Tag Archives: покачување

Македонија

Владата потврди: Од септември за 10 % повисоки плати за административците

Владата и синдикатите по успешните преговори и отворен дијалог дојдоа до заедничко решение кое трајно ќе го реши прашањето за платите на вработените во јавниот сектор, соопштија од Влада, додавајќи дека на вчерашниот работен состанок, двете страни договорија 10 отсто раст на платите од септември 2023, како и исплата на регрес за годишен одмор за 2023 година од 10.000 денари, кој ќе биде исплатен до крај на годината.

Како што информира владината прес-служба, постигнат е и договор за системско покачување на платите во јавниот сектор, преку методологија која ќе го реши овој децениски проблем.

Новата методологија за пресметка на плати во јавниот сектор, која ќе биде дел од општиот колективен договор, ќе се добива од просечната плата помножена со коефициент и ќе се пресметува од март 2025 година.

Со ова, по 17 години ќе се донесе нов Општ колективен договор со кој се внесува системско решение за платите во јавниот сектор, кое ќе гарантира раст на платите без политички калкулации. Во општиот колективен договор, според вчерашниот договор, ќе биде дефинирана и исплата на минимум износ на регрес за годишен одмор во износ од 30 отсто од просечната нето плата, стои во соопштението.

Постигнатиот договор меѓу Владата и синдикатите, како што се наведува, е резултат на посветеноста на Владата за примена на политики коишто се во интерес на правата на работниците и заштита на стандардот на граѓаните, со што се влијае и врз растот на домашната економија.

Утврденото решение ќе биде доставено до Економско-социјалниот совет, каде во текот на наредните денови се очекува да биде усвоено. Владата на Република Cеверна Македонија и понатаму ќе продолжи да работи во насока на обезбедување на подобри услови за работници, подобар животен стандард, како и овозможување на просперитетна и европска иднина за државата, се вели во соопштението од Владата.

Македонија

За функционерите 78% покачување, а ние се молиме за 3 илјади денари: Лекарите стапуваат во „бел штрајк“

За функционерите 78 проценти покачување, а ние се молиме за три илјади денари.

Ваква е реакцијата на лекарите, кои се револтирани бидејќи не го добиле ветеното покачување најавија порадикални мерки и генерален штрајк.

Глувоста на властите не тера да стапиме во „бел штрајк“, велат лекарите.

Министерот за здравство тврди дека ова се шпекулации и дека за неколку дена ќе се исплати договорената сума.

Двата синдиката за задравство на 30 март се договорија со претставниците на министерството за зголемување на платите. Медицинските сестри требаше да добијат по 3000 денари зголемување, а останатите вработени во здравство по 2.000 денари.

Македонија

ПЛАТАТА ЛЕГНА – Пендаровски 165 илјади, Ковачевски 156 илјади, Џафери 166 илјади денари !!!

Државните функционери во првите денови од мај ќе земаат повисоки плати и до 70 илјади денари.

Платите за месец април на претседателот на Уставниот суд и на потпретседателите на Собранието ќе се зголемат за плус 60 илјади денари, а на министрите и пратениците за околу 56 илјади денари.

Функционерите се наградени со повисоки плати за 78% или за околу 1.000 евра. Сето ова доаѓа по одлуката на Уставниот суд кој на 21 март го укина замрзнувањето на член од Законот за плати каде што коефициентот се пресметува во зависност од позицијата, но за основна плата се зема онаа од минатата година на истите државни функции. Самиот претседател Пендаровски ја објави пресметката на неговата плата. Досега земал 92 илјади, а од утре-задутре на сметка ќе му легнуваат по 165 илјади, односно од 1.500 евра на над 2.500 евра.

Според пресметката направена од „Радио Слободна Европа“, а ја пренесува „Алсат“, со коефициент 4,5 помножен со минатогодишната бруто-плата која изнесуваше 47 илјади денари, претседателот Пендаровски, претседателот на Собранието Талат Џафери и премиерот Димитар Ковачевски ќе добијат зголемување на платата од 50 евра повеќе за секој работен ден. Премиерот Ковачевски ќе зема плата од 156.482 денари, а претседателот на Собранието Џафери, највисока од сите, 166.207 денари.

