Полицијата поднесе кривична пријава против Т.Н.(29) и T.A.(29), двајцата од Израел, поради неовластено производство и пуштање во промет на наркотични дроги.

„На 23 август минатата година кај Транспортен центар во Скопје, полициски службеници извршиле преглед над пријавените, при што пронашле и одзеле кокаин, хашиш, бела кристална материја и МДМА таблети“, соопшти МВР во дневниот полициски билтен.

Вчера во СВР Скопје, од Јавната општинска установа – детска градинка 11 Октомври, на подрачјето на Општина Чаир, било пријавено дека во саботата со употреба на сила било влезено во установата и биле одземени предмети.

Од МВР велат дека се преземаат мерки за расчистување на случајот.

На 20.01.2025 во 18.20 часот во СВР Скопје, И.К.(40) од Скопје пријавила дека на 19.01.2025 во 20.00 часот во угостителски објект на подрачјето на општина Аеродром, нејзината малолетна ќерка била физички нападната од друга малолетничка.

По целосно документирање на случајот ќе следува соодветен поднесок, велат од МВР.