Според сегашниот закон граѓаните плаќаат данок од 0,1 до 0,2% од пазарната вредност на станот. Ако живеат во него, тогаш данокот се намалува за 50%. Доколку не живеат, или имаат деловен простор кој не го користат, тогаш ја плаќаат целата сума.

Со новите стапки кој ги најави Заев, сумата ќе биде три пати повисока. Целта е драстично да се зголеми данокот на имот за сите кои поседуваат недвижности, а не ги користат, вклучително и земјоделското земјиште, како и државниот имот.

За дел од економските експерти мерката е популистичка и нема да донесе повеќе пари во буџетот. Економистот Горан Рафајловски, вели дека ако државата навистина сака да го наполни буџетот, најпрво и единствено треба да ја сузбие сивата економија.

„Ова ќе биде уште едно катастрофално решение, како што беше решението за 18% за поголем данок на добивка. Или кратко кажано, тие што плаќаат тие се во систем, тие имаат повеќе имот. Јас се сложувам дека треба повеќе да плаќаат. Секој што не користи треба да го плати, па дури и целиот данок наместо да не го користи, целиот да се зголеми за некоја ситна процентна стапка, но добро да се пресмета. Но, сакате вистински 1 милијарда да донесете во каса, треба сериозно да седнете и да го работите она за што ве изгласале, барем во економскиот дел.“ изјави Горан Рафајловски, економист

Предлогот изминатата недела требаше да помине на владина седница, но од Владата велат дека е вратен на доработка и би требало да се најде на некоја од наредните владини седници.

Единствена држава, која би сакала да почне преговори за приклучување кон ЕУ со Македонија, дури и повеќе од Германија е Бугарија, но за мене беше големо изненадување што неодамнешната резолуција на Европскиот парламент за Бугарија го покрена прашањето за наводното македонско малцинство во Бугарија, вели бугарскиот претседател Бојко Борисов во интервју за Франкфуртер алгемајне цајтунг.

-Во Бугарија нема македонско малцинство. Какво македонско малцинство треба да има во Бугарија? Јас не познавам такво малцинство. Од резолуцијата дознав дека има такво. И со оглед на тоа што бугарските социјалисти во ЕП ја поддржаа резолуцијата очигледно тие исто така сметаат дека такво малцинство живее кај нас. Наместо да водиме позитивна дебата за европскиот пат на Република Северна Македонија, сега се насочуваме кон сосема поинаква дебата. Сакам да напоменам дека навистина ме вознемири насоката во која се развија настаните, изјави Борисов за ФАЦ.

Борисов нагласува дека компромис со Македонија е можен, но вели дека е потребно да се познава историјата

„Пред три дена градоначалникот на Општина Аеродром, Златко Марин, распиша оглас за јавна набавка за новогодишно украсување на општината во услови кога граѓаните се борат со загадениот воздух и корона заразата. Значи Марин ќе троши за лампиони и светилки, а нема да потроши ниту денар за почист воздух или пак за помош и превентивни мерки од корона заразата“ – напиша во својот фејсбук статус Златко Перински.

Перински потенцираше дека во Општина Аеродром, во овој момент има над 1400 заразени од корона, на кој сигурно им е повеќе потребна помош за пребродување на здравствената криза од тоа таткото на општината да троши за лампиони и светилки. Овие пари можеа да се потрошат и за купување на лап топ компјутери за дечињата кои доаѓаат од социјално загрозени семејства, а кои не се во можност да ја следат он лајн наставата, предложи Перински.

Твит на денот:Најди го македонското знаме, за среќниот пронаоѓач следува награда

Бугарскиот вицепремиер Красимир Каракачанов упати навреди за македонскиот премиер Зоран Заев по интервјуто на премиерот.  Каракачанов изјави дека Заев е „Бугарин на кој мозокот му работи споро:

– По стар бугарски обичај, на Бугаринот му доаѓа паметот следниот ден, па така е и со колегата Заев – рече Каракачанов.

Срамни и понижувачки се ваквите шовинистички изјави на Каракачанов. Доколку Премиерот на Република Бугарија г-дин Борисов не се огради од ваквите навредливи изјави на неговиот Вице Премиер Каракачанов потребно е да се стопираат разговорите и преговорите во врска со едностраниот спор.

Да се изгради сеопшт национален консензус во Македонија по прашањето и да се продолжи понатаму со разумни луѓе од другата страна кои што нема да провоцираат и собираат евтини политички поени туку ќе бараат решение.
Ваквата изјава е навреда не само за премиерот туку и за целиот Македонски народ и сите наши граѓани.
Очекувам дека и колевката на демократијата и човековите права и слободи Европската Унија и официјално ќе ги осуди ваквите навредливи изјави од страна на бугарските официјални лица.
Министерството за надворешни работи веднаш треба да го повика бугарскиот амбасадор и да му врачи остра протесна нота.

Вели Максим Димитриевски на својот фб статус

Високи цени, нереален попуст и се е сведено само на маркетинг и промоција

Долгонајавуваниот голем и феноменален попуст уште еднаш покажа дека е само маркетиншки трик за привлекување потрошувачи, се пожалија граѓаните. купувачите кои денеска излегуваа речиси празни, повторно разочарани коментираа дека ниту има попуст, па ниту намалени цени.

Високи цени, нереален попуст и се е сведено само на маркетинг и промоција. Уште една тура на лажни попусти ги тресат трговските центри, овој пат за време на пандемија, се пожалија граѓаните пред камерата на Алфа. Велат дека дека попустите не биле реални, иако по дуќаните има плакати за попусти од 20, 30, па и 50%.

Какви попусти, нема ништо од тоа. Не може едни тренерки кои биле 3.000 денари, да ги покачат на 4.000, за сега пак да ги вратат на истата цена. Тоа го има само кај нас и никаде на друго место. Попусти има да, но само на излог. Големото снижување како во САД, кај нас ни го имало, ни пак ќе го има, се пожалија граѓаните пред камерата на Алфа, и додаваат дека ова што го прават големите молови е тотално разочарување, наместо промоција.

Граѓаните кои ги посетуваа моловите носеа заштна опрема и држеа дистанца, иако по дуќаните, најверојатно поради пандемијата и кризата, нема гужви како други години.