Tag Archives: здравство

Македонија

Д-р. Беќаровски објави шокантна порака од починатото 24-годишно момче: ЗОШТО СЕ ПРИКРИВААТ ОВИЕ ФАКТИ?!

Доктор Нико Беќаровски на Фејсбук објави порака за која вели дека му пристигнала нему лично, а е поврзана со смртта на 24-годишно момче кое почина завчера во битолската болница. Пораката, пишува Беќаровски, ја објаснува причината за сепсата и подоцнежниот развој на иреверзибилната дисеминирана интраваскуларна коагулација. Според докторот, грешката воопшто не е кај дежурните лекари и колегите од битолските интерни одделенија.

Пораката е од наводен роднина на момчето, кој вели дека семејството се сомнева поради што дошло до тој голем инфект кај момчето.

Почитуван докторе, мене детето што почина ми е близок роднина, би сакала да ви кажам како дојде до тој ГОЛЕМ ИНФЕКТ на што ние се сомневаме. Имено детето по кое сега ни гори душата пред три недели имаше мал хирушки, ако можам да го наречам зафат, не знам ни како да го наречам или интервенција на Ортопедија бидејќи во јуни месец се повреди со некоја сајла по грбот и имаше рана за која не отиде на лекар бидејќи изгледаше површинска исекотина. Пред неполни три недели детето во туширање со допир осетил дека нешто има на повреденото место како некое страно тело кое не го боли само на допир се осеќа. Во истиот момент оти на болница го упатуваат на ортопедија му објаснува таму за случајот и тие му велат сега е касно дојди утре ќе направиме ренген и ќе видиме што имаш. Другиот ден детето оди таму прави ренген и на него се гледа метален предмет, односо беше парче железо. Му го вадат железото одма и го прашува докторот кога имас последен пат ставено тетанус? Тој му одговара ревакцинација на 18 години. Докторот му вели добро ко така нека потреба од нова доза и на толку длабока рана не го шие само му вели ела другиот ден на преврска другиот ден оди ама нема кој да го види нема доктор само сестрата го преврзува и тое е тое. Е тука јас се сомневам тука е лекарската греска, се вели во пораката.

Македонија

„Да се зголемат платите на лекарите затоа што ќе останеме без нив“

Докторот Нико Беќаровски кажа дека директорот на Клинички центар треба да го бира Владата, но раководителите на клиниките треба да бидат вработени со минимум 20 години искуство.

Беќаровски кажа дека Иницијативниот одбор ја поздравува идејата за спојување на Клинички центар.

– Иницијативниот одбор ја поздравува идејата за спојување на Клинички центар, тоа беше една од нашите заложби. Меѓутоа, од друга страна, спојувањето треба да значи и професионализација на клиниките. Што подразбираме под тоа? Директорот на Клинички центар, да, може, нека го бира Владата, меѓутоа раководителите на клиниките исклучиво да се бираат од редот на вработените на клиниката со минимум 20 години искуство да бидат специјалистичко, пожелно би било секако да бидат од редот на професорите коишто се на таа клиника. Ние направивме една груба проценка дека само по основ на втор директор којшто постои моментално во клиниките и по основ на управни одбори, годишно околу милион и сто илјади евра се неповратно фрлени без никаква конкретна импликација, освен што служи за вработување на кадри, вели Беќаровски.

Резултатот од т.н „вечерни школи“, како што вели, е неквалитетен кадар.

– Секој најдобро знае каков персонал му недостига. Во моментот се случува од денеска да добиеме писмо дека овој е прераспределен кај вас, овој е тргнат од кај вас. Со ваков начин квалитет нема. Верувајте, има сестри што не знаат да ја стават иглата на шприцот. Таква сестра не може да работи на Клинички центар. Не би требало да работи ни на друго место. Се дисперзираа, секаде се отворија школи, се завршуваат вечерни школи, од таму произлегоа неквалитети, оцени Беќаровски.

Истовремено, лекарите го повторија и барањето за зголемување на платите.

Во спротивно најавуваат протести и напуштање на јавното здравство. Ова го најавија од Синдикатот на Клиничкиот, кому му се приклучува и докторскиот одбор.

