Градоначалникот на Општина Јегуновце, Димитар Костадиновски, ја потврди посветеноста на локалната самоуправа кон унапредување на образовната инфраструктура со целосно реновирање на надворешниот дел на Подрачното основно училиште во село Туденце.

Со средства од општинскиот буџет, успешно беа реновирани сите наставни кабинети, а училиштето доби и целосно нова фасада. Овој проект значително ги подобри условите за учениците и наставниот кадар, овозможувајќи поквалитетна и попријатна средина за едукација и работа.

„Продолжуваме да ги исполнуваме дадените ветувања и да инвестираме во иднината на нашите деца“, изјави Костадиновски.

Овој проект е дел од пошироката стратегија на Општина Јегуновце за подобрување на условите во образовните институции, со цел да се создаде модерна и функционална средина за учениците и наставниот персонал.

Утре, 30 јануари (четврток), во периодот од 09:00 до 14:30 часот, без електрична енергија ќе остане дел од тетовското село Жилче, поточно влезот кај „Мак Тенда“. Прекинот е поради технички зафати во електродистрибутивната мрежа.

На 28.01.2025 година во 11.40 часот во СВР-Тетово М.М.(38) од Тетово пријавил дека на21.01.2025 година влегол да ја провери неговата апликација за крипто валути на негова сметка, и забележал дека му  фалат 30.15841 SOL кои на денот кога биле одземени односно на ден 18.01.2025 година имале вредност од 479.072 денари и истите биле префрлани во сметка од друга платформа, при што настанот бил пријавен и во корисничката поддршка на апликацијата. Се преземаат мерки за расчистување и документирање на случајот.