Германија и Франција го предупредија aмериканскиот претседател Доналд Трамп да не се заканува на Гренланд, откако тој изјави дека не ја исклучува можноста за употреба на воена сила за преземање на автономната територија на Данска.

Германскиот канцелар Олаф Шолц изјави дека „принципот на неповредливост на границите важи за секоја земја… без разлика дали е мала или моќна“.

„Границите не смеат да се поместуваат со сила. Овој принцип важи за секоја земја, без разлика дали е на исток или на запад. Во разговорите со нашите европски партнери, постои нелагодност во врска со неодамнешните изјави од САД. Јасно е: Мораме да застанеме заедно“, вели германскиот канцелар Олаф Шолц. 

Францускиот министер за надворешни работи Жан-Ноел Баро рече дека „очигледно не станува збор за тоа дека Европската унија им дозволува на другите нации да ги напаѓаат нејзините суверени граници“.

Во вторникот, Трамп ја повтори својата желба да го купи Гренланд, велејќи дека арктичкиот остров е „критичен“ за националната и економската безбедност на САД.

Метео анализа на Славчо Попоски:

Под влијание на голем влажен бран од југ  и од југозапад кој ќе навлезе во Македонија, во склоп со продорот на многу поладен воздух од север, од овој викенд, односно од утрешната ноќ, кон недела, како и во недела, но и во почетокот на следната седмица обилни врнежи од снег ќе има во целата наша Македонија, па така насекаде ќе се формира снежна покривка.

На повеќе места снежната покривка ќе биде значителна, со висина од 10 до 20 сантиметри, локално до, па  и над 30 сантиметри (во градовите), додека на планините, како и на Скијачките центри се очекува нов снег со висина од 50 сантиметри, па дури до околу еден метар. Сето ова ќе биде проследено со повремено засилен ветер од северен правец, кој ќе услови да има појава на снежни наноси.

Со овој голем снежен и ладен бран, снег  и формирање на снежна покривка ќе има  и во Скопската котлина, секако и во околината, и тоа со висина од 10 до 15 сантиметри, а на околните планински места, како и во повисоките предели од котлината таа ќе биде значително поголема, а сето ова  ќе биде проследено со засилен ветер од северен правец.

Што се однесува до температурите, тие значително ќе опаднат и тоа за повеќе од 10 степени во споредба со сегашните, па така на многу места од овој викенд, како и во текот на следната седмица ќе се спуштаат под нулата, локално и длабоко под нулата, особено следната седмица кога температурите ќе се спуштаат до близу -15 степени наутро. Многу студено ќе биде  и преку ден кога температурите на многу места во Македонија ќе се движат до околу, па и под нулата,  само во југоисточните предели температурите ќе се искачуваат за неколку степени над нулата.

НАПОМЕНА: Со оглед на очекуваните обилни снежни врнежи и очекуваната голема снежна покривка, препорачувам возачите да бидат крајно внимателни како управуваат со своите возила, особено доколку патуваат низ планинските превои. Секако со овој ладен и снежен бран ќе има и појава на голомразица во најголем дел од Македонија.

Да напоменам дека се работи за многу голем и изразен снежен и ладен бран, и токму ова во Македонија ќе наликува на снежно невреме.

Општина Карпош соопшти дека Управниот суд пресудил дека поништувањето на позитивното конзерваторско мислење е неправилно и незаконито, затоа што во правниот промет не можат да постојат два правни акта, донесени по исто барање, а со различна содржина и притоа да произведуваат различни правни дејства, па затоа второто, негативното, конзерваторско мислење по службена должност мора да биде повлечено.

Општината Карпош информира дека Управниот суд го поништил второто конзерваторско мислење на Националниот конзерваторски центар, кое беше негативно, а се однесуваше на изградбата на зградата „Рубик“ на улицата Никола Русински, во близина на Воената болница.

Изградбата на оваа зграда предизвика многу реакции кај граѓаните од Карпош, кои не се согласуваа ниту со локацијата ниту со габаритот на зградата, која ќе има 17 ката.

За да се издаде дозволата за градба беше потребно позитивно мислење од Конзерваторскиот центар, затоа што Воената болница, сега ГОБ „8 Септември“ е споменик на архитектонско наследство од времето на брутализмот и е заштитен објект како културно наследство. Општината Карпош на 18 јануари 2024 година им ја издаде градежната дозвола на инвеститорите „ЗСФ Ком“ ДООЕЛ Скопје и „Делта 2015 Констракшн“ ДООЕЛ Скопје. Еден месец подоцна тогашната министерка за култура Бисера Костадиновска-Стојчевска рече дека позитивното мислење потпишано од ексдиректорот на Конзерваторскиот центар Константин Димитровски е спротивно на Законот за заштита на културно наследство и затоа е поништено.

По ова се очекуваше потег од Општина Карпош, евентуално преиспитување на градежната дозвола, но случајот заврши пред Управниот суд.

„Поради повеќемесечни непринципиелни притисоци кои беа упатени до поединци од Секторот за урбанизам при Општина Карпош, локалната самоуправа има должност да ја информира јавноста во врска со одобрението за градење за објектот на улицата Никола Русински. Имено, Управниот суд достави пресуда до Секторот за урбанизам, која се однесува на утврдување на законитоста при издавањето на градежната дозвола за предметната локација и за законитоста на позитивното конзерваторско мислење од 8.11.2023 година. Управниот суд донесе одлука со која поништувањето на решението за позитивно конзерваторско мислење од страна на НУ Козерваторски центар – Скопје е неправилно и незаконито, од причини што во правниот промет не можат да постојат два правни акта, т.е. две конзерваторски мислења донесени по исто барање, но со сосема различна содржина и притоа да произведуваат различни правни дејства. Затоа второто, негативното, конзерваторско мислење по службена должност мора да биде повлечено од правниот промет од страна на НУ Козерваторски центар – Скопје, затоа што ваквото постапување на органите сериозно ја доведува во прашање правната сигурност на сите правни и физички лица“, се вели во денешнотосоопштение на Општината Карпош.

Против оваа одлука на Управниот суд, незадоволната странка во постапката нема право на жалба, додава Општина Карпош.

„Практично, со оваа одлука на Управниот суд се потврдува дека Секторот за урбанизам на Општина Карпош постапил законито при издавањето на дозволата за градба на горенаведената зграда“, соопшти локалната власт.