– Ние бараме со августовската плата да се изврши тоа усогласување со минималната. Доколку тоа не се реши пред покачувањето најавено во септември, ние ќе почнеме да ги користиме сите законски акти и прописи, а тоа значи дека може да има приватни и колективни тужби до Фондот за здравство и до Министерство за здравство, а во согласност со членството, во консултации со членството може да почнат и протестите, вели Серафимовски.

– Како што се најдоа пари за судиите и за функционерите, така треба да се најдат пари и за лекарите, вели доктор Беќаровски.

Доколку не се исполнат барањата на лекарите, тие ќе преминат во приватното здравство, а младите лекари ќе заминат од државата.

Покрај зголемување на платите, се бара и обединување на сите клиники во еден правен субјект, со што, како што велат, ќе се заштедат огромни суми пари од плаќање на организациските директори и непотребните управни одбори, и тоа од над милион евра. Од Синдикатот се бара и регулирање на специјализациите, како и на статусот на сите вработени со договор на дело подолг од 6 месеци.

Приказни

Не е се’ така црно во здравството – Има и професионалци и луѓе со срце

-Со овој пост изразувам голема благодарност на екипата на Брза помош и дежурниот кардиолог во,, 8-ми септември,, ( од настанатата ситуација не успеав да им ги разберам имињата). Имено, екипата на Брза помош по дојавата дека мојата мајка има симптоми на срцев удар пристигнаа за 5 минути и со мобилен екг ја констатираа состојбата, по што веднаш ја пренесоа до,, 8-ми септември,, каде докторот кој беше во ургентно одделение откако констатира дека се работи за срцев удар веднаш со перфектна организација го обезбеди дежурниот кардиолог кој го изврши зафатот и го спаси животот на мојата мајка. Од моментот на повикот до Брза помош до моментот на кардиолошкиот зафат поминаа помалку од еден час. ВИ БЛАГОДАРАМ И ПОКЛОН ДО ЗЕМЈА.

Македонија

ЗДРАВСТВЕНИТЕ РАБОТНИЦИ НА ПРОТЕСТ – Егзодусот на лекари и сестри отсликува колку е исполнето она што го вети власта (Видео)

Video

Со вакви пораки лекари, болничари, техничари, медицински сестри и административци во кругот на Клинички, за време на паузата протестираа барајќи реализација на договореното покачување на платите од лани, …ама и државна стратегија за да се стави крај на одливот на медицински кадар.

Од Синдикатот на Клинички тврдат дека за незадоволството говорат фактите, според кои во последните три до пет години, Македонија останала посиромашна за околу 8.000 здравствени работници од кои 2.200 лекари.

Освен Синдикатот на Клинички, во исто време и со слични барања пред државните болници излегоа и членовите на Самостојниот синдикат за здравство. Оттаму бараат средба со премиерот Ковачевски и порачаа дека надлежните мора брзо да делуваат, бидејќи со минималната плата во март годинава револтот дополнително ќе пораснел.

Синдикалните организации обвинуваат и дека им се крати правото на лекарите за подоцно пензионирање, со што во последниот период Клиниките останале без 180 искусни доктори што можеле да останат на работа уште три години.

Здравствените работници очекуваат уште неделава да се финализираат собраниските процедури за реконструкцијата на Владата, за со новиот министер Фатмир Меџити да можат да преговараат. Но, во меѓувреме, не исклучуваат радикализација на протестите и штрајк од наредната недела.

ПРИЛОГ НА КАНАЛ 5:

Здравје

21 век кај нас уште УМИРААТ пациенти од СЕПСА !? – Затворени одделенија во Прилепската болница

Пациентка на 52- годишна возраст починала по рутинска гинеколошка операција – киретажа поради менопауза, од засега непознати причини потврдуваат за „Слободен печат“ раководни структури од Општа болница Прилеп. 

Според нивни информации, триесет часа после киретажата, истата пациентка дошла на Инфективната клиника во Скопје, била на кислород и исклучително вознемирена, во исклучително тешка, септична состојба, а резултатите од крвната анализа биле лоши – ПИШУВА Слободен Печат.

