Од страна на Одделот за внатрешна контрола, криминалистички истраги и професионални стандарди поднесен е предлог за поведување на постапка за утврдување на одговорност за кршење на работната дисциплина против Б.Ј. и Б.А..

Во врска со преминувањето на државната граница на Граничниот премин „Долно Блаце“ од страна на А.Г. иако имал активна мерка на стоп листа „задржи и веднаш извести“, на 15.12.2024 Одделот за внатрешна контрола, криминалистички истраги и професионални стандарди постапи и по извршени проверки, извршен увид во службените материјали и по извршена анализа од обезбедени снимки од безбедносните камери од ПС за ГП „Долно Блаце“, Одделот утврди дека полицискиот службеник Б.Ј. со своето несовесно работење не извршил адекватни проверки за патничко моторно возило „мерцедес“ при премин на државната граница на излез од РМ, не го евидентирал за остварување на излез од РМ и патниците од предметното возило А.П. со дипломатска патна исправа како возач и А.Г. со македонска патна исправа како совозач во возилото ги завел дека пешки ја поминале границата, односно со пропуштање на должниот надзор извршил гранична проверка во системот СКПВ за лицето А.Г. и при тоа не почекал системот да утврди дали предметното лице има активна мерка „задржи и веднаш извести“ туку веднаш на лицата им ги дал патните исправи, по што тие го напуштиле граничниот премин.

Со наведените дејствија, Б.Ј. постапил спротивно на чл. 12 т.1, чл. 13 с.1 т.8 од Законот за гранична контрола, со што сторил потешко кршење на работниот ред и дисциплина. Во врска со настанот, од страна на Одделот за внатрешна контрола до ОЈО за ГОКК – Специјализирано оддление за гонење на кривични дела сторени од страна на полициски службеници и затворска полиција доставено е известување заради запознавање на јавниот обвинител.

Исто така, од страна на ОВККИПС беше утврдено дека од страна на раководителот на смена Б.А. било сторено потешко кршење на работниот ред и дисциплина бидејќи истиот како раководител на смена имал обврска навремено да ги задолжува и раздолжува полициските службеници на смена со Мобилен систем за снимање со камери и тоа уредно да го евидентира во Евиденцијата за задолжување и техничка исправност на МССК. Истиот откако ги задолжил сите полициски службеници со МССК и истото го завел во евиденцијата, во 07:30 часот, од страна на полициски службеници Б.Ј., С.Ф., Б.А., Ф.Ф. и Е.Ш., било пријавено дека МССК не им работат бидејќи им се испразниле батериите.

Од страна на раководителот на смена Б.А. истите полициски службеници не биле задолжени со други МССК, бидејќи батериите не можеле да се наполнат. Од извршениот увид во горенаведената евиденција од страна на ОВККИПС исто така беше утврдено дека од страна на раководителот на смена Б.А. откако МССК биле вратени, истите не биле заведени во графите како раздолжени во самата евиденција, а воедно и не ја пополнил графата за забелешка каде што требало да го нотира настанатиот проблем со МССК.

Од страна на Одделот за внатрешна контрола, криминалистички истраги и професионални стандарди поднесен е предлог за поведување на постапка за утврдување на одговорност за кршење на работната дисциплина против Б.Ј. и Б.А..

Против полицискиот службеник Б.Ј. Одделот изрече задолжителна мерка отстранување од работно место-суспензија до завршување на дисциплинската постапка.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

Сообраќајот на државните патишта вечерва се одвива непречено, во зимски услови, по претежно суви коловози, соопшти АМСМ. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

“Доо Стентон Градба – Битола” известува дека согласно Одобрение за времена измена на режим на сообраќај, на магистрален пат А1 делница Фариш – Прилеп ќе врши санација на ударни дупки почнувајќи од утре, 19.12.2024 г. до завршување на градежните работи.