Министерот за внатрешни работи, Оливер Спасовски, ќе има плата од 153.037 денари, речиси иста како и на премиерот, со што ќе се додадат дополнителни 20 отсто за извршување на функцијата. Секоја наредна функција има нешто помал коефициент, но новите плати ќе изнесуваат над 2.000 до 2.500 евра. Вицепремиерите Грковска, Битиќи, Груби, Маричиќ и министерката за одбрана Петровска во џебовите ќе си ставаат по 35-40 евра повеќе за секој работен ден.

Македонија

78 % НЕ НЕ’ РЕЦКА НИ 2 %

Авторот на колумната за Маркукуле е професор по предучилишно образование и воспитување – вработена во 00У,,Блаже Конески,, Прилеп

Во Франција ескалираат демонстрациите против пензиската реформа која беше усвоена минатата недела. Притоа францускиот пензиски систем, во меѓународна споредба, е прилично великодушен.

Застрашувачки приказ на антивладини протести во Израел на жени во темноцрвена облека и бели капи, наведнати глави и споени раце. Тие се облечени како ликови од дистопискиот роман на Маргарет Атвуд „Приказната на слугинката“ и истоимената ТВ серија.

Штрајк на синдикатите во Грција. Катастрофалната железничка несреќа ги извади жители на Атина, Солун и на останатите градови на улица, гневни и незадоволни од државата бидејќи дозволила да се случи големата трагедија во која досега животот го загубија 57 лица.

Околу половина милион луѓе ќе учествуваат во протестот со барање за зголемување на платите во Белика Британија, најголеми демонстрации од 2011 година. Учителите, државните службеници, граничарите и машиновозачите ќе излезат на улиците на британските градови. Владата ја предупреди јавноста дека ќе има значителни нарушувања во сообраќајот.

Ова се актуелни протести во изминатиов период во различни земји! Само во нашево кутро земјиче, нема протести. Се’ е вo ред во Р.Македонија!
Во ред е кога те крадат, колку можат и како можат! Во ред се сите клевети, неоправдани, кутар работник што пристојно не може ни до тоалет да појде. Во ред е кога обичниот човек, мизерува да преживее од плата до плата или пензија! Во ред е кога обичниот смртник, нема пари да си ги земе лекарствата! И тоа е во ред!

Во ред е кога тендерите се поважни, од она што не може и не смее да чека! Во ред е кога се пренаменуваат финасиските средства во било која институција (од шупливо во празно)! Во ред е кога ,,она е наше дете,,! Очите опулени! Во ред е кога на полициските униформи фалат да се прикачат сите јазици на кои се зборува во цел свет! Во ред е кога се испуштаат вработени од фирмите, а нив нема кој да ги заштити!

Во ред е кога те прислушкуваат операторите под наредба на туѓа држава, не само нивното ,,величество,, политичарите, туку и нас обичните смртници! И тоа е во ред! Во ред е кога истополовите бракови треба да станат репер за среќно семејство, уништувајќи го традиционалното вековно македонско семејство!

Во ред е млади ,,жолтоклунци,, да ги предводат фирмите! Во ред е да не се плаќа радиодифузна такса! Во ред е Арачиново да не плаќа електрична енергија! Во ред е кога умираат деца по болниците! Во ред е кога арамија те краде дома, а ти не смееш да дејствуваш! Во ред е кога дрогата станува највносниот бизнис во Македонија! Во ред е што лагата во Македонија е поголема од вистината!

Р.Македонија беспрекорно функционира ! Пофалбата на глупоста ја премина и сатирата и иронијата. Но тие 78 % НЕ НЕ’ РЕЦКА НИ 2 %!!!

Наздравје македонче, ти врзувај крај со крај, а тие што сме ги избрале и се во (ПАРТАЛментот) ќе ти го искубат и последното пердувче и не им е гајле ни 2 %!

Павлина Звездоска МАРКУКУЛЕ

Македонија

Само функционери ќе останат во земјава – 78% ПОКАЧУВАЊЕ НА СИТЕ ФУНКЦИОНЕРСКИ ПЛАТИ !

Досега платата на функционерите се одредуваше со коефициенти според основицата од 26.700 денари, а сега таа ќе биде според просечната плата од 2022, која изнесува 32.000.

