Tag Archives: Шилегов

Македонија

(Видео) 90000 денари за скапи пијалоци: Што пиел Петре Шилегов на забавите организирани од парите на скопјани?

Од ВМРО-ДПМНЕ и денеска објавија податоци за трошоци кои Шилегов ги правел во време на неговиот мандат, а се однесува пред се на средства потрошени во кафани и на скапи пијалоци.

Ова е текстот од прес конференцијата:

Во предновогодишна забава Јанчева и Шилегов потрошиле 91.560 денари, фактура потпишана од Јанчева, а платена од Град Скопје, од парите на скопјани.
Дополнително, одговорната администрација во Град Скопје при секторот за Финансии за оваа фактура се обидела да се спротивстави и да укаже дека е спротивно на Закон да се доставува фактура за извршени услуги за кои нема склучен договор во 2019 година. Односно, во повеќе наврати на надлежните сектори им било посочено дека доставата на фактура со дата и архивски број, а без склучен договор од претходната година е спротивно на Законот за внатрешна финансиска контрола. За таа намена, Секторот за финансиски прашања доставил службена белешка за ова до Шилегов и секретарот на Град Скопје Викторија Аврамовска Мандиќ.
Ова е брутално кршење на законите од страна на функционерите на СДСМ кои спротивно на укажувањата на стручните лица, сепак одлучиле да потпишуваат сметки за реализирани средства за репрезентација.

Од документот со потписот на Јанчева oд кој се гледа дека на два дена пред Нова Година таа и Шилегов потрошиле 91.560 денари. Шилегов и Јанчева за еден ден во кафана потрошиле 6 минимални плати. За еден ден, за неколку часа во кафана тие потрошиле пари со кои можеле 6 семејства да го поминат месецот.

Од фискалната сметка се гледа што нарачувале Јанчева и Шилегов. Додека половина милион луѓе живеат во исклучително тешки услови, Љубица Јанчева и Шилегов пиеле ексклузивно виски Џони Вокер барикирано 12 години, виски Џејмисон и Џeк Дениелс, но и Чивас Ригал.

Ова специјално друштво имало и специјална нарачка од кујна во висина од 60.000 денари, без спецификација што содржела таа нарачка. Посебна сметка имало и за Петре Шилегов, кој нарачувал бифтек на путер од 2.400 денари една порција.

Внимавајте само за една порција Шилегов потрошил 1/5 од минималната плата на голем број работници низ државата. Тоа се пари со кои голем број на граѓани треба да живеат неколку дена, а Шилегов од градскиот буџет ги троши за едно јадење.
Почитувани,
Ова се причините за нервозата во СДСМ, кај Љубица Јанчева, Петре Шилегов, и другите поранешни градоначалници и локални функционери кои не можат повеќе да ги злоупотребуваат привилегиите на нивната функција.
СДСМ продолжува со манипулирање на јавноста затоа што им е нарушен комодитетот и луксузот.”

Скопје

Арсовска ГО РАСКИНА договорот на Шилегов за УКРАСУВАЊЕ на Скопје

Новата градоначалничка на Скопје Данела Арсовска го раскина договорот за новогодишно украсување на Скопје.

Причина за раскинување на договорот, како што дознава САКАМДАКАЖАМ.МК, е можната енергетска криза и можните рестрикции во снабдувањето со електрична енергија.

Договорот за новогодишно украсување беше склучен од претходниот градоначалник Петре Шилегов со фирмата „Линк медиа лус“ и чини 240.000 евра.

Скопје

Шилегов жално: Не влегов во политиката за да зapaботам пapи, се’ што стекнал во животот е од плата (Видео)

Во синоќешното гостување во емисијата “Само интервју” на “Канал 5” телевизија, се уште актуелниот градоначалник на Скопје, Петре Шилегов, истакна дека во политиката не влегол за да заработи пари и дека се’ што стекнал досега е од приходи.

Шилегов смета дека не се сите граѓани исти во земјава, како и дека тој бил предмет на црна камппања во однос на неговиот имот кој го поседува.

-Не сме сите исти. Разбрана е пораката од страна на СДСМ, луѓето се поважни од политиката, да продолжиме Скопје да го движиме напред кон модерна Европска престолнина – истакна меѓудругото Шилегов.

Скопје

Камиказа: Не гласајте за „крадоначалникот“ Шилегов

Кандидатот за градоначалник на Левица Петар Георгиевски-Камиказа во интервју за Република изјави дека очекувал да добие околу 60.000 гласови на локалните избори и дека излезноста ќе биде над 65 посто.

Сепак тој е горд дека од овие избори излегол горд без ниту едена дамка и со чист образ.

Тој објаснува дека било трик и спин изјавата дека ќе гласа за Шилегов и дека на тој начин успеал повеќе да го има во медиумите.

За досегашниот градоначалник на Скопје се уште тврди дека е „крадоначалник“ и оти ќе заврши таму каде што му е местото.

Камиказа за Шилегов вели дека ментално и психички е многу далеку од квалитетите на Бени Шакири и на Тортевски кои се негови големи пријатели.

Георгиевски вели дека не може да неговите гласачи да им каже за кого да го дадат гласот ,но оти е јасно против кого била усмерена изборната кампања изминатите денови и оти од тоа може граѓаните да извлечат заклучок.

-Јас само знам за кого не би гласал а тоа е за Шилегов. Но, не можете на овие 21.000 освестени луѓе да им кажете за да гласаат. Ја навредувате нивната интелегенција. Но,еве им порачувам: Да не гласате за Шилегов-порачува Камиказа.