Неколку операциони сали во општата болница Прилеп се затворени поради тоа што постои сомнение дека внатре има ретка опасна бактерија „серација“ но нејзиното присуство не е потврдено од страна на стручните служби, а смртта на пациентката не е потврдено дека е настаната поради сепса ниту дека е на било каков начин поврзана со евентуалната бактерија.

Она кое го потврдуваат нашите медицински извори е дека само интрахоспитална бактерија може да предизвика брза акутна септична состојба каква што имала пацинетката пред да почине. Од превентивни причини неколку одделенија се затворени за пациентите во Прилеп, а доколку бараат интервенција која не е итна, таа се одложува до целосно расчистување на состојбата.

-Редовната програма за операции се одложува, другите случаи се препраќаат во други болници, а само животозагрозувачките случаи се третираат додека да ги добиеме резултатите од анализите. Без резултатите не би можела да кажам дали има или нема бактерии. Салите се затворени на неколку одделенија, ортопедија, гинекологија, максилофацијална, очно, интензивна нега. Чекаме резултати, вели директорката на Општата болница Прилеп Кети Смилевска.

Суспекната бактерија серација може да предизвика сериозни инфекции кај болничките пациенти. Особено сензитивно е доколку пациентот користи катетар и така бактеријата може да се пренесе, според медицинската литература. Може да предизвика инфекции на уринарниот тракт, на дишните органи и очите. Симптомите на инфекцијата со серација на дишните патишта се запаление на грлото и носот и чувство на задушување. Серација може да предизвика запаление на белите дробови, менингитис, артритис и други тешки состојби.

Македонија

КОЧОВСКА ПЕЕ ЗА ФЗО: Докторе мој тажен, фондот не врти ко волови на ражен, докторе мој, сите не одра тој (Видео)

Video

Македонска пејачка и актерка Тања Кочовска, испеала песна за денес хакираниот Фонд за здравство, уште во 2005 година.

Балада за Фондот за здравство е пародија на познатата македонска песна Галебе мој тажен и иако е направена одамна, актуелна е и денес.

Видеото може да го отворите ТУКА.

Македонија

АРНО ИМ ТЕКНА ! – УТРЕ ПРОТЕСТ ЗА ПЛАТИТЕ ВО ЗДРАВСТВОТО

Незадоволни од доцнењето на платите во здравството поради хакираниот систем на ФЗОМ, денеска дел од вработените во ГОБ 8 Септември излегуваат на мирен протест.

Протестот утре ќе се одржи во дворот на болницата, за време на паузата од 13 до 13.30 часот.

Веќе две недели поминаат од хакирањето на базата на ФЗОМ, поради што не функционираат повеќе сегменти од системот, меѓу кои е и исплатата на платите на медицинскиот персонал, но и породилното и другите боледувања. Премиерот Димитар Ковачевски рече дека се работи за хакерски ренсомвер напад кој по дефиниција е врзан за давање откуп од страна на оштетената страна за враќање назад на енкриптираните податоци од хакерите.

Претходно, протест за во среда најавија здравствените работници од Клиничкиот центар „Мајка Тереза“ независно од тоа дали во понеделник ќе ја примат задоцнетата плата.

Македонија

ПАНИКА ! Колабирал системот на ФОНДОТ ЗА ЗДРАВСТВО – Сигурни ли се податоците на граѓаните ?

Колабираше системот на најголемата здравствена институција во земјава. Од вчера и централата и подрачните служби на Фондот за здравствено осигурување не работат. Дали се работи за хакирање на системот на Фондот допрва ќе се истражува. Од Министерството за внатрешни работи не одговараат дали нивен тим е излезен на терен за да провери за што станува збор- пишуваат од Инфомакс.

“Има технички проблеми во серверската инфраструктура во централата. Се работи на отстранување на дефектот“, кусо ни одговори портпаролот на Фондот, Менче Атанасова Точи, на прашањето што се случува со изгубените податоци и сомневањата за хакирање на системот на осигурениците.

Според извори во Фондот, вчера настанал огромен проблем со податоците и со компјутерите воопшто. Имено, кога почнало да се префрлаат податоци од сервер на клауд, сите податоци ги снемало и никој не знаел што се случило. Паниката била огромна, бидејќи станува збор за лични податоци на околу два милиони осигуреници, финансиски документи и доверливи информации.

