Уставниот суд на Словенија денеска привремено ја суспендираше одлуката на владата за задолжителна вакцинација на државните службеници, бидејќи оцени дека на тој начин се кршат нивните работнички права.
Неколку синдикати побараа преглед на уставноста на одлуката според која работниците во државната администрација мора да имаат сертификат од петок, 1 октомври, за да дојдат на работа, дека се вакцинирани со најмалку една доза вакцина против коронавирус или дека го прележале вирусот, пренесува Хина.
Синдикатите тврдат дека на оние што одбиваат им се заканувале со отказ, а владата тврди дека ова е само привремена мерка за заштита на здравјето и нормалното функционирање на државата.
Уставниот суд оцени дека одлуката може да доведе до раскинување на договорот за вработување.
– Тоа би значело не само влошување на положбата на вработените, туку би ги загрозило нивните работнички права – наведува судот во образложението.
Оваа суспендирана одлука, која наиде на негативни критики во јавноста, ќе опфати околу 130.000 луѓе кои требаше да ја примат барем првата доза на вакцината до 1 октомври, а втората до 1 ноември, за да продолжат со работата.
Владата, како што е наведено, имала намера оваа мерка навреме да ја прошири и на други категории на население, со цел да го зголеми бројот на вакцинирани на 70% од населението.
Стотици демонстранти излегоа на скалите на австралискиот Споменик на војната, во знак на протест против задолжителните вакцини проти Ковид-19 за градежниот сектор, јави ДПА. Тешко вооружени полицајци ја опколија групата, при што уапсија неколку лица, објавија локалните медиуми.
Тој додаде дека овие луѓе здравствените работници, самите себе и јавноста во Викторија ги доведуваат во опасност, пренесе ДПА, повикувајќи се на австралиските медиуми.
-Тоа што го видовме во последните два или три дена е криминално однесување кое на никаков начин не ја претставува нашата голема држава и тоа однесување нема да ги намали бројките на нашите случаи, рече Мерлино за новинарите во Мелбурн.
Австралиската Влада вчера ја затвори градежната индустрија на две недели, повикувајќи се на повеќе неодамнешни случаи на новозаразени со коронавирус во овој сектор.
Секретарот на Синдикатот за градежништво, Џон Сетка, ги обвини „неонацистите и десничарските екстремисти“ за киднапирање на настанот.
Австралиската држава Викторија денеска регистрира 628 нови случаи на коронавирус и три смртни случаи, што е највисок дневен извештај во тековната здравствена криза.
Третата доза вакцина против ковид 19 во Македонија се очекува да се примени наскоро.
Првично, властите планираат со третата доза да ги имунизираат лицата со загрозен имунитет и здравствените работници, додека за останатите жители во земјава сѐ уште нема дефинитивен став дали треба или не да се имунизираат со третата доза.
Директорот на Институтот за имунологија во Скопје вели дека кај нас третата доза ќе биде Фајзер, без разлика со која вакцина претходно биле имунизирани граѓаните.
Анкетираните од АЛСАТ ја изразуваат својата подготвеност да ја прифатат третата доза од вакцината против Ковид, иако тоа засега не се препорачува од експерти.
„Ги примив двете вакцини во Австрија, ако оние што се надлежни ги предвиделе, тогаш треба да ги земеме“, рече еден граѓанин.
„Не сум експерт и не знам што да кажам, имам земено две дози. Секако дека ќе земам ако ми препорачаат трета доза“, додава еден граѓанин.
Препораката на властите е третата доза да се земе 6 до 8 месеци по примањето на втората доза. Досега, над 690.000 граѓани се вакцинирани со две дози.
Тим научници од Соединетите држави, Велика Британија, Франција, Швајцарија и други земји објавија статија во научното списание „Лансет“ во која се наведува дека во моментов нема потреба од обемна имунизација со третата доза вакцини против коронавирус.
Меѓу авторите на написот се Марион Грубер, поранешна директорка на Канцеларијата за истражување и преглед на вакцини во Администрацијата за храна и лекови на САД (ФДА) и нејзиниот поранешен заменик, Фил Крауз. И двајцата поднесоа оставки откако регулаторот ја поддржа администрацијата на третата доза вакцини.
Истражувачите велат дека вакцините против коронавирус се ефикасни против тешки форми на болеста, но дека прераната употреба на третата доза носи одредени ризици, вклучувајќи и можни несакани ефекти како што е миокардитис, што најчесто се јавува по втората доза на mRNA вакцина.
Медицинските експерти постојано истакнуваат дека масовната ревакцинација започнала премногу рано, но потврдиле дека трета доза може да биде потребна подоцна – на пример, ако се појави нов вид вирус што успева да ја „пробие“ заштитата кој ја обезбедува вакцина ..
