Инфо +

Bладата ќе основа Aгeнциja за кaнабиc

На денешната седница Владата ја разгледа и усвои информацијата за формирање „Работна група за подготовка на измени и дополнувања на законодавството за декриминализација, легализација и искористување на медицинските, социјалните и економските придобивки на канабисот”, составена од институции, здруженија и граѓански организации, а врз основа на доставените барања и предлози од различните чинители до Канцеларијата на претседателот на Владата на Република Македонија.

За координатор на работната група е назначен Националниот координатор за стратегиски комуникации во Владата, а во неа ќе членуваат и ќе добијат покана за учество следниве институции и чинители:

– Претставник од кабинетот на премиерот;

– Претставник од Министерство за здравство;

– Претставник од Министерство за правда;

– Претставник од Министерство за внатрешни работи;

– Претставник од Здружение на токсиколози;

– Претставник од Здружение на педијатри;

– Претставник од Здружение на онколози;

– Претставник од Здружение на млади фармацевти;

– Претставник од Здружение на млади кривичари;

– Претставник од Хелсиншки комитет за човекови права;

– Претставник од ХОПС – Опции за здрав живот Скопје;

– Претставник од Коалиција маргини;

– Претставник од здружение Операција Ослободување;

– Претставник од Здружение за канабис и зелени политики Билка;

– Претставник од НВО коалиција Канабис институт Пелагонија;

– Претставник од Национален младински совет на Македонија;

– Претставник од Мак канабис, здружение на производителите на медицински канабис;

Мандатот на работната група ги опфаќа следните прашања поврзани со регулација на производство и употреба на билката канабис:

– Декриминализација и легализација на поседување и лична употреба;

– Декриминализација на одгледувањето на растенија за лична употреба;

– Разгледување можности за основање и работење на социјални клубови;

– Зголемување на бројот на здравствени состојби за кои можат да се користи канабис;

– Дозвола за лекари од приватното здравство да препишуваат препарати од канабис и можност пациентот кој добил препорака за лекување со препарати од канабис да може сам да си одгледа и користи во форма во која најмногу му одговара за неговата состојба (орално, преку инхалација или преку супозитории);

– Основање на Агенција за канабис;

– Формирање Фонд од давачките/даноците кои компаниите кои произведуваат и тргуваат со канабис ќе ги плаќаат кон државата, со цел поддршка на проекти од општествен интерес во сферата на лекување на ретки болести, медиуми, медиумски работници и продукција на домашни медиумски содржини, граѓанското општество, културата и спортот, како и за поддршка на работата на Агенцијата за канабис.

Related Topics:Агенција Влада канабис

Up Next

Обезбеденo вработување за таткото и братот на Верица Белчовска, девојчето чии органи спасија животи

Don't Miss

Во Жеровјане се организираат стриптиз забави во клуб што работи доцна во ноќта ? (Видео)

Свет

Метеоролозите предупредуваат: Европа може да доживее арктички студени бранови оваа зима

Експертите предупредуваат дека оваа зима во Европа постои можност за силни арктички студени бранови, иако поларниот вртлог се очекува да биде послаб од вообичаеното. За Германија, ова би можело да значи студени периоди со остри падови на температурите, потсетувајќи на „зимата на векот“ од 1978/79 година, кога земјата беше погодена од обилни снежни врнежи, снежни бури и исклучително ниски температури, според Euronews.

Според сегашните временски модели, околу католичкиот Божиќ се очекуваат претежно благи температури, со повремени студени отстапувања. Долгорочните прогнози на Европскиот метеоролошки центар укажуваат на заладување по празниците, додека Националната океанска и атмосферска администрација на САД (NOAA) прогнозира повисоки просечни температури за декември, кои сепак не ја исклучуваат можноста за појава на студени бранови подоцна.

Јануари, според експертите, може да донесе променливи услови со благи трендови, многу сива облачност и ретки вистински зимски денови. Истовремено, висок притисок над Централна Европа може да создаде измамно светли, но ладни денови, со магла и можност за траен мраз.

Поларниот вртлог и натаму игра клучна улога: неговите нарушувања во средината на зимата можат да насочат студен арктички воздух кон Европа. Иако моментално не се предвидува колапс на вртлогот, стабилните трендови на висок притисок се во согласност со можноста за силно заладување.

Дополнително, присуството на Ла Ниња, која ќе трае до февруари 2026 година, го зголемува ризикот од поладни и повлажни услови во западна Европа. Ла Ниња често предизвикува пообилни снежни врнежи на Алпите, што може да донесе добра вест за љубителите на зимски спортови и потенцијално создаде услови за „зима на векот“.

Свет

Петгодишно дете со жижица предизвика пожар на паркинг во Германија

Петгодишно момче го запали автомобилот на соседот откако неговата мајка му дала жижица, соопшти полицијата во Северна Рајна-Вестфалија. Инцидентот се случил во саботата на паркинг во станбена област во Хаген.

Жената, на возраст од 42 години, запалила жижица заедно со својот син, а од искрите се запалиле суви лисја под блискиот автомобил. Обидите за гаснење на пожарот не успеале, и автомобилот на соседот бил целосно изгорен, предизвикувајќи штета од околу 30.000 евра. Пожарникарите успеале да спречат ширење на огнот на другите возила на паркингот.

Мајката се соочува со тужба за небрежно палење. Полицијата потсетува дека жижиците се легални за купување и користење во текот на целата година, за разлика од другите пиротехнички средства, чија продажба во Германија е строго регулирана.

Балкан

Судии и обвинители во Белград протестираа против политички притисоци

Судии, обвинители и адвокати од цела Србија денеска се собраа пред Уставниот суд и Правниот факултет во Белград за да протестираат против, како што велат, политичките притисоци врз судството.

Причината за протестот беше забраната на обвинител од Првото основно јавно обвинителство во Белград да изврши увид по инцидент во шаторската населба „Ќациленд“ пред српскиот парламент, каде престојуваат поддржувачи на власта. Дополнителен повод се најавените измени на законот за Обвинителството за организиран криминал, со кои ова обвинителство би станало дел од Вишото јавно обвинителство.

Присутните на протестот истакнаа дека ваквите законски измени би ја ограничиле автономијата и независноста на Обвинителството за организиран криминал и корупција, што, според нив, е јасен сигнал дека државата се откажува од институционалната борба против организираниот криминал.

Протестот заврши пред Правниот факултет во Белград со 16-минутен молк во чест на жртвите кои го загубија животот при падот на натстрешницата на Железничката станица во Нови Сад.