Скопје

Шилегов: Ќе победам во ПРВ круг, ама Бени ќе ме поддржи во ВТОР круг !?

Петре Шилегов, градоначалникот на Скопје пред неколлку дена во изјава рече дека сигурно ќе победи во првиот круг на локалните избори на 17-ти октомври, додека пак денеска на прес конференција истакна пак дека Бени Шаќири кандидатот на ДОМ и ЛДП за Скопје, рече дека биле другари и дека ќе го поддржел во вториот круг.

– Јас кажав на почетокот на кандидирање, се додека ставовите на луѓето кои се кандидираат се однесуваат лично на мене, нема да ги коментирам. Секогаш сум спремен да дебатирам со кого и да е, за визијата за Скопје и за развојот на нашиот град. Секој има право да се надева на успех во изборниот циклус. Тоа право му го давам и на господинот Георгиевски. Впричем, јас сум убеден во победата уште во првиот круг. Ќе кажат граѓаните на 17 октомри. Мислам дека е во заблуда – рече градоначалникот на Скопје Петре Шилегов на настанот за почеток на изградба на клучка на булеварот „Словенија“ и Качанички пат.

Коментирајќи ја кандидатурата на Бени Шаќири за градоначаник на Скопје од страна на партиите ДОМ и ЛДП, Шилегов денеска изрази убедување дека во вториот круг Шаќири него ќе го поддржи.

– Јас и Бени сме другари, пријатели. Јас ја почитувам сечија амбиција да направи исчекор во политиката во нашата држава. Јас убеден доколку има втор круг, Бени Шаќири ќе ме поддржи мене, рече тој.

Изгледа Шилегов има нови анкети, чим од сигурна побда во првиот круг пред само неколку дена, денеска вели дека ќе се оди на втор круг со поддршка од Шаќири.

Инфо +

Град Скопје и Шилегов ќе платат 50 илјади евра за 45 жардињери

На Бирото за јавни набавки објавен е тендер за набавка на 45 жардињери, за кои Град Скопје и Градоначалникот Шилегов планираат да платат, верувале или не, 3 милиони денари односно 50 илјади евра.

Согласно објавената проектна документација на тендерот, Град Скопје планира да набави 3 типа на жардињери, а од секој тип би биле набавени вкупно по 15 жардињери.

Рекла Казала

Шилегов сам се пеглал

„Па јас со години сам пазарам и немам проблем со тоа. Искрено и секое утро сам си ги пеглам кошулите, и тоа од мајка ми ми е останато. За готвење ме бива само во делот на месото, ама знам и тоа добро да го направам“, вели градоначалникот на Скопје Петре Шилегов денеска на Репортер мк.

Рекла Казала

Ќе ме избркаа од училиште бидејќи имав панкерска фризура, а денес ме нарекуваат „пијандура“

За скопскиот градоначалник Петре Шилегов не е тајна дека има бунтовен карактер. Вака „Репортер“ ја започнува објавата за неговото интервју.

Шилегов откри детали за својата младост и за приватноста, но зборуваше и за тоа како се чувствува што го нарекуваат “пијандура“.

Ретко кој знае дека на времето ќе го бркале од средното економско училиште „Борис Кидрич” оти имал долга коса.

-Ќе ме исклучуваа тогаш, наставници, па директорот… сите. Па долгава коса ја скратив да биде панкерска. Сите со плава кецела на школо, ја со работнички мантил. Ама ете, тоа е  таа бунтовност што ја имам од дете и ме следи цел живот, раскажува скопскиот градоначалник, кој зад себе има адвокатска кариера.

Шилегов вели дека успева да ги одвои приватниот живот и јавниот. Но, дека и не секогаш е пријатно кога ќе прочита за себе сешто.

-Ние политичарите претерано сме во фокус. Јас сешто дознав за себе. Така и ја почнаа црната кампања против мене. Пијан сум држел говори. И од тогаш ме следи тоа, овој е пијандура. Е добро де, океј. Очајни луѓе коментираат и тоа не ме допира, ама не е добро кога те судат луѓе кои не те знаат. После, зборат, арогантен сум бил. Кога збориш за некој нешто треба да го познаваш. Ама, ете, јас можам да се носам со тоа, раскажува скопскиот градоначалник.

Ако некој сака да го погледне целото интервју со скопскиот градоначалник, тоа може да го направи на Репортер, на линкот во продолжение:

Инфо +

Видео: Во Скопје ќе се гради тобоган од 280 метри

Градоначалникот на Скопје Петре Шилегов, во интервју за „Репортер“ откри дека новиот забавен парк што ќе почне да се гради наскоро, ќе има модерен, светски изглед, а во паркот ќе доминира тобоган висок 280 метри. Шилегов во разговорот рече и дека целосно ќе се смени изгледот на тој дел од Градскиот парк, па веќе нема да постојат летните дискотеки.

„Забавниот парк во Скопје ќе биде таква инсталација што ќе понуди целодневно згрижување на семејството. Ние како концепт го претставивме во 2018 година, но не можевме да го имплементираме зашто се се случи пандемијата. Сега се тие околности надминати и во август ќе го презентираме визуелниот изглед на тоа што ќе го добиеме. Мала тајна е дека ќе имаме преку 280 метри тобоган, ете ексклузивна информација. Нема толку големи тогобани и тоа е бајаги скапа работа. Нема да има дискотеки, ќе има ресторани“, рече Шилегов во интервјуто.