Минатата година, Државниот завод за ревизија го предупреди Фондот дека има сериозни забелешки во делот на заштитата на податоците:

“Со извршената ревизија во делот на воспоставениот информациски систем и начинот на функционирање на истиот во пропишаната организациона структура на Фондот: не се донесени ИТ стратегии за развој на информацискиот систем, заштита на податоците и функционирање на системот по евентуални катастрофи согласно стандардите за информациска безбедност. Презентираните ИТ политики и процедури за ИТ безбедност се од 2014 година и не се ажурирани подолго време; Секторот за ИТ, во последните години се соочува со перманентен одлив на вработени. Од вкупно предвидените 34, во 2020 година се пополнети 5 работни места и ангажирани 9 лица со договор на дело, а во 2021 година пополнети се 2 работни места и 3 лица со договор за дело. Состојба со кадарот не е доволна за одржување на ИТ системот на Фондот, а развојната компонента во целост ја врши ангажирана информатичка компанија, иако Фондот го поседува изворниот код за информацискиот систем. Поради недостиг на ИТ кадар, директорот на секторот во исто време е и администратор на ИТ системот во Фондот, што не е во согласност со добрите пракси за ИТ безбедност; − серверската структура во систем салата на Фондот е застарена и целосно амортизирана како резултат на непрекинато работење и не е во можност целосно да одговори на моменталните потреби на Фондот, особено што не е обезбедено одржување, ниту секундарна локација на истата – пишуваат од Инфомакс.

Здравје, Македонија

„Оставете број, ЌЕ ВИ СЕ ЈАВИМЕ АКО УМРЕ”: Семејство доживеало голгота во болницата во Кочани

Video

Нов скандал ја “тресе“ кочанската болница. Семејство кое 50 години живее во Канада, за празниците дошло во Македонија, но наместо празнична атмосфера, преживуваат голгота.

“Оставете број, ќе ви се јавиме ако умре”, со овие зборови биле “примени” Фредерика и нејзиното семејство во болницата во Кочани, каде моментално е сместен сопругот на Фредерика, пренесува ТВ24.

Таа тврди дека немаат информација за тоа каква е состојбата на пациентот и дека нејзиниот сопруг е сместен на интерното одделение во кочанската болница, каде со возило на брзата помош бил префрлен во понеделникот. Кога успеале да го видат, глетката била страшна.

„Пациентот претходно имал проблеми со тироидната жлезда, за која прима соодветна терапија, а после оваа голгота семејството вели дека сакаат да го префрлат во Канада, но исто така посочува и на катастрофалните услови во кочанската болница.

За овој случај семејството на Шанговски го известиле и конзулатот на Канада во Македонија и Канадската Амбасада.

Инаку, како семејството така и ние се обидовме да стапиме во контакт со Директорот на Кочанската болница, но обидите беа безуспешни“ – објави ТВ24.

Здравје, Македонија

БРАВО ! Направена првата трансплантација на црн дроб од починат донор!

Gallery

Министерството за здравство информира дека денеска на Клиниката за дигестивна хирурија била направена првата трансплантација на црн дроб од починат донор, што претставува прва во историјата на македонскотo здравство.

Шеесет годишен пациент со хронична болест на црниот дроб доби здрав орган од пациентка со мозочна смрт чие семејство вчера се согласило да ги донира органите.

Покрај црн дроб, се вршат и трансплантации на бубрези кај двајца пациенти со бубрежна болест.

-Би сакал од мое лично име и од името на целиот персонал вклучен во трансплантациите да се заблагодарам на семејството на донорот и на нивната одлука да спасат не еден, туку три животи. Ни покажаа уште еднаш дека живот може да се подари. Благодарност и до сите медицински тимови вклучени во трансплантацијата кои изминтите 24 часа работеа и продолжуваат да работат со пациентите.Особена благодарност до професор Зоран Караџов и неговиот тим, како и тимот на Клиниката за гастроентерохепатологија, кои денес испишаа нов лист не само во делот на дигестивната хирургија туку и во целокупното здравство, истакна министерот за здравство, д-р Беким Сали.