Се шпекулира дека сопругата на принцот Хари на овој начин сакала да ја зголеми својата популарност во Америка, бидејќи одамна фрлила око на Овалната канцеларија на Белата куќа?

Според странските медиуми, Меган Маркл веќе се поврзува со постарите демократи поради нејзините амбиции да стане првиот американски претседател!

Војвотката од Сасекс претходно им ги открила своите политички амбиции на своите пријатели, а сега се надева дека нејзиното бомбастично интервју со Опра Винфри ќе ја зајакне нејзината поддршка во САД, изјавија извори за „The mail“.

Според еден постар британски политичар, кој служел под премиерот Тони Блер и е тесно поврзан со Вашингтон, Меган отворено се вмрежува со високи демократи за да помогне во собирање тимови за собирање средства и кампања за Белата куќа!

„Блеристите, интернационалистичките и демократските партиски мрежи зујат од разговори за политичките амбиции на Меган и потенцијалната поддршка“, изјави анонимен извор за британскиот весник.

Се верува дека фокусот на Меган е насочен кон кампањата во 2024 година, доколку претседателот Бајден, кој тогаш ќе има 82 години, не одлучи да се кандидира по втор пат. Доколку успее во своите амбиции, би заминала во историјата како прва претседателка на Соединетите Американски држави.

Нејзиниот пријател и биограф Омид Скуби исто така претходно тврдеше дека поранешната актерка фрлила око на фотелјата во Овалната соба.

“Меган е олицетворение на американскиот сон. Еден ден може да ја гледаме како станува претседател”, изјави авторот на “Наоѓање на слободата: Хари, Меган и создавањето на модерно кралско семејство” во документарец.

Дека војвотката од Сасекс сериозно размислува за кандидатура, изјави друга нејзина пријателка за Венити фер.

„Една од причините зошто не сакаше толку многу да се откаже од американското државјанство е можноста да влезе во политика“, коментира една пријателка за нејзиниот краток престој во Велика Британија.

Сепак, биографот Ендру Мортон верува дека војвотката нема доволно „дебела кожа“ за да се кандидира за претседател и таа ја истакна својата чувствителност на критиките за време на разговорот со Опра.

“Јас категорично тврдам дека таа нема шанси некогаш да се кандидира за претседател. Тие би ја јаделе жива”, изјави Мортон, автор на книгата Меган: Холивудска принцеза, за Венити фер минатата година.