Укинувањето на фиксната основица, според која се пресметуваат платите на избраните и именуваните лица и наместо тоа, користењето на просечната плата како репер, ќе им овозможи на пратениците, градоначалниците, судиите… да земат поголема плата отколку до сега. За оваа можност цела недела на големо се зборува во редовите на избраните и именуваните функционери, а потврда дека ќе имаат повисоки плати денеска дојде и од градоначалникот на Аерoдром, Тимчо Муцунски, кој на Твитер објави дека разликата во платата ќе ја донирал.

За што станува збор?

Според Одлуката на Уставен суд (113/2022 од 21 март годинава) се укинаа член 4 од Законот за изменување и дополнување на Законот за плата и други надоместоци на избрани и именувани лица во Република Македонија („Службен весник на Република Македонија“ бр.97/2010) и член 1 од Законот за изменување на Законот за плата и други надоместоци на избрани и именувани лица во Република Македонија („Службен весник на Република Македонија“ бр.139/2014) со кои всушност во изминатите години се одредувал одреден фиксен износ кој служел како основа за определување на платите на функционерите. Сега, останува во сила член 11 од истиот закон според кој, како основица се зема просечната плата исплатена во минатата година според Државниот завод за статистика, а којашто е значително повисока од фиксниот износ.

Од каде ќе се најдат пари за зголемените плати и како тоа ќе се одраз врз Буџетот, каде што овие ставки се веќе определени.

Од Уставен суд за „Независен“ велат дека во овој предмет, судот не било поставено прашање за висината на платите, ниту за одредување на пресметки и проценти, туку дека се барала оцена на уставноста на конкретни одредби: член 4 од измените и дополнувањата на Законот за плата и други надоместоци на избрани и именувани лица во Република Македонија донесени во 2010 година и член 1 од измените на истиот закон донесени во 2014 година.

„Уставниот суд не е орган кој одлучува за зголемување или намалување на плата, или одредување проценти и пресметки туку единствено оценува уставност на оспорени одредби, па согласно ова погрешно е и неосновано тврдењето дека со своја одлука Судот зголемил или намалил плати на именуваните и избраните лица, за што е надлежно Собранието преку донесување закон, каков што е законот во кој беа содржани укинатите одредби“, велат од Уставен суд.

Од таму посочуваат дека предметот бил формиран по претходна иницијатива на адвокатот Бојан Стоевски, поднесена на 21 ноември 2022 година.

„Судот утврди дека истовремено во еден ист закон постоеја две норми, односно две правни правила за утврдување на основицата на платата при што едното е уредено со член 11 од Законот, според кое основицата се определува со просечната плата остварена во претходната година утврдена од страна на Државниот завод за статистика, а второто правило беше укинатата одредба од член 4 во кој основицата изнесува 26.755 денари, што е, всушност, основица која се применуваше до моментот на објавување на одлуката во ‘Службен весник’“, велат од Уставен суд.

Од таму исто така посочуваат дека Судот оцени дека определувањето на начинот со кој се пресметува висината на платата на избраните и именуваните лица претставува законска материја и во таа смисла законодавецот, односно Собранието определува дали основицата ќе се пресметува врз основа на остварената просечна плата, или пак во самиот закон ќе ја утврди висината на основицата во фиксен износ.

„Но, независно за кој пристап се работи, законските норми кои се однесуваат на ова прашање мора да бидат јасни, недвосмислени и предвидливи и да не оставаат простор за различно толкување што би можело да доведе до нејаснотии и различна примена во исти ситуации. Впрочем, барањето за јасност и прецизност е едно од основите елементи на принципот на владеењето на правото како темелна вредност на уставниот поредок од член 8 став 1 алинеја 3 од Уставот“, велат од Уставен суд.

Се нагласува дека при донесување на одлуката се воделе и од образложението кое го дале државните ревизори во Извештајот на ДЗР, кое е цитирано и во образложението на Одлука на Уставен суд. Во неа меѓу другото се вели:

„Неоспорувајќи ја состојбата во која се издава ревизорскиот извештај, во насока на законско доделување на платите на избраните и именуваните лица, истакнуваме дека основицата согласно член 11 од законот е просечната исплатена месечна плата по вработен во Републиката за претходната година, која за 2021 година изнесува 29.943 денари, при што укажуваме на потребата од доследна примена на член 11 од наведениот закон и усогласување на основицата за пресметување на платите со податоците за исплатена месечна плата на Државниот завод за статистика, по претходно донесување на измени на наведениот закон“.

