Аргентинскиот напаѓач Лионел Меси вечерва го игра осминафиналниот натпревар на Светското првенство 2022 година против селекцијата на Австралија. Триесет и петгодишниот Аргентинец слави јубелеј – 1.000-ти натпревар во својата професионална кариера.
Меси најголемиот дел од кариерата го помина во Барселона. За шпанскиот клуб одигра 778 натпревари.
За сегашниот негов клуб, ПСЖ одигра 53 натпревари, а уште 168 пати беше на теренот како дел од репрезентацијата на Аргентина.
Лионел Меси има постигнато 788 голови, а во 35-тата минута го даде и водечкиот гол за Аргентина.
Македонската фудбалска репрезентација со 1-0 е поразена од Бугарија во последниот меч од Лигата на нации, клучна беше 14. минута кога останавме со играч помалку поради црвен картон на Тодоровски.
Македонските навивачи направија жешка атмосфера, на Арената „Тодор Проески“ имаше повеќе од 20.000 навивачи, но тие разочарани го напуштија стадионот од она што го видоа. Клучниот момент на натпреварот се случи уште во 14. минута кога Тодор Тодоровски поради опасен старт доби директен црвен картон, Македонија рано во мечот остана со фудбалер помалку.
покрај тоа што игравме со фудбалер помалку, бевме рамноправни, но не можевме да бидеме и подобри од Бугарите. Првата посериозна закана ја имаше нашата репрезентација, Ристовски шутираше силно од далечина, но Наумов го одбрани неговиот удар. По пет минути игра во второто полувреме, брз контра напад на Бугарите кој го реализираше Десподов за водство од 1-0.
На десет минути пред крајот Алиоски имаше уште една шанса, неговиот шут заврши крај голот на Бугарија. Во самиот финиш од мечот се случи и инцидент кој го почнаа Барди и Кирилов, а се вклучија многу фудбалери од двете екипи, но мешаницата беше брзо расчистена.
Последната шанса да избегнеме пораз ја имаше Дориев, но Наумов го одбрани неговиот удар. По овој пораз Македонија падна на третата позиција на табелата, Бугарија пред нас, на второто место го заврши натпреварувањето, прва е Грузија, а последен Гибралтар.
Премиерот Димитар Ковачевски заендно со поранешниот градоначалник на Град Скопје, Петре Шилегов и генералниот секретар на СДСМ, Миле Зечевиќ вечерва се на Националната арена “Тодор Проески” за да ги бодрат македонските фудбалери во дуелот со Бугарија.
Бугарија засега е во водство со 1 спрема нула.
Премиерот вечерва во живо можеше да забележи колку Македонците ги поддржуваат неговите политики во однос на Бугарија, а посведочи и на иссвиркувањето на бугарската химна и навредливите скандирања кон бугарските фудбалери.
Слушнаа и како Македонците во еден глас ја пеат “ЕДНО ИМЕ ИМАМЕ”.
Капитенот на фудблската репрезентација на Македонија, Стефан Ристовски, поради повреда испадна од списокот на Благоја Милевски за последните два натпревари од Лигата на нации.
Искусниот десен бек не играше во Грузија, а нема да настапи ниту на вечерашното затворање на групната фаза против селекцијата на Бугарија. Во пресрет на дуелот на „Тодор Проески“ Ристовски на социјалните мрежи испрати порака до своите колеги од источниот сосед.
„Добредојдовте во Македонија…Сега е наш ред ЕВРОПСКИ ДА ВЕ ПРЕЧЕКАМЕ“, напиша Ристовски.
Познатиот македонски јутубер Стефан Лазаров на многу интересен начин ја запроси својата девојка.
Речиси ниту една девојка не сонува да биде за просена на фудбалски натпревар! Но, Стефан Лазаров не мисли така. Имено тој е голем фан на фудбалскиот клуб Барселона која во моментов игра натревар против Елче на „Камп Ноу“.
Токму на овој стадион јутуберот Стефан Лазаров реши да го заврши ергенскиот живот.
Марта, неговата долгогодишна девојка која е чест гостин во неговите видеа на јутјуб, а мора да признаеме дека кога таа е во неговите видеа, видеата се многу гледани, отколку кога Стефан е сам,( мала шега на сметка на Лазаров).
Селекторот на Бугарија Јасен Петров не го смета како позитивен нерешениот резултат 1:1 против Македонија.
Тој по натпреварот сподели дека целта била победа и истакна и дека овој тим може многу повеќе.
Полошата игра тој ја припиша на брзањето кај некои играчи, како и на недостатокот на минути во нивните клубови.
„Нашата желба беше да победиме. Се сретнавме со многу добар тим. Не можевме да се консолидираме на почетокот на вториот дел. Знам дека можеме повеќе. Нивниот гол падна од наша грешка, смешен гол. Правевме елементарни грешки една по друга. Мора да одиме напред. Имаме играчи кои не играат и не се во најдобра состојба.
Македонија ѝ одржа фудбалска лекција на Бугарија во „балканското дерби“ попладнево во Разград, ама не успеа да го победи преслабиот ривал и само со бод од ремито 1-1 ја отвори оваа сезона во Лигата на нации, како почеток на новиот циклус кон остварување на главната цел на крајот, пласман на Еуро 2024 во Германија.
На крајот завршивме со 15 шута (5 во рамки на голот) наспроти само трите на Бугарија, која од единствениот директен ни даде гол, со стотина повеќе додавања, со поголем посед на топката и со повеќе изведени корнери, зашто Бугарија изведе еден.
Штета. Можеме да жалиме што не победивме, но што е тука е. Во Скопје сигурно ги добиваме со ваква игра.
Следен меч на Македонија е гостувањето во недела кај Гибралтар, додека Бугарија ја пречекува Грузија, исто така во Разград, за три дена
Фудбалската репрезентација на Македонија гостува кај Бугарија во Разград, во натпревар од првото коло на Лигата на нациите. Избраниците на Благоја Милевски ќе се обидат со позитивен резултат да го отворат новото издание на ова натпреварување, а се очекува да добијат и поддршка од фановите.
Од сојузот на Бугарија намерно го одбраа Разград како подалечна опција, бидејќи во Софија како поблиска дестинација имаше шанса за голем број фанови од Македонија. Надлежните дозволија присуство на македонска публика, па се очекува околу 400 до 500 навивачи да се најдат на трибините.
Сепак ова не ги спречи македонските навивачи да го окупираат и овој бугарски град. Ечи Македонската химна среде Разград, на помалку од два часа пред дуелот..
Амир Дестанов, дете од улица кое реши да се бори со суровата судбина која сакаше неговото семејство да биде под дното на сиромаштијата, а тој, браќата, сестрата и мајка му да трпат семејно насилство, освои трето место на натпреварот по математика „Кенгур“.
Амир доаѓа од Дневниот Центар за деца на улица кои на својата ФБ страница се пофалија за неговиот успех.