Во написот се истакнува дека дури и со високата стапка на вакцинација меѓу населението, главните носители на инфекцијата се сепак луѓе кои воопшто не биле вакцинирани.
Написот е објавен една недела пред почетокот на третата доза вакцинација во САД, што претходно ја најави администрацијата на американскиот претседател Џо Бајден.
Во почетокот на август, генералниот директор на Светската здравствена организација, Тедрос Гебрејесус, повика на мораториум за воведување на трета доза на вакцината против коронавирус навреме, за да бидат испратени повеќе вакцини во земјите чии жители се уште не примиле ниту една доза .
Израел, Франција, Германија и бројни земји на Блискиот Исток веќе најавија дека ќе започнат со вакцинација со третата доза.
Андреј Трампуч, инфектолог, раководител на Клиниката за инфективни болести на Универзитетската болница Шарит во Берлин во интервју за Ал Џезеира тврди дека ќе биде дефинитивно потребна трета доза од вакцината за да ја поразиме пандемијата, можеби и четврта и петта доза.
Европската агенција за лекови (ЕМА) постојано повторува дека се потребни повеќе податоци пред да се одобрат дополнителни дози на вакцини, но осум земји -членки на ЕУ препорачаа трета доза.
Европската комисија соопшти дека земјите -членки на Европската унија, кои одлучуваат да користат бустер дози, може да се соочат со зголемен правен ризик.
Од денеска почнуваат да важат новите мерки во државата за невакцинираните граѓани.
Невакцинираните граѓани нема да смеат да влегуваат во ресторани, кафулиња, нема да смеат да посетуваат спортски и културни настани… како на затворено така и на отворено.
Вакви мерки веќе извесен период се воведоа во неколку европски држави, каде предизвикаа бурни реакции и масовни протести.
Мислењата се поделени, а веќе на интернет просторот излегоа понуди за изработка на Ковид ЛАЖЕН сертификат за примена вакцина.
Фотографијата ни е испратена од загрижен граѓанин, кој го видел огласот, кој е веќе отстранет од огласникот.
„Вакцините даваат надеж дека ќе заврши пандемијата, но само ако вакцините се достапни за сите и ако работиме заедно“, изјави денска Папата Франциско.
Поглаварот на Римокатоличката црква преку видео порака ја поддржа кампањата за вакцинација во САД и во други амерички држави.
„Да се биде вакциниран… е чин на љубов и придонес во тоа мнозинството луѓе да бидат вакцинирани е чин на љубов. Љубов кон себе, љубов кон семејството и пријателите, љубов кон сите“, потенцира папата Франциско, пренесе Ватикан њуз.
Ксенија Николова македонска инфлуенсерка и писателка која зад себе има две книги и голем број следбеници, во моментов се наоѓа во изолација бидејќи се заразила со коронавирус.
Според нејзините тврдења таа се заразила на кафе кај другарка дома која била вакцинирана со две дози против коронавирус, а нејзината објава ја коментира познатата инфлуенсерка Миа Костова која исто така го има прележано вирусот.
Таа потенцира дека другарката на Николова со Ковид пропусница бидејќи е вакцинирана може слободно да се шета по кафичи и да го шири вирусот, а таа која го прележала нема да смее да оди на кафе.
Погледнете го целиот статус кој собра речиси илјада лајкови.
-Вчера го гледав лајвот на Ksenija Nikolova која во моментов е во изолација невакцинирана и позитивна на ковид. Накусо, цитирам: ‘се заразив од другарка со која пиевме кафе во домашни услови, затоа и немавме маски а дополнително се чувствував безбедна зошто другарка ми е вакцинирана со две дози.’ И сега, другарка и со сертификатот влегува секаде пред да знае дека сее ковид со две дози вакцина а Ксенија тазе прележана кога ќе излезе од карантин нема да може да влезе никаде.
Пази ти, доктор на науки изјави дека ‘природниот имунитет не важи, важи само оној од вакцина’
Па јас колку што знам дете вакцинирано од ммр може да фати сипаници и да ги прележи со полесни симптоми. Дете кое природно лежело морбили НИКОГАШ повторно не може да се зарази. Ама не е исто нели? Ова друго е.
И уште еднаш за сите портали и твитови! Антиваксер не сум колку што сакам да видам зошто се вакцинирам?
Најбитниот став на оние кои предлагаат вакцинација а тоа е ‘да се спречи понатамошна зараза’ падна во вода. Ем се заразуваат ем 100 посто пренесуваат. Ама мал процент биле тие со тешки клинички слики. Е па ако е мајка ми таа со две вакцини и ако заврши на машина вас ќе ви е статистика мене ми е 100 посто.
