Претседателот на Владата Христијан Мицкоски денеска го повтори ставот во однос на уставните измени во контекст на продолжување на преговорите со Европската унија, потенцирајќи дека се бара достоинствено решение, а тоа се уставни измени со одложено дејство. Прашан да ја коментира изјавата на неговиот коалициски партнер од Вреди, министерот за здравство Арбен Таравари, Мицкоски кажа дека не се спротиставувал на изградбата на Коридорот 8, но дека бил против Преспанскиот договор.

-Можеме да зборуваме за уставни измени, но во исто време можеме да зборуваме и за други работи што ние ги бараме, што се дел од изборната програма на ВМРО-ДПМНЕ позади којашто застанаа повеќе од половина милион граѓани. Јас немам намера ниту милиметар да се поместам од тоа што сум го кажувал, го кажувам сега и ќе го кажувам во иднина. Бараме решение, достоинствено решение. Имаме достоинствено решение на маса, а тоа се уставни измени се одложено дејство, повелете да разговараме, истакна Мицкоски на прес-конференција во Владата.

Мицкоски ги отфрли наводите дека се спротивставувал на изградбата на Коридорот 8, но кажа дека бил против потпишувањето на Преспанскиот договор со Република Грција. Во одговорот на новинарско прашање, според кое министерот Таравари рекол дека премиерот претходно бил против двете работи, а потоа ги прифатил, поради што ќе ги прифати и уставните измени, тој нагласи дека се сомнева оти тоа било кажано во таков контекст.

-Мислам дека не е тоа така кажано како што го цитирате тука. Не сум бил против Коридорот 8, но точно е дека сум бил против Преспанскиот договор. И да, точно е, откако на насилен пат се носеа пратеници да гласаат за уставните измени. И откако сето тоа стана реалност, уште во опозиција, пред 4-5 години, реков не можеме да ја игнорираме реалноста, но никогаш не сум бил против Коридорот 8. Тоа што вие го цитирате, не беше така кажано од господинот Таравари, но повторно ќе кажам, во духот на растурање на пердувите, ние ќе се обидеме да ги фатиме. Категорично демантирам дека така беше кажано, ниту сум бил против Коридорот 8, а сум бил против Преспанскиот договор, истакна Мицкоски.

Грижата за најмладите останува врвен приоритет на Општина Брвеница и Владата на Република Северна Македонија.

Градоначалникот Јовица Илиевски објави дека, по барање на Општината, Министерството за труд и социјална политика ќе започне со реализација на два значајни проекти: изградба на нова детска градинка во село Челопек и проширување на постоечката градинка во село Брвеница.

Со ова, ќе се стави крај на проблемот со недостатокот на простор за упис на деца во градинките.

„Ова е доказ за важноста на соработката меѓу централната и локалната власт. Општината најдобро ги познава потребите на своите жители, а кога тие се адресираат соодветно, резултатите се видливи преку реализација на значајни проекти за граѓаните,“ истакна Илиевски.

Овие инвестиции се уште еден чекор кон подобрување на условите за живот во општина Брвеница, со фокус на најмладите генерации и нивната иднина.

Денеска на брифинг со новинарите во Општина Тетово, одржавме отворена и конструктивна дискусија за прашања од особено значење за граѓаните на Тетово. Дел од опфатените теми беа:

Именувањето на улиците во Тетово, процес кој не само што ја почитува нашата историја и идентитет, туку и заедничките вредности што сакаме да ги наследиме. Овој процес ќе биде транспарентен и сеопфатен, во корелација со заедницата и експертите.

Проблеми на Попова Шапка, каде што се залагаме овој туристички центар да го направиме поатрактивно место за посетители, адресирање на инфраструктурните недостатоци и запоставувањето изминатите години. Не можеме да толерираме ова природно богатство да остане заложник на тесни интереси.

Генерален урбанистички план (ГУБ), каде што нашиот пристап е јасен: одржлив развој, заштита на животната средина и почитување на законот. На Тетово му треба урбана визија која ќе им служи на граѓаните, а не на интересите на одредени групи.

Нашата работа не застанува тука. Преку дијалог, отчетност и соработка, решени сме Тетово да го направиме модел на добро владеење и одржлив развој.

Ви благодариме за Вашето учество и прашањата! Гласот на граѓаните и нашата отчетност остануваат темел на нашата работа.

Објави на facebook Билал Касами градоначалник на општина Тетово