АМСМ со потсетување дека од 15.11.2024 година во сила е законската обврска за задолжително поседување на зимска опрема во возилата, без оглед на моменталната временска состојба, што ќе трае до 15.03.2025 година.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

По повод Денот на заштитникот на Битола, „Свети Нектариј Битолски“, градоначалникот Тони Коњановски, денес ги додели наградите на учениците кои аплицираа на јавниот повик на општината за наградување на талентирани и наградени ученици. Критериумите во Јавниот повик, беа дефинирани од страна на просветни работници, претставници на училиштата, во соработка со претставници од општинската администрација и јасно ги дефинираа условите кои треба да ги исполнуваат учениците за да бидат наградени од општината. 

Градоначалникот Коњановски на денешниот настан, најави проширување на повикот и негово специфицирање по области, согласно искуството во изминатите 3 години.

„Ми претставува посебна радост, што на овој ден, имам чест да ги наградам најдобрите од најдобрите ученици, млади луѓе кои се иднината на нашата општина и нашата држава.

Пред 3 години, кога дадов предлог одбележувањето на овој ден да биде посветено на мотивација на најмладите, точно мојата визија беше насочена кон спроведување мерки кои ќе ги поттикнат учениците да учат, да се надградуваат, да се натпреваруваат, затоа што Битола е град од кој потекнуваат многу квалитетни музичари, спортисти, лекари, инженери, архитекти…

Досега спроведовме три јавни повици, на кои добивме навистина квалитетни апликации од кои без исклучок, сите го потврдуваат квалитетот и потенцијалот на нашите најмлади сограѓани. 

И секако, задолжената комисија за проверка на документите, секогаш ја има најтешката задача: да ги избере најдобрите од најдобрите, имајќи ги предвид критериумите зададени при изработка на јавниот повик од страна на општината во соработка со просветните работници, кои оваа година беа активно вклучени во цел процес.

Критериумите дефинирани во јавниот повик, беа изготвени врз основа на искуства од учество на натпревари на учениците, пренесени од наставници, ментори и директори на училишта, кои беа значајна поддршка за општинската администрација во подготовката на јавниот повик.

Иако деновиве се слушна и за некоја индивидуална иницијатива и донирање средства за награда на сите ученици кои аплицирале, изразувам благодарност за предлогот, но такви активности не се потребни, затоа што општината има доволно средства за награди, но целта на повикот е да се почитуваат поставените правила и критериуми, а кон оние кои не аплицирале бидејќи не ги исполнуваат условите, да не се покаже неправедност.

Заклучоците кои ги извлековме од досегашните три повици укажуваат дека секогаш е направен најдобриот избор, согласно поставените услови, но и ни покажуваат како можеме да бидеме уште подобри во интерес на најмладите.

Затоа, најавувам дека идната година, наградувањето на талентираните и наградени ученици ќе биде преку посебни јавни повици за три области: уметност, наука и спорт. 

На овој начин, преку посебно специфицирани услови адекватни на областа во која ученикот се натпреварувал, ќе се даде можност за секој ученик кој постигнал високи резултати, да биде награден, зошто секоја област има своја тежина и специфики. 

Ова мора да биде наш влог во нашата иднина – успешните млади луѓе, за кои имаме цел да ги задржиме мотивирани, инспирирани, полни со амбиција и желба за напредок.

Затоа драги ученици,

Ви благодарам на сите кои аплициравте на јавниот повик, ви благодарам на сите кои ја претставувате Битола на меѓународни и натпревари во државата, ви благодарам на сите кои со вашиот труд вложувате во себе, но и во иднината на нашиот град.

Им благодарам и на сите наставници, професори, ментори и директори кои се важна поддршка во животот на секој ученик.

Честитки до сите добитници на наградите! Верувам дека идната година ќе бидете уште поуспешни и секако многу побројни.

Нека ни е е честит Денот на заштитникот на градот Свети Нектариј Битолски!“, рече градоначалникот на општина Битола, Тони Коњановски.

Денешниот настан беше збогатен со програма во изведба на учениците од Државното музичко училиште, општинското основно училиште „Свети Климент Охридски“ и учениците од СОУ Гимназија „Јосип Броз Тито“.