ЕУ и НАТО се обидуваат да ги претворат Македонија и Црна Гора во „инструменти“ на антируската игра, исто како што се обидоа тоа да го сторат со Украина и со голем број други источноевропски земји, изјави рускиот министер за надворешни работи Сергеј Лавров во интервју за руската онлајн телевизија „Наше Кино“.
– Има впечатлива разлика меѓу тоа што Црногорците и Македонците го чувствуваат за Русија и она што го прават нивните политичари под принуда од Брисел, ЕУ, НАТО, оценува Лавров, додавајќи дека бил во Скопје и Охрид видел како „луѓето во Македонија се однесуваат кон нашата заедничка историја и религија“.
Тој нагласува дека земјава го промени името во Македонија за да влезе во ЕУ, но „не беше примена и нема да биде примена во скоро време“.
– Наместо тоа, ги вовлекоа во НАТО и почнаа да ги подгреваат русофобични чувства и агресивната политика кон Руската Федерација. Истото го направија и со Црна Гора: им ветија дека ќе влезат во ЕУ, но им рекоа дека треба да влезат во НАТО, да се приклучат кон санкциите и да заземат став кој е отворено антируски. Тоа е тажно, додава Лавров.
Шефот на руската дипломатија во интервјуто се осврнува и на одлуката на Архиерејскиот собор на Српската Православна Црква (СПЦ) за евхаристичко единство со Македонската Православна Црква – Охридска Архиепископија, оценувајќи ја како позитивна.
Пратеникот во Европскиот парламент од редовите на Зелената партија, Рајнхард Бутикофер, се срами од постојаното предавство кон Македонија од страна на ЕУ.
Тој смета дека претседателката на Европската комисија, Фон Дер Лајен, која завчера беше во Скопје, е само фасада за реалниот однос кон Македонија.
„Многу ми е срам поради континуираното предавство кон Македонија од страна на ЕУ. Зборовите на Фон дер Лајен не можат да бидат доволно слатки за да го премачкаат ова”, порачува Бутикофер на Твитер.
I am so ashamed about the EU’s continuous betrayal of North Macedonia. The words of @vonderleyen can not be sweet enough to sugarcoat this. https://t.co/hTj3eJpBST
Заменик претседателот на Владата задолжен за европски прашања, Бојан Маричиќ, ја поздрави денешната одлуката на мнозинството пратеници, кои го поддржаа францускиот предлог за почеток на преговорите.
,,Мнозинството пратеници ја докажаа својата визија за европска Северна Македонија, давајќи глас за поддршка на францускиот предлог кој значи почеток на преговорите со Европската Унија. Со денешната одлука ја потврдуваме европската иднина на земјата. Нашиот пат кон Брисел беше тежок и пол предизвици, но вложивме многу труд, енергија и искрено верувавме во нашите цели и определби. Знаевме што сакаме: Демократија, напредок, македонски идентитет, Европа и НАТО и тоа го исполнавме. Покажавме многупати досега дека сме зрели како држава и спремни да станеме партнери со европските земји. Продолжуваме на нашиот македонски и европски пат. #македонски во ЕУ”, стои во Фејсбук статусот на вицепремиерот Маричиќ.
Ветувањето на првиот човек на Европската комисија Урсула Фон Дер Лајен дадено во Скопје дека ЕУ го признава македонскиот јазик. Нејзината портпаролка Дана Спинант одговарајќи на прашањето на дописничката на МИА да ги објасни зборовите дадени во македонскиот парламент дали тоа значи признавање на јазикот од страна на ЕУ одби директно да одговори.
– Нема сомнеж дека македонскиот јазик е ваш јазик. Ќе го повторам ова, нема сомнеж дека македонскиот јазик е ваш јазик. Ние целосно го почитуваме тоа, рече Спинант.
Илија Димовски од ВМРО-ДПМНЕ на неговиот профил на социјалните мрежи пишува за плодовите од досегашните месец дена, ова се факти, а вие радувајте се на зборови…
-нарушени меѓуетнички односи;
-поделено општество како никогаш до сега;
-повици за линч и политичко насилство;
-монтирани инциденти за нарушување на слобода на протест;
-нееднаков третман на граѓаните од државните органи;
-нарушување на слободата на мисла и говор со пријави за “говор на омраза”;
-македонски јазик унилатерално запишан во записник на ЕУ како дијалект на бугарскиот јазик;
-историска комисија за редефинирање како обврска на патот кон ЕУ;
-споделени и рецензирани учебници со Бугарија;
-рецензија врз државната поддршка на културата и творештвото во Македонија;
-табли, написи и ознаки на историски личности, настани и места рецензирани од Бугарија;
-уставна нееднаквост и потчинетост на Македонците;
-закани од лидер на владина партија кон Македонците;
-прекршена резолуција на Собранието на Република Македонија.
