24инфо.мк дознава дека жената која пред неколку денови беше пронајдена во водите на реката Вардар кај Зелениково е всушност Лидија од скопското село Јурумлери.

Потврда за тоа добивме од нејзините најблиски.

Лидија (43) исчезна минатата година на осму ноември а последен пат била видена на автобуската станица во селото Јурумлери. 

Потрагата по неа траеше со месеци, а нејзиниот брат и нејзината сестра бараа и меѓународна помош за нејзино пронаоѓање.

Македонскиот ракомет изгуби голем работник и исклучителен спортски професионалец, откако ненадејно во текот на ноќта почина тренерот Александар Јовиќ на 51-годишна возраст.

Јовиќ, кој последно ја водеше екипата на македонскиот суперлигаш Пролет, остави длабока трага како тренер и играч. Во текот на својата тренерска кариера, беше асистент на Лино Червар во Металург, а самостојно ги водеше Металург 2 и Еурофарм Пелистер, со кого освои титула шампион на Македонија.

Како играч, Јовиќ беше дел од повеќе реномирани клубови, меѓу кои Металург, Вардар, Пелистер, Преспа, Борец од Македонија, како и Болоња од Италија, Сплит од Хрватска, Апатин од Србија и Слобода Тузла од БиХ.

Со својата посветеност, професионализам и знаење, Александар Јовиќ остави значајно наследство во македонскиот ракомет. Неговата прерана смрт е голема загуба за спортската заедница во земјата.

Нека почива во мир.

Хрватска избра претседател. Зоран Милановиќ доби уште еден мандат.  Ова им даде можност на српските медиуми да истражат за неговата финансиска состојба, колку заработува и да ги споредат неговите примања со оние на претседателите од регионот.

Македонија и на оваа листа е на дното.  Најниска плата има македонската претседателка Гордана Сиљановска-Давкова, околу 1.500 евра, а највисока плата прима претседателот на Албанија, Бајрам Бегај – 3.860 евра. Српскиот претседател Александар Вучиќ има плата од околу 1.800 евра месечно, а бугарскиот Румен Радев зема плата од 3.000 евра.

Црногорскиот претседател Јаков Милатовиќ има плата од 2.420 евра. Милановиќ зема плата од 3587,79 евра. Членовите на претседателството на Босна и Херцеговина(БиХ), Жељка Цвијановиќ, Денис Беќировиќ и Жељко Комшиќ примаат плата од 2.920 евра, според податоците од октомври 2023 година.  Словенечката претседателка Наташа Мусар зема плата од 3.322 евра.