Инаку, денеска на прашањето за одлуката на Уставен суд за зголемување на платите на функционерите вицепремиерот Фатмир Битиќи одговори дека не може да не се почитува одлука на Уставен суд.

„Владеењето на правото е неприкосновено. Ако има друга одлука со која што треба таму да се интервенира јас сум еден од првите што ќе ја поддржи“, одговори Битиќи.

Градоначалникот на Општина Аеродром Тимчо Муцунски, на својот профил на Твитер објави дека според последната одлука на Уставниот суд, сите носители на јавни функции ќе добијат зголемување на платите, како и дека тој разликата тој ќе ја донира во хуманитарни цели, на семејствата со ниски месечни примања и за семејствата на уставобранителите.

За одлуката на Уставен суд вчера зборуваше и Трпе Деаноски од Синдикатот на УПОЗ, кој во гостување во „Анализа“ на ТВ24 рече дека според пресметките на Синдикатот, платата на функционерите ќе се зголеми над 1.500 евра, а министрите ќе имаат плата од 1.800 евра.

„Од една страна замрзнуваат цени, а од друга страна Уставен суд носи одлука со која што само на функционерите им се поврзува платата со просечната плата и само функционерите добиваат огромно зголемување на плати. Процентуално изразено е 78 отсто зголемување на нивните плати. Тоа во државата никогаш не го имало“, изјави рече Деаноски.

Инаку, во образложението на Уставен суд детално се објаснува како се движела основицата по години и како се зголемувала и намалувала со одлука на Собранието. Последниот пат кога е зголемена е останата на 26.755 денари нето и според неа се пресметуваа платите со коефициенти. Просечната плата за минатата година е речиси 32 илјади денари (што е разлика од 5.300 денари) па на ваква основица ќе се применат и соодветните коефициенти. Што значи дека оној функционер што имал коефициент на плата од 3, примањата ќе му се зголемат на околу 94 илјади денари, а претходно примал 80.000 денари. 

Според член 10 став 1 платата се утврдува на начин што основицата се множи со утврдениот коефициент и се зголемува за процентот на работното искуство, а коефициентите, согласно член 12, изнесуваат 2,2 до 4,5.

Извор: Независен

Македонија

Муцунски ќе го донира покачувањето на платата во хумани цели и на семејствата на уставобранителите

Фејсбук статус на Тимчо Муцунски, градоначалник на Општина Аеродром:

Зголемувањето на платата, согласно одлуката на Уставниот суд во целост ќе го донирам за хуманитарни цели, семејства со ниски месечни примања и семејствата на уставобранителите.

Уставниот суд донесе одлука со која се предвидува зголемување на платите за носители на јавни функции. Јас морам да ја почитувам таа одлука бидејќи е донесена од страна највисокиот орган кој ја штити уставноста во Македонија. Но, можам разликата да ја донирам и тоа со задоволство ќе го направам.

Јас сум растен и воспитуван во духот на позитивните вредности. Сметам дека меѓусебната поддршка и помош се важни. Среќата не зависи од тоа колку имаме, туку од тоа колку можеме да помогнеме и да направиме за другите.

Имајќи ја предвид тешката економска и финансиска состојба во која живееме, почнувајќи од следниот месец разликата во платата ќе ја донирам за хуманитарни цели. Ова е само мал гест од моја страна кој се надевам дека ќе помогне на голем број семејства што секојдневно се борат со различни предизвици и се справуваат со економски, финансиски и здравствени проблеми.

Воедно, ги повикувам и останатите мои колеги од сите политички партии, доколку се во можност да го следат овој пример.

Македонија

,,Законите за повисоки плати на судиите ќе поминат на Куково лето”

УСТАВЕН суд се прогласува ненадлежен за одлуки на Собранието.
УПРАВЕН суд се прогласува ненедлежен за одлуки на Собранието.
ОСНОВЕН суд се прогласува ненадлежен за одлуки на Собранието.
_____________________
ЛЕВИЦА прогласува дека законите за повисоки плати на судиите ќе поминат на Куково лето.

Фејсбук статус на претседателот на Левица, Димитар Апасиев.