Наместо да воведете мерки на време и да не биде друга држава Тетово кај што на пример и даље ќе се иде по кафани и ќе има свадби и не смеете да им припарите, Скопските локали нема да работат со минималниот процент вакцинирани (млади, зошто поголем процент се возрасни кои и онака не одат по локали) или ќе стават клуч на врата за 2 месеци ако ова вака продолжи. Би требало и угостителите да размислат на темата, а не да почитуваат небулозни мерки.
Крајно после првите информации околу тоа колку вакцините вршат своја работа ме радува фактот што сѐ повеќе читам статуси на вакцинирани кои не се баш најсреќни што се ‘заштитени’ затоа што факт- не се.
За тоа кои ќе бидат последиците од сѐ ова ќе видиме за две три години како со Гардасилот кој беше обавезен за да биде повлечен откако остави сакати млади девојчиња во првите две год од примање на истата ( една од жртвите е и мојата родена сестра која за среќа заврши само со она од што е вакцинирана).
И да уште нешто, кога се избори рековме, пишува на Фејсбук инстаграм инфлуенсерката Миа Костова.
5 нови случаи на заразени со делта сојот, од кои 3 се во Тетово. Здравствените власти нема да дозволат цела држава да страда поради граѓани кои не сакаат да се вакцинираат. Рестрикции се можни но од есен доколку дојде нов бран од пандемијата.
Вакцинацијата не е задолжителна, но во исто време размислуваме да воведеме некакви ограничувања од септември или октомври доколку се соочиме со нов бран. Сепак, не можеме сите да страдаме затоа што некој не се вакцинира. Ние не можеме да живееме затворени. Мора светот да функционира, да биде отворен, затоа е и всушност вакцината измислена, за да се врати животот во нормала, вели Филипче
Земјите околу нас процентуално не отскокнуваат многу во бројот на вакцинирани граѓани, па затоа министерот смета дека засега нема потреба од паричен стимул или делење ваучери. Филипче потенцира дека вакцините се достапни секому и овој период треба да се забрза процесот на имунизација.
Филипче рече дека тоа треба да биде прилично висок. Појасни дека со новите агресивни соеви на вирусот, како што е индискиот, кој брзо се шири, а во некои земји има резултати кои укажуваат дека висок процент од заразените се невакцинирани, но може да се заразат и вакцинирани, со тоа што ќе имаат полесна форма на болеста.-Треба да се постигне колективен имунитет од 80 отсто, а ние сме далеку од тоа и затоа се нашите апели и кампањи, и преку министерството, Владата, Канцеларијата на ЕУ, преку УНИЦЕФ со цел граѓаните да се вакцинираат. Достапна е вакцината во сите пунктови, никој од граѓаните кој ќе се пријави за вакцинација нема да биде вратен се со цел да имаме нормален живот, нагласи Филипче.
Околу 500 деца се вакцинирани со Фајзер од пријавени 1.800 на возраст од 12 до 18 години. Во меѓувреме се одвива и теренската вакцинација по руралните средини.
Фотографијата на која медицинска сестра вакцинира повозрасно лице кое седи на трактор покрена дебата на социјалните мрежи, па сметам дека е добро јавноста да ја знае позадината на целата случка, вели министерот за здравство Венко Филипче.
Но фотографијата и покрај објаснувањата на Филипче покрена големи реакции во мрежите:
Нема потреба да се дообјаснуваш. Прво не смееш да си дозволиш да правиш ПР со жената. Второ брука сте.
Еве се срамам од се шо гледам на сликава ! Вакцините што требаше да се чуваат во фрижидери на минусни температури , без проблем се аплицираат на сонце на +40 , без маски и ракавици нормално .
Ви текнува на прекрасното здравство што ви го ветуваа во замена за највредното! Ви текнува дека сами заокруживте ДА! Е па ево ви га на! pic.twitter.com/kwov9Rprcv
Пред 5 месеци и вчера немаше теренско возило, утре ќе нема ни градско амбулантно возило. А бидејќи на сите вие е ок бабата на трактор, би ве замолил да не кукате кога ќе ви умираат домашните на раце пред врата. Македонија не е Мајами, ридско-планинска земја, и не од вчера.
Колку треба да си сељачко крило, да земеш доодена баба од беровско село и да ја товариш во приколка од трактор за после да ја злоупотребуваш во партиска пропаганда ?
Сериозно мислиш дека старо лице после вакцина на 40 степени во тракторска приколка е ок? Сис е возел во товарна приколка. Сестрата не смеела да ја боцка, туку да пријави да иде соодветна екипа и да ја боцне дома ама е веќе мобилна екипа. Штом оди трактор ќе отиде и возило на АРМ!
Не е срамота тракторот Срамота е што министерот и мн други цело време се правдаат дека луѓето живееле на не пристапно место, па како жити Бога стигнаа со трактор и приколица до местото за вакцинирање !?