Европската комисија преку својата портпаролка за проширување порача дека се следи процесот во Македонија за предлог преговарачката рамка на француското претседателство, јави дописничката на МИА од Брисел.
На новинарско прашање на редовниот брифинг за медиуми во Европската Комисија за францускиот предлог и процесот на преговори со Македонија, портпаролката за проширување, Ана Писонеро изјави дека се водат консултации во земјата.
– По испраќањето на ревидираниот француски предлог, видовте дека премиерот Ковачевски најави широк процес на консултации со сите релевантни чинители, овој процес е во тек и се разбира одлуката за овој ревидиран предлог е суверена одлука на Македонија, одблиску ги следиме настаните и дебатите кои се одвиваат, изјави Писонеро.
На прашање за содржината на преговарачката рамка и вклучувањето на билатерални прашања со Бугарија во предлогот, Писонеро ги упати новинарите кон веб сајтот на владата на Северна Македонија каде се објавени документи, но не даде коментар.
Според мене Македонија припаѓа во ЕУ, вашата иднина е со нас и заедно сме на почетокот на пробив, на започнувањето на преговорите. Одлуката за ова е кај Вас, тоа е ваш суверен избор, порача претседателот на Советот на Европа, Шарл Мишел, на заедничка прес-конференција денеска во Скопје со премиерот Димитар Ковачевски.
Оваа можност, според Мишел, е премногу важна за да се пропушти, нагласувајќи дека никогаш не сме биле толку блиску.
– Македонци, имате историска можност да кажете да, на почетокот на преговорите, да на ЕУ, да за нашите деца. Вашата земја има прилика уште еднаш да стане првак во проширувањето, изјави Мишел.
Минатата недела, појасни Мишел, Советот на ЕУ состави ново компромисно решение.
– Лично јас сум уверен дека ова е урамнотежено решение, кое што се упатува на вашите загрижености. Целта е јасна, да се започне со пристапните преговори и конечно да се придвижиме кон градење на нашата заедничка иднина во ЕУ. Ако кажете ДА, првата меѓувладина конференција ќе се организира во следните неколку денови и ќе ја имплементира одлуката од март 2020 година, изјави Мишел.
Следните чекори, посочи Мишел, ќе следат веднаш и ќе започне скрининг процесот и тимови ќе бидат повикани во Брисел.
– Со овој предлог јасно дискутираме и за македонскиот јазик – тој е ваш јазик и предлогот го почитува тоа. Законодавството на ЕУ целото ќе биде преведено на македонски јазик, изјави Мишел.
Свесни сме, рече Мишел, за загриженоста на некои луѓе во врска со вашиот национален идентитет.
– Може да сметате на мојата целосна поддршка како претседател на Советот на Европа дека систематски ќе стојам зад вашите легитимни права, рече Мишел.
Добрососедските односи, нагласи тој, секако се неопходен елемент во процесот на проширување, како што е за сите партнери од Западен Балкан.
– Во однос на почитувањето на малцинствата во Договорот за ЕУ е зацртано и во Северна Македонија гледам одличен напредок за ова прашање. Вие сте пример како мултиетничките држави можат да напредуваат. Ако го промените Уставот, тоа ќе се гледа како посветеност и придржување во овие високи стандарди и автоматски без никакви одлуки, тоа ќе ја отвори првата меѓувладина конференција и автоматски ќе ги започнеме преговорите, изјави Мишел.
Посетата на Скопје, Мишел ја оцени дека е клучен момент за Македонија, но и за ЕУ, потсетувајќи дека 27-те лидери на ЕУ се сретнаа со лидерите од Западен Балкан во Брисел пред две недели, каде имале искрен, отворен, но и тежок разговор.
– Слушавме многу внимателно и како резултат на тоа формално одлучивме да внесеме една нова динамика и продолжиме заедно со Западен Балкан. Сакаме да ни се приклучите и нашата цел е да го забрзаме процесот. Започнувањето на преговорите веднаш ќе донесе предности. Тоа ќе биде и дел од нови иницијативи и програми, но вие одлучувате за вшата иднина и клучните чекори, изјави Мишел.