И Пратеничката група на ВМРО-ДПМНЕ и коалицијата поднесе 2 100 амандмани за стопирање на 4-те закони со кои се предвидува зголемување на платите на судиите, на јавните обвинители, на членовите на Судскиот совет и Советот на јавните обвинители.

Uncategorized

Вработените во МФ излегоа на протест: СИ ГО БАРАМЕ ПОКАЧУВАЊЕТО ОД 30% !

Протест на вработените во Министерството за финансии.

Вработените во Минситереството протестираат бидејќи не го добиле ветеното покачување на платата од 30 отсто, како што беше предвидено.

-На крај на денот, Министерство за финансии е столбот на една држава. Тие се одговорни да креираат политики, но тие се и чувари на средствата на државата и мора соодветно да мотивираме луѓе да останат во Министерство за финансии. Затоа, искрено, јас имам различно гледање на тоа што е многу и што е малку. Ако ме прашате дали 30 отсто за луѓето во Министерство за финансии или луѓето во мојот кабинет кои оперираа со портфолио кое веројатно ниедна друга институција го нема, ќе речам дека тоа е малку затоа што тие заслужуваат повеќе, рече вицепремиерот Битиќи минатата година.

Буџетот за 2023 година предвидува зголемување на платите во Министерството за финансии за 30 отсто, во Министерство за образование за 29 отсто, во Министерство за одбрана близу 15 отсто, заедно 5 отсто предвиден раст на платите во целито јавен сектор.

Македонија

Oд 1 јануари МОРА ДА ИМА ПОКАЧУВАЊЕ НА ЦЕНАТА НА СТРУЈАТА, но ударот да биде поблаг, смета Битиќи

Зголемувањето на ДДВ за струјата од 5 на 10 отсто в година ќе значи и ново поскапување на струјата за граѓаните. Вицепремиерот Фатмир Битиќи вели дека покачување мора да има, но внимаваат ударот за граѓаните да не биде голем.

Свесни сме дека енергетската криза е овде, дека одредено покачување мора да има, но колку што е можно ударот кај граѓаните да биде поблаг, сметам дека тоа е императив за Владата“, вели вицепремиерот Битиќи.

Тој објасни дека зголемувањето на данокот за струјата е само една од ставките што влијаат на цената на струјата што ја плаќаат граѓаните и дека во моментот се прават пресметките, но конечна цена сè уште нема.

„Ние сè уште ги правиме пресметките што значат инпутите за в година и затоа беа преземени мерките, веќе една и пол година за инпутот во дефинирање на цената в година да не биде на удар врз самите граѓани. Ние нудевме цена на електричната енергија од страна на ЕСМ кон ЕВН со многу пониска цена, субвенционирана од страна на Владата. Тоа може да биде една од работите за да се амортизира евентуалното зголемување, но далеку сме сè уште, треба да ги согледаме сите параметри, а секако Регулаторната да одреди кое и какво ќе биде влијанието“, рече Битиќи

Македонија

Армијата ќе добие повисоки плати за 2.000 денари

Собранието ги усвои измените на Законот за служба во Армијата, откако ова законско решение цела година беше блокирано од страна на опозицијата.
Овие измени и дополнувања обезбедуваат сериозни придобивки за припадниците на Армијата.
Следува зголемување на платите на активниот воен и цивилен персонал за над 2.000 денари.
Професионалните војници стекнуваат право на исплата на станарина од моментот на склучување на првиот договор за вработување во Армијата.
За активниот воен и цивилен персонал се предвидува исплата на боледување во висина од 100 % од основната плата и додатоци на плата, а се воведуваат поволни услови за стипендирање на млади и перспективни кадри од критични специјалности за Армијата.
Придобивки има и во делот на пензионирање на војниците.
Од сега, војниците ќе се стекнуваат со право на пензија со навршени 40 години работен стаж, односно 38 години за жени, без оглед на возраста.
Има и нова пресметка за активен воен и цивилен персонал кој правото на пензија го стекнал од денот на формирање на Армијата, во висина од 80% од најповолните 10 години од пензискиот стаж.
Со измените се создава можност за исплата на отпремнина за професионалните војници со навршени 45 години возраст во износ од две просечни плати, но не помалку од 1000 евра за секоја година помината во службата.
Овие законските измени се усвоени а придобивките од нив ќе ги почувствуваат над 6.700 припадници на Армијата кој секојдневно се на браникот на државата.