Ноќеска во 03:30 часот, на улицата „Егејска“ во Охрид, лишен од слобода бил 42-годишен жител на село Долно Лакочереј.

Тој претходно, на улицата „Железничка“ управувајќи џип со охридски регистарски ознаки, не застанал и избегал од полициската патрола која се обидела да го сопре возилото. Набргу, по преземени мерки, тој бил сопрен на улицата „Егејска“ при што било констатирано дека тој, моторното возило го управувал под дејство на алкохол, информира портпаролот на СВР Охрид Стефан Димоски.

Лицето е исклучено од сообраќај и против него ќе биде поднесена соодветна пријава, додава Димоски.

Метео анализа на Славчо Попоски:

Во текот на новата седмица која што ни следува, поточно од утре (понеделник 3 февруари) па се до крајот на седмицата, нашата територија ќе биде зафатена од значително поладен воздух од североитокот и  од истокот на Европа. Сепак, овој ладен бран бран ќе биде релативно сув без снежни врнежи, што значи дека не очекува сув студ, проследен со повремено засилен северен ветер, особено утре (понеделник), како и во среда.

Сепак, до крајот на денов, во текот на ноќта кон утрешниот ден, како и утре (понеделник) ќе има послаби локални врнежи од дожд, додека на планините со надморска височина од над 1500/1600 метри надморска височина ќе има послаби врнежи од снег.

И во Скопје и околкината од утре (3 февруари) па во текот на седмицата температурите позначително ќе опаднат, а особено утре (понеделник) како и во среда повремено ќе дува засилен ветер од северен правец.До крајот на денов, во текот на ноќта, како и утре (понеделник) ќе има услови за повремен послаб дожд.

Што се однесува до температурите, особено од среда, наутро тие насекаде ќе бидат негативни, односно под нулата и ќе се спуштаат во интервалот од -10 до -1 степени, додека на високите места и планините, како и на Скијачките центри тие би можеле да се спуштат и под -10 степени. Максималните дневни температури на воздухот ќе се искачуваат во интервалот од 2 до 9/10 степени.

Министерството за внатрешни работи и Јавното обвинителство потврдуваат дека во тек се повеќе полициски акции на територија на Македонија, но повеќе детали најавуваат по завршување на акциите.

– Во тек се дејствија на меѓународен заеднички истражен тим, кој на наша територија е координиран од Основното јавно обвинителство за гонење на организиран криминал и корупција. Во тек се повеќе полициски и други дејствија и во овој момент не можат да бидат споделени повеќе детали за да не се наруши постапката. Штом завршат оперативните дејствија, вклучените институции координирано ќе ја информираат јавноста, велат од Јавното обвинителство.

И од Министерството за внатрешни работи за МИА потврдија дека во тек е полициска акција, но повеќе информации најавуваат по завршување на акцијата.

Според дел од медиумите, се работи за акција за откривање и запленување на фалсификувани пари.