Премиерот Димитар Ковачевски денеска во Брисел на прес конференција го отфрли францускиот предлог.
-Северна Македонија и Албанија, како и регионот, не смееме да дозволиме да тапкаме во место поради една земја членка на ЕУ, која едноставно не успева да се искординира и да обезбеди деблокирање на нашиот европски пат, истакна претседателот на владата Ковачевски во Брисел.
-Не смееме да дозволиме билатералните прашања да станат мултилатерален проблем, рече Ковачевски и се изјасни за францускиот предлог.
-Предлогот во ваква форма е неприфатлив за мене, за претседателот на државата, за владата, за коалиционите партнери и за граѓаните на Северна Македонија, изјави премиерот Ковачевски во Брисел.
Претседателот на ВМРО-ДПМНЕ Христијан Мицкоски, во синоќешното гостување во емисијата „Заспиј ако можеш” која се емитува на Алфа телевизија говореше за францускиот предлог и рече дека тој предлог не требало да се најде на маса, а се нашол на маса затоа што неколку месеци претходно некој тајно го преговарал.
– Во тие преговори, тој што го преговарал практично се согласил со овој текст и сега наеднаш ние текстот го гледаме на маса, а тој што се согласил се прави дека не е од овде, дека нема очи, нема уши, нема ништо и вели јас ништо не сум добил. Ова е сериозен самит прво на Европската унија, таму треба да добијат кандидатски статус Украина, каде што дневно гинат по стотици и илјадници луѓе, која има илјадници километри граници која што има војна секојдневно, жалам за тоа што се случува, но исто жалам и за овие дома кај нас кои што 22 години чекаат и едно чудо генерации талкаат по Европа чекајќи европска иднина, се разочараа. Таа Украина, заедно со Молдавија кае што исто така имате релативно тензична ситуација, потоа ја имате Грузија и сега тие наеднаш треба да добијат кандидатски статус. Ова е сериозен историски геостратешки самит, ова не е било каков економски самит па сега ќе зборуваме за политиките или слично, имаме политичка тежина на овој самит и на нив им е потребен чекор и на Балканот, да почнат Македонија и Албанија преговори и сега, како ќе почне Македонија преговори ако видат дека во Бугарија не попуштаат бидејќи од таму таква е состојбата, притисокот ќе го направиме таму каде послабо,односно Македонија затоа што имаме министер кој што не го интересира состојбата за моето чувство, за вашето чувство – рече Мицкоски.
Договорот за добрососедство со Бугарија, но и Договорот од Преспа потпишан со Грција, да станат дел од преговарачката рамка за членство на Македонија во Европската Унија, се само дел од ставките во францускиот предлог за кревање на бугарското вето за земјава.
Франција со овој предлог планира да стане гарант за имплементација на условите, а предлогот да биде одобрен од другите земји членки на Европската Унија.
Но, што се содржи овој предлог за чија содржина македонската власт знаела и не успеала да испреговара непонижувачки услови за Македонија.
Ова е дел од содржината на францускиот предлог.
Според тоа билатералниот Договор од Преспа, како и Договорот со Бугарија станува составен дел од преговарачката рамка со ЕУ. Но покај тоа во условите влегуваат и записниците на заедничката историска комисија кои ќе треба да се преточат во опипливи резултати и покрај тоа што знаеме за Бугарија што значат опипливи резултати.
Според бугарските барања и очекувања за резултатите од комисијата се бара прифаќање на т.н. заедничка историја, понатаму прифаќање дека се до 1944 година е дел од бугарската историја, притоа менување на учебниците и спомениците низ земјава.
Понатаму според предлогот на Македонија и се отвара уште едно малцинско прашање, за што ќе треба отворање на Уставот, кое ќе биде нов услов, од кој ќе зависи кога ќе се одржи првата меѓувладина конференција.
Исто така во преговарачката рамка ќе влезе и процесот на Стабилизација и асоцијација кој досега беше засебен, ќе стане составен дел од Преговарачката рамка со ЕУ и преку него ќе се вметнуваат нови барања и услови поврзани со Рамковната Декларација на Бугарија од 2019 година .
Милошоски пишува дека Ковачевски, иако тврди дека не бил во тек со преговорите, овој текст го имал на увид уште пред неколку недели, но со министрите Бујар Османи и Маричиќ не успеале да го заштитат основниот принцип за кој се залагаа многу пријатели членки на ЕУ, и кој и одговара на Македонија, а тоа е билатералните договори да не стануваат дел од рамката за преговори.
