како Нови Сад и Ниш, цените варираат од 1.275 до 1.945 евра.

Црна Гора бележи уште поголеми бројки, со станови во Тиват кои достигнуваат 10.000 евра за квадратен метар, додека во Подгорица цените во центарот надминуваат 4.000 евра.

Во Албанија, становите во Тирана почнуваат од 2.000 евра за квадратен метар, а побарувачката за недвижности на албанското крајбрежје пораснала за 20-30% во изминатата година.

Платформата centarkvadrat.mk дава совети за каматните стапки:

Поволни камати се под 3%, што на кредит од 100.000 евра за 30 години би значело месечна рата од околу 395 евра. Камати од 3-5% се умерени, додека над 5% значително го зголемуваат долгот.
И покрај растот на цените, Македонија останува атрактивна локација за инвеститори, благодарение на релативно ниските цени на недвижности во споредба со соседните земји.

Изборот на фирмата е направен со претходна согласност од Бирото за јавни набавки, која ја добивме на 17 декември 2024 година. Итноста се должи на неопходноста за обезбедување на континуирано производство на електрична енергија во термоелектраните во РЕК Битола, согласно планираните количини“, соопштија од ЕСМ.

АД ЕСМ објави дека е потпишан договор со фирмата „Топлина“ за ископ на јаглен и меѓуслојна јаловина во РЕК Битола. Договорот е резултат на итна постапка со преговарање, спроведена во согласност со Законот за јавни набавки, и претставува привремено решение додека трае изборот на изведувач на јавниот повик за истата услуга.

„Изборот на фирмата е направен со претходна согласност од Бирото за јавни набавки, која ја добивме на 17 декември 2024 година. Итноста се должи на неопходноста за обезбедување на континуирано производство на електрична енергија во термоелектраните во РЕК Битола, согласно планираните количини“, соопштија од ЕСМ.

Според информациите од компанијата, во процесот на преговарање биле испратени покани до пет компании кои редовно учествувале на јавни огласи за истиот вид на услуги. Фирмата „Топлина“ понудила најниска цена за извршување на работите, која е за 15% пониска од услугите на претходниот оператор, со кој РЕК Битола ја раскина соработката поради непочитување на договорените обврски.

„Секој актуелен или иден економски оператор кој ќе биде ангажиран во рудниците на РЕК Битола ќе мора да работи строго според постојниот рударски проект. Нашата цел е да обезбедиме транспарентност и доследност во сите наши активности“, додаваат од АД ЕСМ.

Во периодот од 2011 година до 2023 година државното АД за изградба и стопанисување со станбен и деловен простор исплатило вкупно 10,3 милиони евра дивиденди на Владата. Најголемата дивиденда по акција е исплатена во 2015 година и изнесува 330 евра по акција! Поранешен ПУИК односно сегашното АД ИССДП е единствена државна компанија која во контиунитет и без прекин 13 години по ред исплаќа дивиденда на својот акционер односно на македонската Влада

Акционерското друштво за изградба и стопанисување со станбен и деловен простор (АД ИССДП) (поранеше ПУИК н.з.) е единствената компанија во целосна државна сопственост која дели дивиденда без прекин цели 13 години! Ова го потврдуваат и официјалните податоци од ова државно акционерско друштво (поранешно јавно претпријатие н.з.) кои се објавени на веб страницата на Македонската берза за хартии од вредност и се достапни во извештајот што е поставен на овој линк 

Извештајот на АД ИССПД содржи податоци за работењето на ова друштво во периодот од 2011 година до 2023 година.

Кога се гледаат податоците за исплатената дивиденда се стекнува заклучок дека ова е оваа компанија и Македонски Телеком се единствени компании во кои Владата има акции и кои исплаќаат редовно дивиденда. Но фактот што АД ИССПД е целосно државна компанија го прави единствено акционерско друштво во Македонија кое секоја година (13 години по ред н.з.) исплаќа дивиденда на Владата.

А гледано по години дивидендите биле завидни особено во периодот од 2011 до 2017 година. Најголема дивиденда по акција наплатила Владата од добивката во 2015 година и таа изнесувала 20.275 денари за акција. Втора најголема дивидедна донела таа акција во 2017 година и таа тогаш изнесувала 12.195 денари за акција. Третата најголема дивиденда е исплатена во 2014 година и изнесува 9.571 денар за акција. Последна дивиденда што АД ИССПД ја исплатил е за 2023 година и изнесува 300 денари за акција. Таа е трета најниска дивиденда по онаа што била исплатена за 2022 година и изнесува 264 денари за акција и во 2018 година кога приносот бил 291 денар по акција.

АД ИССПД има вкупно 10.070 акции и сите се во сопственост на македонската Влада. За периодот од 2011 година до 2023 година ова државно претпријатие на Владата исплатило вкупна дивинденда во вредност од 10,3 милиони евра.

Ова државно акционерско друштво располага со државен имот кој е со различна функција. Покрај станови и деловен простор ова претпријатие го има во посед и управува со Националната арена „Тоше Проески“ (поранешен Градски стадион во Скопје н.з.) и со три катни гаражи (надземни и подземни н.з.) во центарот на Скопје и тоа: „Разловечко востание“, „Солунски конгрес“ и „Смилевски конгрес“.

Според официјалните податоци за 2023 година АД ИССПД има вкупни приходи од речиси 9 милиони евра. Од тоа приходи од продажба се нешто над 5,3 милиони евра, а другото е од останати приходи (претежно од закуп и издавање н.з.).

Друштвото во 2023 година завршило со добивка од 45.000 евра.

Избор: Faktor.mk